差不多一年...

同阿Ning分開左差唔多一年了......
當日全因為同佢分手，我先有勇氣去辭職，
辭去工作後，生活反而更充實，
為左自己想做0既工作而去努力，
黎到呢一刻，重有一個星期就面試，
呢一刻，的確係好緊張！
與此同時，久違了愛情的感覺又回來了......
或許一年的時間，我真的太寂寞了！
但我比自己一個界線，就係合格左先同佢講，
因為我唔想自己一個無業遊民同人家拍拖，
我唔係自卑，而係現實世界必須要有金錢先可以生活，
無收入我又何來比人幸福呢？

呢幾日個心都好煩，好心急......
突然有感自己變返中學時追女仔咁，
將自己困於自己0既幻想裏面，
其實我同佢好少見，基本上St. John之後只見過佢兩次，
當日幫佢拎CERT，都唔係出於想追佢，
但反而後來傾多幾次計，我覺得佢有一種魅力吸引住我，
現時我無可能話自己好愛佢，始終大家感情唔深，
但係我就成日都好掛住佢......
呢種感覺，好似好多年無試過了！

我覺得佢好似有點避開我，
的確令我好唔開心！
有人話，如果人地唔鐘意你，就放手唔好煩住人，
但亦有人話，如果你係鐘意人，就唔會因為比人拒絕一兩次就放棄......
妳話到底邊個先啱呢，Zhita？