阿牛 陳弈迅

不能回頭多年前 早明言不能回頭
可幸在 是我這一頭蠻牛
幾年來無法侍候 才和我分手
成婚之前一刻才講到
難得你來通報才知道
往日共你追憶永遠是好
怎能預計似這般難共你同揩共老
你話只需肯做
差一剎與我拾回舊好

不甘心尤其這新婚 就像玩犧牲
想過搶新娘 我差點講真

歷史一刻早已將舊伴侶轉送別人
我說 別傷心 仍能恰當大方去做人
約定日後你若和他雙婚
拿來用你尚有餘的惻隱
憐憫我此生的不幸
不緊要 約到明年來生

不甘心 人人不開心
尤其這新婚 失去我身份
不甘心
明明不開心 就是不甘心
不過我肯等 等一生都等

這都好自小想拿到的全得到
如今我求不到才知道
我命運裡雖則當你是寶
天涯上有更多的好

情人仍然未抱
要這麼的慘酷
她不要我再拾回舊好

不甘心 人人不開心
尤其這新婚 失去我身份
不甘心
明明不開心 就是不甘心
不過我肯等 等一生都等

一頭蠻牛 闖情場竟成為一頭蠻牛
慘淡在是我知不能回頭
欺騙我難約定未來回頭
我是牛 我是牛

告一段落...

今日終於都將一直想比返佢但又唔捨得比返佢0既野歸還比佢了...
重連埋一封信...

相信佢好快就會刪晒果兩個心心的了，
誰會理會甚麼心機不心機，
除了我之外，
在所有人眼中，
那些都只係錢，
誰會在乎它們的由來，
誰會在乎它們的意義呢？！

大慨我同佢呢一生呢一世都唔會再有人生的交叉點的了！

人說，一個人失去咗人生意義，
就等同於失去咗一切，
亦好像失去咗一個人生一樣，
我在想，我現在大慨已經草草了結了自己的一個人生了......

初初我以為我咩都忍到Iris，
Then我呢一生最愛果個應該就會係佢，
但原來，我一生中最愛果個，
始終都會係阿蕾......

袁子今日問我點解唔試吓出盡力咁去追返阿蕾，
在於一個女朋友身份0既人而言，
佢咁問我，真係好怪......
但佢咁問得我，正因為佢知我真係好愛阿蕾，
最愛果個亦係阿蕾......
而我個答案係，因為我知道我無可能追得返佢......
因為佢應該係好恨我的，
果時對佢咁好，但都竟然背叛果一段感情......

佢問我，覺得佢係唔係好傻，
竟然會鐘意一個唔愛自己0既男人......
講真，我答佢"係"，
因為我呢一個男人，
唔單止係唔好，更係唔值得有女人為我付出咁多野......
因為，我心入面就只有阿蕾......

今晚，同袁子去海旁飲醉酒了，
正因為咁，同佢講出咗好多心聲，
亦因為咁，令我想起好多往事......
平日好飲得0既我，
今日卻被三支酒搞掂咗......
人說，酒入愁腸愁更愁......
或許是真的吧！

袁子走了之後，
我Send咗兩個massage比阿蕾，
真係鼓起勇氣去問佢，
如果我真係好想追返佢，
我有資格或機會嗎？
之後佢一直無覆返我massage......
大慨我又再一次被佢拒絕了吧！
Then send咗一個massage向佢道歉，
或許我係阻住佢瞓，或是騷擾到佢了......

一個沒有回覆的短訊，
大慨已經係一個最好的回覆了......

人的一生真係好短暫，
一個人生原來可以因為一殺那做錯決定而徹底被毀了......

我愛妳，阿蕾......
大慨呢一樣野永遠都只會係埋喺我心中心處0既心聲而不會再被世人所提及...

失落

今日又要返學幫手宣傳O'Camp，
當然又見到佢啦......
重要有時坐佢身邊添，
但......果然，距離很近，但相隔很遠......

結果，全日同佢講咗幾句話，
內容......只係叫我還返我欠佢0既野比佢......

一直都唔願意還，
但我知今次係避無可避，
結果應承咗佢星期一拎比佢......
之後大家又再繼續互不相識地各自工作......

我一直都唔肯願果樣野，
唔係因為果樣野我還唔起，
亦唔係因為我想唔還，
最大原因係，我好怕還咗，
以後我同佢唯一0既聯繫都會無埋......
好怕將來唔會再有機會見到佢......

今日，見到佢左手無名指上面有一隻介指......
順理成章地，又引起我好多幻想，
我不停咁去搵，睇吓有冇一個男仔有同樣0既介指，
結果，係搵唔到......
但卻見到有D男仔同佢好親熱，
到底邊個會係佢男朋友？
依然係果個，還是另有其人？
今日，我真係無辦法專心咁去Sell野，
不斷咁去望住佢，
當佢離開我視線時就會好緊張咁去搵佢，
但又好怕佢知我望住佢......
間中佢坐我身邊時會有電話黎，
我好想知電話入面果個會唔會係男仔，
會唔會係佢男朋友，
可惜，我無處可尋......

阿Ming同阿光都發現我好失落同悶悶不樂，
都有問我做咩唔開心，
講真，我一向都唔會太過令人覺得我情緒有波動，
但今次我真係控制唔到自己......
結果我只係話我唔太舒服，
有點頭痛......

尋晚......
久違了0既夢又再重現，
夢中我又見到阿蕾，
佢同我傾計，當中我見到有個男仔錫佢，
之後我就醒咗，
當中我同佢傾咗好耐，
但傾咩已經記唔起了......
我真係好驚個夢會係真......

返到屋企之後，
就要煮飯比屋企人食，
一路煮就一路諗，
到底我重會唔會有機會煮飯比阿蕾食？
即使係一次，我都會好珍惜，
煮最好0既比佢食......

愛一個人，唔係要令人愛自己，
而只係好單純因為我愛佢，
就好似阿蕾咁，
無錯我係不斷咁愛佢，亦好希望佢可以再比機會我，
但我好清楚係無可能的......

愛一個人係因為我真係愛佢，
而唔係要佢比返相同回報比我......
有回報，只係上天比人0既恩慰，
恩慰，並唔係必然的......

就好似我一樣......

原來......如此......

好耐無打過日記了，
真係好耐了......
我還以為自己已經忘記了這個日記板，
亦以為自己不會再打日記......

公司喺８月１２日正式結業，
真係黎得幾突然的，
當然，呢次突然結業，亦帶比我好多奇妙經驗，
其實一直都好想將佢記低，
但我無勇氣再去開呢個日記板，
不過最後，依然係喺呢一個８月１９日開返佢......

１２號果晚認真刺激，
兩點幾成班人靜靜雞返公司拎晒Ｄ野走，
真係未試過咁好玩，
好似做賊一樣，
相信日後亦未必再有機會做類似事情，
喺呢度做野，我唔單止學到點去做一個待應，
更加睇盡人生百態，
不論係同事或是客人，
講真，公司結業，我都真係幾唔捨得的......

喺呢度做野最大得益真係學到點去同陌生人溝通，
其次就係學到與人溝通同建立關係，
當中有Ｄ同事成日都話昨日0既佢就係今天0既我，
我初初唔係好明，但之後我開始明白點解......

其中一個係小雄，
三十歲人，講真重係當打之年，
佢令我明白到點解一個男人一定係會有外遇，
亦令我明白到外遇，並唔一定代表不忠，
或許講起黎好矛盾，
亦會有好多人會反對呢一點，
當然，大多數女人亦唔會認同呢一點，
但其實，事實上亦係無辦法講得明呢一點，
就好似佢咁，同佢老婆一齊六年，
六年之間佢同另一個女人一齊過一年，
但佢老婆依然肯等佢，
最後佢地都係走返埋一齊，
第二個係輝哥，
佢同佢老婆一齊十年了，
其間外遇多不勝數，
但最後都喺今年結咗婚，
初初聽到時，我真係覺得好似我，
但問題係，我個結局又會唔會同佢地一樣？
同阿蕾分咗手十個多月了，
有時我都會幻想自己會好似小雄同輝咁，
最後都可以同返佢一齊，
但當然，幻想終歸幻想，
我幾愛佢，幾掛住佢，佢係一Ｄ都唔會知，一Ｄ都唔會明白的......
人一生總會有好多遺憾，
或許呢一個就係我人生第一個最大0既遺憾吧！

都已經十個多月了，
有一段時間，我真係以為自己已經完全忘記咗呢一個人，
以為自己總算可以逃離呢一個永不磨烕0既回憶，
但好可惜，原來我又喺度自己呃自己......
呢幾日，知道收生日要返去幫手時，
自己第一個反應，竟然係......
"到時咪可以見到佢囉"
其實我自己早就料到，
但只係思想上咁諗......
到咗今日，好自然地，一返到去就見到佢，
而唔知係唔係命運安排，
我地CP竟會同SU分一張枱擺檔......
一見到佢，我終於知道自己一直以來都低估咗自己，
原來自己真係咁掛住佢，
一見到佢，就即時有一種好想走埋去攬吓佢0既感覺，
但......都係果句，思想終歸思想，
我自知我無可能可以咁做......
到後來，我去咗駕駛學院見工，
見完之後，真係有衝動返去幫手拾野，
同時亦可以再見多佢幾面......
幸好，一場大雨令我無辦法咁做......

之前，好幾次飲醉酒都好想打電話比佢，
而今晚，我一啖酒都無飲過，
但同樣地，我都係好想打比佢，
話佢知我重好掛住佢，
當然，同樣地，思想終歸思想......
再者，對於一個有愛人0既人黎講，
我今時今日講咩都係途然......

我亦唔知自己會有呢類諗法到幾時，
亦唔知自己幾時真係會忘記咗佢，
更唔知自己幾時或有無機會再同佢再有發展機會，
將來無人知道，
唯有時間能證明一切，
到底係佢先結婚，還是我先忘記佢，
又或是我先同佢再喺埋一齊呢？
呢一切都由時間去證明吧！

我唔想再去避，
我可以講一句，我重好愛阿蕾......
即使呢一句話會令到有人睇到會唔開心都好，
我都係希望對得住自己，
敢愛就敢認......
有時候，一個人係第一，就會係第一，
係第二......就點都係第二......

對不起......