九個月後......

不經不覺，已經同阿蕾分咗手九個月了......

由初初每日都打電話去煩住佢，
到後來同佢絕交，
到而家佢打黎我都唔想聽......
我真係覺得大家真係已經無可能再一齊返......

要知道，單戀永遠是痛苦，
相戀亦未必係永恆......
但往往單戀又會比相戀來得長時間，

今個七月，公司走咗兩個人，
重要走咗一個全職，
突然間每日都變咗返十幾個鐘工，
真係有D頂唔順，
但卻又真係好想更加多工作......
我寧願捱到病，都唔係好願意有空閒時間去諗太多野，
下年學費亦因為工作多咗，
已經肯定大慨唔洗再問人借來借去了......

但每日工作十幾個鐘之後，
每當回家，總是感到好悶，好無癮，
好孤獨，甚至......好無意義......
我開始明白點解我會一直咁鐘意阿蕾，
亦更加明白點解袁子始終無辦法取代阿蕾喺我心目中0既位置，
同阿蕾一齊一年，真係可以有果種唔見一陣就會掛住0既感覺，
我幾唔開心，點發佢脾氣，佢都可以有辦法令我開心返......
最重要係，我可以放開自己，真係完全無野要忍佢......

最近我無打日記一段時間，
連上個月三號都無打，
因為我真係覺得好無癮，
我一直問自己，我會唔會有機會追返佢，
唔好理得唔得，至少係佢會唔會比機會我......
至少我可以追佢，親近佢......
總比而家朋友都無得做好......

我愛阿蕾，但唔代表我有勇氣去面對佢，
不論甚麼，我欠妳都真係實在太多，
妳會比機會我去還清呢一切嗎？

睇到妳七月一有打日記，
真係唔知點講好，
妳等緊邊個？
重係果個人嗎？
已經同佢一齊咗嗎？
還是係另一個人？
係妳男朋友嗎？

我想講0既係，呢度都有一個等緊妳0既人......
因為妳，我真係無辦法完全投入其他愛情入面，
因為我真正愛0既人，係妳，鄭希蕾......