唉=.="

又好幾日無打日記了=.=愈黎愈無心機打呢......

尋晚打部PSP打到四點先瞓,
都唔明點解d人吹水吹到明明比人踢爆左都重係要吹=.=
今朝成兩點先起身,
阿哥叫我三點半出到沙田比隻碟佢...

晏晝起身,咩都無食就出去,
3:30到沙田,點知阿哥又話要四點-.-
then四圍行......好肚餓....
只希望可以快d閃返學食下午茶....
窮嘛,無計,係要返學食平嘢架啦!
then喺canteen又打機...打到五點半開會...
今日開會,簡直係打架=.="
大把野勁唔掂......
愈黎愈憎d咩聯系聯校了....
明明第一次開會傾好晒d野,
竟然可以喺第二次個會度一次過推返晒,
重要全部野變到同第一次開會決定d野背道而馳...
你老味,真係火都黎埋!!!!!
算了....都好....好耐無發過火,
發完火,個人都精神d...
7:30開完會,then同基哥一齊行去沙田,
一路上吹吓水,內容都係系會d野...
到新城市就同佢say bye,
then我落新機地,今日打$2機咋-,-
窮嘛....無計.....不過$2都打左五個字=.=v
之後就返屋企了......

夜晚,袁子打黎,
同佢傾左一陣計....都成個幾鐘...
佢好掛住我喎....
唉....算罷啦!唔好問我點可以唔掛住人,
因為我都好掛住阿蕾!
妳想搵我0既,就搵啦,我唔會介意的,
我好清楚掛住一個人但唔可以搵佢係幾咁難受,
因為我正受緊呢d苦......
今日睇阿蕾日記......又發作了....
唉.....無計,咩都唔知係咁架啦,
咩都係估估吓,又唔可以問佢,
就算問左,佢又係唔會話我知....
唔通佢拍緊拖....?
唉....唔知了....反正我都未必會有機會知...
but......我真係好在意....好緊張佢係唔係囉...
又或者係我太敏感吧...
唔知了.....好掛住佢.....

就快同佢分手五個月啦......
真係...話咁快就五個月了......
對佢個心依然無變過......
重係咁鐘意佢......呢五個月入面,真係九成時間都掛住佢......
唉......到底會係我等到佢先丫,還是我死心先呢......
又,到底,我幾時會知道個結果呢......

P.S.阿冼上星期五飛左了,曹操尋晚又返左澳洲...
喺香港0既朋友仔又突然唔見晒啦......
好苦悶......唉......好孤單寂寞......
唯有日日打住部PSP解悶啦......
當然,最希望都係有妳喺我身邊陪我啦!
But我知道,妳唔會肯的......
連朋友都唔稀罕同我做,更何況陪我......
我愛妳,阿蕾!

不想獨自快樂 蘇永康

從不懂得借故親近 臉上或許太深沉
我一個人沉溺孤單的氣氛
從不懂得應對追問 自問沒打開我心
活在人煙中 獨我是我知音

陽光 黃昏 使我興奮
從不關心 誰人明白我心

我只孤單一個過活 望向天邊多遼闊
我放任自負 懶理會某君不喜歡
但我不想一個快樂 是我過去不自覺
盼望能伴著妳 還分享我感覺

誰不懂得世故審慎 夜靜後不再傷神
我一個人 難得輕鬆的氣氛
繁囂的都市太空泛 活在迷失空氣間
沒共誰分擔 獨個習慣孤單

陽光 黃昏 使我興奮
從不關心 誰人明白我心

我只孤單一個過活 望向天邊多遼闊
我放任自負 懶理會某君不喜歡
但我不想一個快樂 是我過去不自覺
盼望能伴著妳 還分享我感覺

我只孤單一個過活 望向天邊多遼闊
我放任自負 懶理會某君不喜歡
但我不想一個快樂 是我過去不自覺
盼望能伴著妳 還分享我感覺

沒完沒了

又一段時間沒有打日記了...
難道我真的放棄了?
算了吧......
或許我真的要習慣一吓自閉的生活,
自我隱藏才是我應過的生活吧!?

初二果日,
忍唔住send左好多個massage比阿蕾......
結果,佢話要同我絕交......
因為佢話喺我重鐘意佢0既時候根本做唔到朋友...
果一晚,我喊左成晚......
第二日重要比阿哥激......
差d喺成班親戚面前喊咗出黎...
幸好最後都係忍住了......

絕交......
真係同當年好似......
當年同阿K,亦即係我初戀情人,
分手之後亦係絕交......
花左三年時間,
先同佢做返普通朋友......
第二個情人,
絕交了,之後一直都無再搵大家...
到現在我想搵返佢都無可能了......
我是有後悔的,
始終小左一個朋友......
我很清楚同阿K,係因為果陣同校先可以做返朋友,
而Heidi係因為大家絕交後再無聯絡大家,
亦唔似得同阿K可以日日返學見面,
所以最後都係做唔返朋友,
亦因為咁,變成今時今日0既永遠絕交......

而阿蕾......
大約年半之後就畢業了,
如果唔再喺ive讀,大慨以後都無機會見了...
那麼......亦會再一次重現那"永遠絕交"的一幕吧!
一想到呢一度我真係好唔開心...
每一朝起身之前都大叫"阿蕾"
旁人唔知一定以為我係痴線......

二月十四日...
情人節,我並沒有去街
無同袁子去,亦無同其他人去......
阿冼星期五要飛了,
佢去哈爾濱 exchange半年,八月先返
所以十三號晚同佢出去食飯,
之後去打麻雀......
由於新年關係,大家都決定打得比平時大少少...
結果,輸左少少啦......
第二朝好晏先返去瞓,
打算瞓晒成個情人節佢...
我醒咗之後,袁子有叫過我出去,
但我無出,因為我唔想出......
最後,情人節就係咁過了......

二月十八日
我如常地九點起身,
但爛瞓0既我最後都係決定唔返十點半果堂......
最後瞓到十二點先醒,
重要慢慢咁刷洗同整野食......
出門口時已知一定會遲到,
一路上睇漫畫,返到學遇見BC同袁子......
叫袁子佢唔應我,再叫時,
佢打左我一巴......
我當然問佢咩事啦,
佢話我心知肚明......
哈......其實我真係應該心知肚明的!
先不說我同BC係點,
一開始我地就係錯......
我一早已經講過我唔係一個好男人,
唔值得人愛......
其實而家咁,分手......
咪當係比大家一個解脫囉......
或許大家會覺得我講野好唔負責任,
但......我有負過責任嗎?
由我對阿蕾不忠開始,
以前果個肯為"女人"兩個字死心塌地0既David已經死左啦!
我現在唯一願為佢死心塌地果個女人係叫做阿蕾,
連佢都唔要我,同我絕交啦!
我還可以為誰死心塌地呀?
算了~~~呢度根本無一個從前認識我0既人,
有0既,只係知我有過十九個女朋友,
只會認為我係花心...
但我唔太介意,因為介意亦無用...
明白我過去的就繼續明白,唔明白的,我亦唔想解釋太多...
算了吧!為我呢D唔值得0既人,
唔值得為我流半點眼淚,
亦唔值得為我有半點留戀的......
忘記我呢個唔值得妳愛0既人吧!

我唔知到最後妳會問我一個咩問題......
但我每一日都會記得同阿蕾分手前,
佢問過我一個問題......就係:
"無左我,你會開心d嗎?"
果陣我唔識答......
但我現在每一日都喺心入面答"不會"......
可惜,沒用的了......

這就是天意!
有女人曾經因為對我不忠被我恨過,
個天就係要我知道呢種味道,
所以要我對阿蕾不忠......
亦有個女人曾經因為咁,
結果比我喺旺角最旺0既地方打左一巴,
之後分手......
個天亦係要我知道,因為咁比人打一巴係有幾痛......

分手之後,又一個人了......
算了吧~~我早就應該習慣這種生活的...
孤獨......我本來就屬於係孤獨的......
不然,又怎會同阿蕾分手呢......
正因為同佢一齊我唔會孤獨...
所以最終都係分手收場
袁子......也是基於同樣原因而分手吧!
我是喜歡妳的,但我說不出口,因為那根本是歪了的...
P.S.
我已經二十一歲了!
當我有七十歲命,
我大慨已經過咗我人生的三分一了......
回望一吓,
呢三分一人生,
我為"情"呢個字失去咗好多野,
亦得到過好多野......
我唔知是否得到平衡,
我只知道,我得到0既現在都失去了,
而我失去0既,到現在為止,半點都搵唔到返黎......
難道真係......不在乎天長地久,只在乎曾經擁有?
如果係咁,我寧願一直都無擁有過......
至少唔會為大家帶黎傷心的回憶,對吧?阿蕾......還有,袁子......

花火 梁詠琪

來吧伴我飛 不休不睡去飛
來盡力忘記 兩腳降落何地
若記憶憑據 到某一天告吹
回望即使太蠢 都相信我做得對

原來風雪可以使我堅壯使我堅強
假使敢夢與想 假使天真地唱 我也會笑容漂亮
原來歲月太長可以豐富可以荒涼
能忘掉結果 未能忘記遇上

來吧伴我飛 不休不睡去飛
來盡力忘記 兩腳降落何地
若記憶憑據 到某一天告吹
回望即使太蠢 都相信我做得對

原來風雪可以使我堅壯使我堅強
假使敢夢與想 假使天真地唱 我也會笑容漂亮
原來歲月太長可以豐富可以荒涼
能忘掉結果 未能忘記遇上

長路若太短 花火生命更短
雙手可觸及你 有眼淚仍是暖

年初一,好悶......

今日年初一,
訓到成點先醒......
成日都無出過街,
淨係0係屋企打機,好無聊...
阿哥黎左,收左佢咁耐以黎第一封利是...

到夜晚好悶,
連黃飛鴻都無得做....
悶爆....
新年...就是這樣的......
之後就0係房睇戲,
先睇異獸戰,都幾好睇,
兩隻怪物0係度打,幾刺激!

之後再睇The Terminal,
一開始睇Bobby就打黎,
結果同佢傾左成粒鐘......
勁好笑,聽佢講佢同d鬼仔玩果d野...

同佢收線後就繼續睇,
好感人呀......
最有共鳴係
賴威特同華倫0既兩段對話...
華倫: What are you waiting for?
賴威特:I...I don't know...They ask me to wait then I wait...
華倫:What?!
賴威特:Sometimes, everyone will wait for something...
華倫:So, what about you?
賴威特:I...I...I am waiting for you...

另一段係
華倫:Stay away from me,Vitam. I...I have a serious problem...I am as bad as Napoleon....
賴威特:You are not sick...You are only farsighted...

第一段可能大家都明點解正,但第二段,唔係真正睇過成套戲或許唔知咩事...

阿蕾......妳就好似華倫一樣......
當然,在妳心目中,相信我並唔係賴威特,
或許一點都唔似......
但,我依然係一個沒有遠視0既人先會睇得見0既......
正因為妳只懂得望住佢,卻沒有留意過我...

新年......
唉~~~好悶......
今年利是預算只會得$400左右......
唉~~~又創新低了......一年比一年差呢>.<

人...果然係人

今日,去大埔還書...
放學走果陣去SU book房,
終於還左個心願...
好耐無見過阿蕾,
成日以為自己因為咁掛住佢,
尋晚重發癲,send左個massage比佢,
話掛住佢=.=
唉......又衰左了,話過唔咁做的...
不過出奇地佢問我發生咩事......(竟然有回應,哈...)
之後話佢知我只係發癲...

去大埔還書,
本應係大埔落車,then轉巴士的,
不過之前問阿蕾幾時走,
一唔一齊返大埔,
佢一直無答我,因為我係sms佢的,
之後佢話佢坐緊車,我打比佢,佢又無聽...
之後睇佢日記先知佢比人拉住陪人地返上水...
我第一時間諗到d咩...哈,係男仔的或許都會估到!

重有兩日,我同佢散左四個月了...
一直努力咁逼自己忘記同佢0既野,
可惜結果係愈黎愈記得多,
今日重遊舊地,以前送佢返屋企的路...
唉......我又失手了...
學三眼小子講,D"口水"走出黎了(唔明就算啦)
還左書後再借書,then行左一陣就返屋企...

人,打破自己記錄係好事,
但有d記錄,唔打破都係比較好...
我初戀,阿K...同佢分手時,足足等左佢半年...
阿蕾呢...?四個月了,對佢感情,無減而有加...
難道要我打破呢個一直以黎無人可以打破0既記錄?
打破左,又係好定壞呢...?

人始終係人,
呢一刻,我真係好佩服耶穌了...
比人釘死都唔嬲...
而我同佢,就因為一次變心而咩都無晒...
我相信感情,正正係由此而生,
當有問題時,可以捱過佢,
二人感情一定會更好,
相反,好似我同佢咁,就係註定要玩完...
不過,或許呢一個亦係問題0既一部份,
捱過左,會更好...
哈...我又發病了,作無謂0既白日夢假設...
或許正因為人唔可以好似耶穌咁原諒人七十個七次,
所以人先被稱為人,而唔係稱為神吧!
換左係我,如果當初係佢變心在先,
我諗我亦會好似佢咁對我...

算了吧....呢d咪叫做抵死囉...
阿蕾,我真係好愛妳架!妳知道嗎?妳感受到嗎?