5月3日,,,

睇黎我呢度會變成月記了....

又是每個月0既三號了...

呢一個月，每日唔係返學就係返工，
根本無咩時間比我去亂諗野，
但思想總是在我還有絲毫餘力時走出黎......

同阿蕾分手七個月啦......
我依然一直愛佢的...
當然，我無期待過佢會點去對我態度有所改變，
亦無諗過佢會同唔同返我一齊，
當然，發白日夢時總會期待......
但我很清醒，我知道我無可能等到......

或許佢話我重愛佢，搵鬼信
係真的......
真係好難令人相信...

我而家真係好怕佢，
好怕見到佢，亦好怕佢見到我，
好怕聽到佢把聲，亦好怕佢聽到我把聲...
因為我好怕我會見到或聽到一D會令自己唔開心0既事...
當然，每次見到佢，我依然會偷望佢......

日子靜靜咁過去，
相信，好快又會到十月......
唔知同佢分手一年後，
我會變成點，佢又會變成點呢....
我還會愛著佢嗎？佢到時又會否已經有新歡呢......

同佢0既距離一天比一天遠，
思念則一天比一天強.......
無奈一切只限於思念......

最近有人問我愛阿蕾D咩...
我好快咁答，愛佢可愛！
相信答案係無錯的，只不過唔會個個會明點解......
阿蕾，真是真的可愛，唔係扮出黎，
佢可愛得黎並唔似細路女...
最近經常回憶起佢所做出比我睇0既怪臉同聲音，
愈是覺得可愛就愈是失落......

在這個五月三日中，
我真的很想聽一聽妳的聲音，
但我無能為力......
最後，我只可以衷心說一句：
"阿蕾，我真的很愛妳！"