又痴線了~

啱啱睇完阿蕾日記......
真係唔知點解,又喊左出黎...
現在已經夜深...請將喊聲收細,
多謝合作......

難道佢真係咁重要咩...
點解妳心入面只有佢......

好唔開心
我同妳傾電話,
妳對我不理不睬,
但妳對佢卻係完全唔同...
我做錯,難道真係錯得一d都唔值得妳再去理我?

妳也覺得寂寞嗎?
我也是呢......
我唔知妳會唔會有人理妳寂寞,
我相信妳會有人理,
but我有時真係唔覺得有人理我是否寂寞...
袁子,話就話係我女朋友,
但,佢了解我有幾多?
對於我呢d眼瞓,無心機同唔開心都係只會唔出聲0既人,
確實係有點難以估計...

妳因為佢而寂寞,
因為妳覺得妳喺佢心目中朋友都不如,
咁妳對我呢......?
如果妳個答案係,因為我對妳唔住過,
so無朋友做,就算係朋友,
都只係"小"朋友......
咁我無嘢好講......
到頭來,妳同我原來都只係活在一個圈入面,
妳對我點,佢對妳點......
好多嘢,我做緊,原來妳都做緊...
好多嘢,我點諗,妳亦點諗...

或者如果當日我無做錯,
我同妳真係會係天造地設,
但現在,我同妳只係天造地設0既仇人...

P.S.寂寞......
有朋友唔代表唔寂寞的,
寂寞,係因為自己最想人地理自己果個人唔理自己...
妳寂寞,何不來找找我...
怕我煩?覺得我煩嗎?不想給我希望嗎...?
我也很寂寞,
我有找過妳,但妳根本唔想同我有任何瓜葛...
其實因為咁,我唔開心得好緊要,
但無用的...妳唔會知

每天都看着從前同妳影0既相,
在心入面掛念妳,
不斷咁問自己
"我地重有可能從新開始嗎?"
"我還會這樣等,等到幾時?"
一方面咁問自己,另一方面,
亦鬧自己"咁樣對袁子好唔公平..."

看來我一生下來就註定做衰人...

又是如此...那個...

記得大丈夫入面,陳小春講過一句說話,
至今仍然深刻難忘
"我出去滾,唔係因為我想滾,
而係當我出去滾完之後,
我每次都一定會買返份禮物比我老婆,
當做陪罪......"
"正因為我去滾,我先感覺到自己係愛佢!"
或許,好多人都覺得呢句話好自私......
但,當人真正經歷到時,就唔係咁諗...
總覺得自己好無用,好廢......
點解......難道錯完一次又要再錯一次?

聽日就VB考試啦,
講真,真係好無心機溫書,
只係係咁求其睇過吓......
阿蕾隻腳整親,叫佢睇醫生又唔睇......
唉~~~為何要學埋我d衰嘢呢?
要愛惜自己呀......

今日睇過佢日記,
估唔到......係巧合?還是......
因為有一年感情,令大家想法變得一致?
哈......原來佢真係同我咁似的......

又係叫人唔好諗咁多,但諗得最多果個其實係自己,
叫人放低,但最放唔低果個係自己...
喺人眼前係幾咁堅強,但背後卻軟弱無比...
明知自己要放手,卻要折磨自己...
明知係錯,卻要去做......
喜歡做好多假設,但其實知道係無可能......
終日留於幻想之中......
我今年二十一歲了,佢十八歲......
我像她......或許只可以話,我太幼稚吧!

或許佢講得啱,有D嘢,總會有一天會忘記,
當忘記時,真係忘記得一乾二淨...
連自己忘記咗都會唔知......
但,呢個係我地真係想得到0既結果嗎?

我真係好唔開心的......
唔單止因為想念一個無可能有結果0既人,
更因為,我愈黎愈覺得自己傷害緊另一個人...
錯,一次便夠了,為何還要第二次呢...
即使妳知道我係咁,妳都唔介意......
正因為咁,我更加內疚......
鐘意我這一無是處的男人,係無好結果的......

P.S.
估唔到,連寫日記都同我一樣......
我亦開始無動力再寫日記了,
睇吓我日記變週記便知道吧......
妳同我網上寫日記,其實動機一樣吧?!
只係為寫比一個永遠唔會睇自己日記0既一睇,
盼望佢有一日會黎睇,會知道自己點諗......
但,妳同我都好清楚,果個人,係唔會黎睇的......
哈......
原來到最後,就同果陣時一樣
妳同我,都係傻瓜同傻豬......
都係傻的,蠢的,天真的......

準備考試......

下個星期就要考試了......
今個星期,本應係準備考試d嘢的,
但結果係變咗九成時間打機......

唔知係唔係老毛病發作,
一無嘢做就打機......
重要係打online game......
回想當日打古惑仔果種瘋狂...
果陣雖然係好浪費,
but果陣真係好開心......
而家玩online game只係一種消閒,
再唔係當日0既職業了!

呢個星期,打機and打機......
結果係得星期五同星期日叫做溫過書,
星期五重要係做返d online test當係溫書,
而d online test重要係九成幾抄答案=.="
難道扮乖學生扮得攰了?
要做返壞學生?
天天走堂?考試考天才?功課唔交?......

而家每個月都總有一日唔方便0既日子,
就好似女人M到咁......
一d平時唔會諗0既嘢,喺果日就會自己走返晒出黎,
一黎,真係......痛到喊......
1月14日......我又喊了......
1月15日,我亦喊了......
為左d咩喊,唔重要
重要0既係,我以為自己無事了,
但......偏偏每個月14號,都總係要唔開心......
14號0既痛,比3號還要黎得可怕!

今日星期日,1月15日,
我無出街,連教會都無返......
一來因為要溫書,聽日考英文了,
但咩都無溫過......
雖然話英文我唔怕啫,但總要有所準備吧?!
總果,對住d notes發夢,
重要發埋一d唔應該發0既夢......
唉......如果有時光機,你地話幾好呢@@!
原本諗住同袁子一齊出去溫書的,
結果,因為要做埋d嘢,太晏無出到......
佢今日唔開心,因為佢唔見左隻好重要0既耳環...
我送過一隻比佢都無用,因為個價值唔再喺度...
結果我變咗喺電話教佢英文,又叫佢作d文比我改,
話返佢知有咩要注意咁......

P.S.今日睇返某人日記,
14號......難道佢有同感嗎?
是錯覺吧......
唉......想念某人......
掛得要死了......
一個星期無見佢了,
即使平時見佢只係say hi then bye,
but......掛念就係掛念,想見就係想見......

對唔住呀,袁子......
我重係無辦法專一咁對妳......
希望妳睇完呢篇日記之後唔好唔開心,
如果真係唔開心......真係好對唔住......

無聊的一星期

又無打日記好幾日了~~
可能因為習慣咗吧....
又或者係冬天太凍,變懶了吧=.="

星期三,我生日=.="
結果......成家人都唔齊人去食飯......
同我講生日快樂0既,都唔夠廿個人=.="
算了~~不過最估唔到係廿個人入面大部份我估唔到會同我講囉!
我諗住會同我講果d,反而無講......算=.="
反正我早就習慣咁樣,有人同我講生日快樂,
咪當係一個bonus囉~~
最後屈家姐買咗件衫比我,
袁子送咗兩份禮物比我呀~~~
兩份都好鐘意^^多謝晒~~

星期四......
真係有夠精彩呀!
一早返去present個vb,
成績一般啦=.="
阿sir都唔知點比分的....
but....合格.....算了=.="
開始覺得自己好求其......
自從同阿蕾分手後,
有好一段時間沉迷工作,
咩都唔理......日日真係返屋企溫書,
但到咗而家呢個重要時刻,
就好似出現疲態咁,懶落黎......
唉~~~都唔知是好是壞
之後CCNA Online Exam,
全班都有答案囉=.="都唔知為咩重要exam
算了,做吓樣,錯幾題,結果八十幾分=.="
then同袁子去咗睇Phantom of the Opera
好好睇呀!臨尾感動到流咗幾滴眼淚呢~~
之後送袁子返屋企,
上演咗一幕好戲呢=.="
佢以前條仔喺佢樓下等佢,
煩住佢,嚇親袁子......
最後我送佢返到屋企,then佢條仔竟然跟住黎......
之後又煩住我,比我串佢幾句就發晒火咁......
而家d年青人真係有夠白痴=.="
then佢一直跟住黎,
我有心同佢玩嘢,佢係咁喺條街爆粗屌我,
then我咪報警囉,
差佬黎到,佢都有病......好明顯佢係一個未見過世面0既小朋友,
佢重係咁屌老母=.="我一直都無出聲,費事同佢嘈......
因為,厚面皮0既佢已經引黎十幾人圍觀了=.="
都唔明點解d人可以咁白痴,
自己住果頭都可以咁唔知醜......
差人未黎之前係咁爆粗,我唔係點出聲,但一出聲就串爆佢=.=
重要係咩聲都無晒果隻......
話我搶走佢條女,又話咩我唔要佢,佢會要返,
我一句話,你要人,人地一定比你要架啦?
佢又係無聲出=.=
食煙唔係問題,但佢完全令我覺得佢食煙係等我驚佢
等人以為佢好型囉=.=
come on,我食煙果陣佢都唔知戒奶未啦......
搵d咁0既嘢黎扮有型......咩年代呀而家=.="
then串佢兩句,又問佢,
覺得自己好型呀?為咗條女走去自殺,
為女死為女亡,咪傻仔啦......
去死,又死唔去,無Q用,一係就咪去自殺,
係要去死就呯呯聲啦=.="
最後,我小心翼翼咁行去坐馬鐵,
始終唔係第一日出黎搞事啦,
今次重要唔知人地咩料,喺人地地頭搞嘢
小心d好......最後,好彩都無人跟黎,
but下次再去馬鞍山都係要小心d=.="

星期五,原本要返英文堂的,
but我瞓晏咗,無返到......
3:00返到去,袁子陪咗我一陣,
then就返屋企,佢話佢眼瞓喎...
其間,阿彩送咗份遲來的生日禮物比我呢!
但......佢用報紙包咗八層=.="
無聊的=.="份嘢係生日熊黎的,
多謝晒阿彩^^
then3:30開X'mas個事後會,
一早遇咗會鬧晒交的了,
最後,輸咗啦,無計,比兩個系夾住......
but我可以肯定,我可以話事的話,
我真係唔會再同佢地聯系搞嘢囉!
頂佢,淨係識推晒d負任落我地CP身上,
我地CP唔係好恰的!
我服從大會決定,
唔代表我口服,更唔代表我心服!
之後返夜晚屋企,
阿哥黎咗食飯,補返生日果餐=.="
but佢又無同我去買禮物囉......
又話下次......頂丫......下到幾時喎>.<
星期六,同袁子出咗去行街街, 先去旺角,買咗個袋了=.="
又$450...... 哈~~~又大洗了=.= then同佢去咗深水埗,
因為我想睇吓有冇平game買, 而佢咁啱又要買新電腦......
but佢阿媽竟然話一定要買廠機囉=.="
行完一輪之後,陪佢去咗尖咀行,
最後同佢去citysuper,買咗三盒朱古力比佢,
but搵唔到阿蕾想要果隻糖呢/.逗唔到佢開心添~~~
算了... 反正我買比佢,佢都唔會開心得去邊架啦,
我又唔係小漳=.="
之後,同佢去咗食日本嘢, then同佢行海旁走去紅碪坐火車,
途中睇咗一陣果個叫"山山"0既人唱歌,
記得其中有一段好感人的,
The answer, my friend, is blowin' in the wind...
事情的答案,我的朋友,我告訴你,它已經隨風而去...
聽完之後,同佢去火車返馬鞍山,
一路上同佢玩朜語,估大家講咩......
其間,整唔開心佢呢......對唔住呀>.<
返到馬鞍山,我都係唔放心,
最後送到佢入咗屋先走,
一路上,又係好小心咁走,
上巴士果陣,無啦啦有十幾人跟住黎......
佢地明明識,但又要分散坐,
等我重以為伏我的=.=
右手好緊張咁拎住件"武器"=.="
不過結果都係無事......

P.S.我同妳都係同一類人,
只會自己唔開心,唔會比人睇到......
但其實,咁係好事嗎?
阿蕾,我只係想知妳開心d咩,唔開心d咩,
難道咁都唔可以嗎?
我真係,連呢一點點地位都無?
原來,妳還是咁憎我的......
今天......無啦啦又喊了......
真係唔知為咩,真係唔知......
睇緊一套戲,講到離別,
突然心有所感,喊咗出黎......
或許,套戲太感人了......
還是我,依然太眼淺?

好耐無寫日記...

成個聖誕都好忙,
而且亦好多嘢,亦唔知從何講起,
所以,又無寫日記十日了...

今日係一月四日,
而家係十一點半,離我生日,重有半個鐘咋,
不過原本打算聽晚去同屋企人食飯的,
點知又有人話唔得閒......
講真,一個人過生日,我習慣了很久,亦唔介意,
因為,我以前無阿蕾,無袁子都係咁架啦,
但屋企人......唉......
還記得中五果年,所有人都唔記得我生日,
我最好0既朋友都唔記得......
無人同我講一句生日快樂......
結果,好彩重有屋企人陪我食飯...
估唔到今年會係咁......
算了......

又大一歲......又老一年......
又離死近一年了~~~
今年生日願望唔多,只得一個,
but唔講得,講咗,會唔靈的^^v
而生日禮物,最想得到某某人一個birthday kiss,
but我諗我一定收唔到的了......

Anyway,至少有袁子會同我過生日,
好多謝佢呢......肯為我付出咁多嘢!

無mood打日記了......
祝自己生日快樂......