是好......是壞?

22號果晚,
我同袁子一齊咗=.=
其實,是好?是壞?
唉......我心入面始終都係有阿蕾的...
佢講到佢唔介意自己做第二,
but女仔...難道我會唔了解嗎=.=?
還是算了...
既然決定咗,即使係唔夠愛佢,
第日會唔愛佢,
點點點都好......
而家我還是要對佢好d的...
因為佢,始終係我女朋友嘛...
雖然好明顯而家係佢愛我,多過我愛佢好多...

23號,
呢一日超忙......
夜晚就係X"mas Ball了,
真係好緊張,D飛又未賣晒......
不斷咁sell out D飛,
英文speaking assessment,
我同Suki勁好笑,照稿讀=.=
then Bis Present,其實所有嘢我呢次呢個web present都無參與的,
因為為咗X"mas Ball D嘢,我已經忙到死咁滯......
不過好在,之前三份Plan有經驗,
而且之前D嘢都係我做多D嘢,
So今次咪當比個藉口自己懶吓囉:p
而present果陣,覺得都可以發揮到平時水準,
唔錯丫......
呢個present過後,Bis呢一科就正式完結啦!
而我亦只餘下X"mas Ball呢個煩惱......
到咗六點幾,終於最後四張飛都賣出了,
而同重要加多一個位@@
即係總共有101人......
強呀!
個Ball,氣氛比想像中好好多呀!
估唔到D人會玩到咁癲......
不過,最癲都係果個四圍錫男仔0既男仔-,-
小漳重比我同基哥夾住,逼佢比人錫.....
wakakakaka
其間,同BC&Saman入男廁打架=.=
結果我都係隻拳難敵四手......
而且Saman重出盡力用電話打我個頭=.=
真係想......打死我......
之後,Saman因為我話我有Tina電話,
發皮四=.=
其實都好耐之前0既事啦,
而家我都好少同Tina傾icq了,
電話,亦一次都無打過比佢......
都唔知佢嬲咩鬼=.="
人家去氹咗佢開心,又話唔關我事-,-
BC佢地知道咗我同袁子之後,
就杯葛袁子=.=女人......真係好小器......
我唔屬於任何人的,
我就係我,邊有話邊個搶走邊個喎=.=
如果我真係屬於一個人的話,
暫時,我個心都重係屬於阿蕾的......
最後,完咗個Ball,竟然個個都話返屋企=.="
超有聊囉......
then送袁子返屋企,再自己返屋企......

24號.
今日袁子黎咗我屋企,
原本話黎溫書,點知最後變咗我瞓覺,佢睇碟=.="
之後重佢同我一齊zzzzzz
瞓醒之後,阿媽同佢朋友都喺度-.-
心諗......大鍋了=.="
唔想阿媽知道有女仔喺屋企呢......
否則,佢又會覺得我變返以前咁......不羈-,-
不過,其實,我重係的=.="
否則都唔會同阿蕾搞成咁啦...
之後襯阿媽個朋友走咗,佢又入咗房,
我就快速同袁子閃人
之後同佢出旺角睇功夫,
睇戲之前去咗買褲,
終於買到我勁想買好耐0既N3BP 07701了^^
又係碌卡=.="
因為22號折數,so呢條褲d數可以等2月17先找了^^
then同佢去睇功夫,
套戲,其實唔係話唔好睇,
只不過,係無預期中咁好睇囉......
唔似得以前咁多笑位=.="
之後,同佢去咗食飯,
去食米線,我冇有識死,
叫咗個中辣,估唔到個中辣,竟然已經去到車仔麵檔0既大辣,
好在我喺車仔麵檔食開大辣,否則,死硬......
更好彩,我係叫中辣,而唔係大辣=.="
食完之後,同佢行咗一陣就送佢返屋企了,
坐巴士,出奇地,竟然無人坐=.="
同上次差天共地......可能因為馬鐵開咗0既關係啦!
送咗佢返屋企之後就同阿冼佢地實行承諾,
就係每年平安夜的雀局時間=.="
其間,打比阿蕾,同佢傾咗好耐計,
亦知道咗佢同小漳係無野-.-
不過其實之前已經估到的了......
真係唔知比咩反應佢好......
佢問到我佢有咩咁好,
我又真係唔知點答佢,
其實我係知的,但要我用言語表達,又有d難度,
始終係言語所能表達0既東西吧!
之後去打麻雀,佢地又問起我同阿蕾,Saman D嘢,
唉~.~勁有聊,成班仆街來的,
打到四五點果陣,佢地係咁講,
可能因為眼瞓,意志比較弱,差少少喊咁滯,
but最後都忍住了......唔知佢地feel唔feel到呢-,-
then到25號一早先走人

P.S.如果我同阿蕾真係再無可能,
容許我可以將個心放喺袁子身上......
請比d時間我吧!
雖然唔知到最後,我放唔放得低,
放唔低,或許我真係會捨妳而去,
but我應承妳,我一日係妳男朋友,
我都會比最好0既妳......
很多謝妳能夠咁大方,
忍耐我心入面有一個比妳更重要的人,
仍然咁愛我,做我女朋友

火滾

原本呢兩日,好多嘢煩,
星期一晚,同阿蕾都傾咗好耐...
好多嘢諗,本身已經唔打算打日記,
我需要時間,好好整理自己0既思緒...
加上學校d嘢,煩到我想死...
but因為一d嘢,令我真係好火滾!
唔打日記發泄吓,我怕我會打女人!

同佢果件事過去了,
原本諗住咁就會過去的,
點知有人硬係要提起,
重話要寫做故仔......
come on!唔係呀化!
我最憎d人揭人瘡疤的,
如果呢d係所謂作家本色,
那作家們,吃屎去吧!
將自己0既快樂建築喺他人身上,
乞人憎,討人厭!

如果係因為我當代替品果個唔係妳,
而係佢,以致妳有以上行為,
妳真係唔怕我笑大個口呢!
不過我知就算係,都唔會有人認架啦!
死要面0既人,講咁多做咩

尋晚,同阿蕾傾咗好耐,
哈......始終都係過唔到果一關,
"內疚"呢一樣嘢,
或許真係要到自己做到一d嘢,
可以補救到成件事,
先可以舒緩落黎......
至少,現在我舒緩不下呢!
阿蕾叫我忘記佢,
總會搵到一個比佢好...
講就容易...
其實阿蕾係唔係真係咁好,
我唔知,but我好肯定我同佢一齊果一年真係最開心
可能就係因為咁,我先無法忘記吧!

佢同佢男朋友...唔知佢地了...
人家0既事,還是唔理太多好......
都唔係我女朋友咯~

而另一個佢,同佢男朋友分手了,
其實,或者係一件好事......
算係一種解脫吧!
不過,亦因為咁出現更多問題呢...
都係果句,我比唔到快樂妳的...

P.S.哈...我又做多一次第三者了...
很失敗嗎?
今次同Saman果次有D唔同,
因為佢地分埋手了......
在此,祝佢快D搵一個更好,
比佢以前條仔,比我,更好0既男朋友...

星期六情人

尋晚,同某人傾開計,
結果約咗今朝睇早場12瞞徒......
結果,我又再一次失手了......

代替品......
大家一早講好大家都只係當大家係代替品,
唔會有感情的吧!

之後一路拖咗佢隻手四圍行......
又攬住佢......唉...個腦一路諗住......唉~~~
總之唔係攬住果個吧!

一直同佢行,行到八點幾就同佢坐巴士返屋企,
車上面,佢一直攬住我......
其間,佢問我,係唔係好掛住阿蕾......
我無言以對......
唉......我答係又死,答唔係又死......
結果我都答咗係......
之後我知佢一車上攬住我都喺度喊,
同時,我已經知道,佢對我,戲假成真......

落車之後,佢問我可唔可以陪佢坐公園,
我話無所謂,then就陪佢坐......
之後,佢錫我,我亦有迎合佢......
跟住,佢攬住我喊咗足足九個字......
我一直同佢講,我唔值得的,
我唔係好男人......唔值得任何人為我喊......
佢話我,其實好好,只不過係花心......
哈......呢一條,足為成為死罪了吧!
跟住我亦同佢講,
即使我同佢一齊咗,但只要我覺得我同阿蕾係再有可能,
我會毫不猶疑咁掉低佢而去追阿蕾的......
佢話佢唔介意...但我介意!
我做錯過一次的了,我真係唔想再傷害任何人,
更加唔想傷害一個愛我0既人!
結果我還是拒絕咗佢......

佢一直喊,令我諗返起,
初初同阿蕾一齊時,有一晚佢突然喺佢樓下公園攬住我喊...
叫我唔好呃佢,感情呢樣嘢佢玩唔起......叫我唔好掉低佢......
唉......又再覺得自己好無用......

最後,我用返平時同佢係朋友咁0既聲線同佢講嘢,
叫佢帶路,帶我行一陣,因為我唔熟路......
之後我知佢都有喊的,
不過......我還是殘忍一點吧!
最後送到佢樓下,佢問我可唔可以再攬一攬佢,
我攬住咗佢,佢問我可唔可以再錫佢一啖,
我亦同樣錫咗佢一啖......

當初大家都話當大家係代替品咁出黎開心一日......
佢,因為有男朋友等於無男朋友,
而我,就因為掛念住著一個唔會返黎自己身邊0既人......
或者一開始我唔應該應承或是要求佢咁做......
結果,同我所估一樣,佢鐘意咗我......
唉......點解個個都話鐘意我?
我有咩好?我花心,我一無是處,我大男人......
做朋友,我或者係會唔錯,
但做男朋友...連我自己都對自己無信心呢!

P.S.妳問我妳算唔算係我第十八個女朋友?
應該係第十九個了......
我會當妳係的!即使只係一日.....
我知妳係鐘意我的,
我亦知道妳會係一個好女朋友,
唔好為我呢d唔值得0既男人花時間,費眼淚......
我唔會忘記今日0既事,
亦唔會忘記,有一個咁傻0既女仔為我喊咗咁耐......
妳咬咗我一啖,要我永遠記住妳同今日,
我應該過妳我會,我就會!
請好好把握眼前的東西,
而我,根本唔係妳眼前的東西,我只係一片幻像......

我係一個百份之一百的傻瓜......
傻就傻在我明知無可能都要等,都要鐘意佢...
傻就傻在妳咁好,我亦唔肯同妳一齊......

怪怪的......

今朝約咗Steven 12:30要返去傾X'mas Ball D嘢,
之後我遲咗少少,but總算傾完......
then又傾吓d收錢問題...
唉~~~好煩呀!

1:30就上去上英文堂,
2:30就開始個listening assessment...
情況普通咋,有d唔係好識......
but合格應該問題不大!
之後上VB,又係無聊地過兩個鐘...
咩都無做過....唉~~~死硬啦!

落堂後就去canteen,
成日未食過嘢,
落到去叫咗個雞脾沙律,
點知食唔飽=.=but唔想用太多錢,
so算了,無食到......

食完後就同咖喱+袁子上咗去Band So個O'Night
不過都係一般咋,有點悶=.="
唯一收獲就係一大袋旺旺囉...
不過一百包都比人拎咗八成走了@@
成班餓鬼.....搶屎=.="

個O'Night未完我同袁子佢地就走先了....
之後去咗M記食Dinner,
因為屋企又無飯食......
then又教咗佢地一陣VB
袁子之後話趕住走,
so就一齊閃人了......

P.S.
今日,同人拖手仔...
又同人咀咀=.="
其實,唔想咁的,
只不過係玩吓......
點知......唉~~~我相信將會玩出火!!

代替品......
原則係唔可以鐘意對方,
如果鐘意咗,後果自負!

愛...

今日瞓晏咗呀...
又無上第一堂VB了......
唉~~真係無咩心情上呢!
D嘢真係好唔掂呀,
D組員,簡直令人想死!

今日BIS又present呢,
覺得自己今次表現只係一般,
無上兩次咁好......
唯有下次最後一次果個website努力D啦!

尋日話估果d嘢,愈黎愈明顯了......
真係有D問題存在呢!
But當時人唔肯講,無計~~

今日阿彩同BC都好鬼怪呀......
開完會出去搵佢地一齊食飯,
兩個都好怪,阿彩就心情好低落,
重突然拉住我叫我陪佢...
BC呢,都唔知點形容佢了...
總之就係怪啦!
走果陣比佢地放飛機=.="
得我同彩一齊塔火車,
問佢做咩唔開心又話無......
唉~~~一個二個都係咁,
淨係識得收埋自己......
唔講就算數~~

返到屋企,同阿蕾chat咗一陣,
其實,我真係唔怕再同佢講我鐘意佢囉,
鐘意,唔代表d咩的...
but其實係講錯了,我係愛佢先啱~~哈
but我唔會再好似以前咁的了...
無人可以阻止我愛阿蕾的,
不過我亦唔會因為咁disturb佢......
至少我覺得自己而家唔係先啦...哈~~

之後袁子話好唔開心,
因為某d原因......but唔講得,因為係好私人的問題!
anyway,男人就係咁賤的了,包括我在內,
唔到失去咗,都唔會知妳有幾重要的...
then同佢傾咗一陣電話,
哈~~最後我都話佢當我係佢男朋友
佢都話係,but唔係鐘意我果隻囉,
只不過係當我係佢男朋友咁同我傾電話...
妳唔好真係鐘意我呀~~哈!!!
妳知我唔會鐘意妳架啦~~~
我心入面,因為暫時都係只得一個人呢!

我唔想再對唔住人了,
so我暫時都唔會開始新戀情的!
至於舊戀情...可以考慮吓,哈~~~
明我講咩就明,唔明就算啦!

呢兩日都係咁,每當諗起d唔開心嘢,
正要鬧情緒時就會唱起<思覺失調>
then心情就會好返好多的了!
不過,成日喺條街無啦啦唱歌,
真係驚比人當我痴線=.="

P.S.
給某某人:
如果係唔開心,失落,請別猶疑,
來找我吧!
我會站在妳的身邊某處,
隨時等待妳的呼喚......
一切全因為"愛"

疑惑

今日係阿蕾0既生日,
祝佢生日快樂呢!
上年係我同佢一齊過的,
but今年,唔係了...
anyway,祝佢會一樣咁開心吧!

直覺話咗d嘢比我知...
雖然好多次都好準,but始終係直覺吧!
未必可以盡信的!
我既希望今次呢個直覺係準,
亦唔想係準......好矛盾......
準的話,我會開心,但佢唔開心...
唔準的話,我會無咁開心,佢就會好開心
算了!一切都未係時候呢!

如果朱古力溶咗,佢都重係朱古力
但佢已經唔能夠稱得上係完整0既朱古力
但,完美並唔等於完整的!

某某人呀!對唔住呢,我亦唔知自己想點
so唔好問我到底想點...
一切,還是順其自然吧!

戀愛唔代表人生0既全部
但如要有戀愛,就一定要有"她"

她是誰?自己發掘一吓吧!

祝福

尋晚,同袁子傾咗成四粒幾鐘電話...
佢話我同佢傾一晚電話係佢同佢條仔一個月傾電話0既總和=.="
哈~~佢讚我係好男仔,只不過因為一時做錯而已...
有d嘢,自己最清楚的,我係唔係好男人,
我自己知自己事......
朋友,或者我會係一個好朋友,
but男朋友,其實我重有好多好多不足之處的!

結果五點先瞓,
點知今朝又比隔離屋裝修嘈醒...
勁慘呀......
十點左右就起咗身,then同媽出去食嘢,
之後去買咗件褸...
因為之前果件白色,好易污漕呢!
then無嘢做就出咗沙田去睇咗一陣陸運會,
之後又出返新城市打機...
一打就打咗個幾鐘...打咗$6@@
連續三次爆機~~yeah
跟住去咗睇戲,睇<偷天合盜> (好似係<合盜偷天>=.=")
ok好睇啦...又係James Bon feel
then去咗西田下面坐喺度睇本死亡筆記第四期...
今期好精彩呢!睇咗我成個幾鐘=.="
跟住楊生打黎...佢知道咗我同阿蕾d嘢...
最後,我都好大膽咁話佢知其實係我移情別戀先分手...
一直以黎我都唔敢比太多人知...
不過呢一刻,我認為我要面對呢個事實呢...
有邊個係未錯過呢?!
楊生講得好啱,一個角度睇係唔開心,
但另一個角度睇係好事,至少發生得早...
如果到結咗婚先發生呢d嘢,要離婚,
果個痛苦,就唔單止而家咁了!
可能會係一世添...

then阿彩放工,就拉住佢陪我...
十一點半左右BC都走得,
then我地就一齊坐火車...
今次無送佢兩個了,因為我好攰=.="
返到屋企,同阿蕾傾咗好多嘢,
諗通咗之後,講出自己0既諗法..
愛一個人,亦有好多方法的,
我唔會否認自己重好愛佢,but我知道自己0既角色,
唔再係佢男朋友,我愛佢,so我為佢祝福.

P.S.如果小漳有睇呢個日記的話,
我亦不妨講多次呢句說話,
我有同阿蕾講的...
"要對阿蕾好D,唔好比我有機可乘...
我係唔會放過任何機會的!
因為阿蕾,真係一個好好0既女朋友! "
哈~~我係好認真咁講的!

懺悔

今日,終於都做埋要做0既嘢
應該比佢0既嘢都比咗佢,
既然人地有男朋友,
就好應該真真正正咁放手......
即使幾唔願意都好...

今日聽思覺失調,
覺得好應境呢!
完全同我諗法一樣...
聽到我喺火車都差d喊咗出黎,
but我應承咗自己唔會再為呢件事喊的了,
so忍住了......

"仍關心妳願每天問 最後也明白角色時已不相襯
還由他去代我為妳緊"
我的角色,已經做完了,還是留待他去代替我的角色,
去緊張妳吧!

"願明天 能不再為妳痴纏明白改不變
妳亦離開很遠 就算花光心機守每一個諾言
最後誰又會可憐"
沒錯呢......妳只會愈走愈遠,根本唔會再同我拉近
即使我今時今日先去守"當日"0既諾言,
已經太遲了,守到了,又有誰會理會呢?!

"極危險 連思覺像也失調無辦法接受現實
自製假想能延續故事 妳的聲線還仍言猶在耳
已分不清楚我位置"
如果咁係思覺失調,咁我一定已經思覺失調了!

"如今已做錯 記下只有缺點
太心痛是我的一手包辦令妳心變酸
彌補如何還是太遲"
同我一樣,係我親手搞成咁的,
補救都已經太遲了!

"若然妳 如果有日說婚期我這生福氣 也用來祝福妳"
呢一句...是真心的祝福妳...

今日,同肥勤傾咗幾句...
講出咗多年黎0既戀愛0既結論...
一直我都唔敢同女朋友講"我愛妳一生一世"
因為我怕,我知道,我會做唔到呢個咁大0既承諾
but我0既結論係,自此之後,
不論女朋友會係邊個,如果唔能夠令我下定"一生一世"
呢個決心的話,唔拍拖算了吧!
畢竟,21歲人了...拍咗七年散拖....
唔通要拍到30歲先夠?
係時候搵一個終身伴侶了...
我阿哥今年27歲就黎28,
佢同佢老婆拍咗5年拖了...
then就結婚,我21歲了....
都係時候了吧!
我今次錯失了一個好的終生伴侶,
或許好難再搵一個比佢好0既,
but,順其自然吧......
假如愛有天愛,那一定會有一個人在某處等待著我的

我在想,我還是唔好咁快再搵第二個了,
因為我知道我只會當咗佢係第二個阿蕾...
再者,我亦唔相信,咁快可以開始第二段戀情,
果段戀情會係真的,
而我,更不用說真係愛果個人吧!
說穿了,只不過係當佢係阿蕾咁去愛...
無結果的...何必累己害人呢!
呢好一段日子0既孤獨,就當作我0既懺悔吧!
當係為咗對唔住某人,
更加因為對唔住自己,
對唔住自己一直以黎做人0既原則,
同背叛了自己的愛.

P.S.
節錄自 張達明<人間色相>
我不理會你們有甚麼關係,
而是這個世界上有很多事,
你不嘗試你不會知道你原來最初擁有的,
才是最珍貴

這句話的深層意思,又有邊個會明,
又有邊個可以做到?

決定...終結

今朝起身時,又係好掛住佢...
不斷諗起佢0既同時,好似又瞓返著,
then好似係發夢...
我見到佢......同佢傾電話,哈~~~
只係記得又係問佢可唔可以一齊返,
不過佢連喺個夢度都要拒絕我......
無幾耐之後,我又醒咗
之後,諗咗好多嘢......
到底要點對佢呢?
到底往後要點呢......
突然好似諗通咗一啲嘢,
我知道暫時自己鐘意佢0既諗法係唔會變的,
but鐘意佢0既方法同態度,應該可以改變吧!
至於改到咩地步,改成點,都係未知之數,
一切要睇我有幾多能耐了......
今晚特登約咗佢,就係要知道,
自己到底可以愛佢到咩地步,
同時要知道,佢還能容許我愛佢愛到咩地步!
結果係點?今晚再打埋下半段吧!

結果出來了......原來我之前問佢係唔係同佢一齊咗,
佢話唔係,係講大話的......
哈...都話咗,我直覺向來無錯架啦...
原本想叫佢唔好同佢一齊住,比d時間我的,
不過,算了......
反正當我問佢係唔係好恨我時,佢可以諗都唔諗就答我係
我想攬埋佢最後一次時,佢可以咁大聲叫我唔好走埋去......
哈......我想唔算,都唔得啦!
結果,原本話咗唔會再為呢件事喊的,
but都係喊咗出黎......佢有比紙巾我,
but咁又代表d咩呢!
之後無諗過做咩,四圍走,落咗沙田......
坐巴士時,打比阿嫂,打比Angel,打比Abby,又打比Saman...
將呢個訊息,如喜訊般發放......
其實,只係好想搵人傾訴吓...
同埋,好希望叫佢地,要珍惜眼前人
唔好好似我咁......
落到沙田,一心等阿彩佢地放工......
其實,都唔知為咩的,之後同狐狸傾咗好多感情嘢,
佢都認為我唔抵爭呢......哈~~
之後又打比潘Sir,其實,只係好想話佢知,
自己因為衰花心,無咗個好女朋友......
佢出奇地無串我,叫我唔好再自責,
無用的,返唔到轉頭的了,
唯有做好自己,重要記得下次唔好犯同樣0既錯......
如果要喊就喊,唔好死忍......
真係好多謝好多謝佢呢......不愧為我最尊敬0既老師之一呢!
最後,等齊佢地放晒工就同佢地坐車去大埔,上車時,
因為一d"意外",得返我同BC兩個返大埔......
送咗BC送屋企,又喺Rainbow見到23仔喎!
同佢傾咗幾句,佢有fd生日,then我坐底食嘢&飲咗兩杯,
then佢地走,又教埋我點坐車返屋企......
一車上,同阿彩傾電話,傾咗d咩我都唔記得了,
只知道同佢傾電話,因為唔想一個人孤伶伶,
返到樓下先同佢收線......

我喺呢度,衷心祝福妳同佢,幸福,快樂...
唔好再好似我同妳一齊咁樣,
滿是不快樂......

<教我如何不愛她> 許志安+葉德孄

大地靜下了 任我躺臥
然而她似白雪不斷溶掉留下我
沒法一世抱著過 還有一剎笑著過
憑這感覺愛下過 難道我會 愉快得多

大地靜下了 沒法安坐
尤其他趁白雪擋住眉目迴避我
輪廓一再震撼我 情緒一再躍動過
時間不會算白過 長夜再冷 亦有心火

如何可以不愛他 莫非生命只配有一個他
到了沒法相處 再去記它好處
憑回憶製造這自欺的笑話
如何可以不愛他 命運種下甚麼偏差
用最多的心血 換最深的積雪
從此再遇上火花 也會擦亮這個傷疤

但願冒著雪 亦要相聚
然而他似幻覺早被埋在年月裡
忘記知覺錯或對 時間總會過下去
還會找哪個伴侶 難道我會 獨個隱居

如何可以不愛她 莫非生命只配有一個他
到了沒法相處 再去記它好處
憑回憶製造這自欺的笑話
如何可以不愛他 命運種下甚麼偏差
用最多的心血 換最深的積雪
從此再遇上火花 也會擦亮這個傷疤

當街流馬尿......

今日係星期六......
又喺度睇佢以前d日記...
睇返第一次同佢分手果陣,
佢期待同我一齊返,
而家諗返起,真係好心疼...
如果佢而家重係咁的話,你話幾好呢...

睇完之後,又走返上床度瞓,
發咗個夢,唔記得係咩夢了,
但記得見到阿蕾,至於做咗d咩,
唔記得了......
之後隔離屋鑽嘢,嘈醒咗我
淨開眼,d眼淚又係咁流出黎了......
唉......一點都無進步過......
之後起身,陪阿媽去食嘢,
話時話,阿媽今個星期三做埋另一隻眼0既手術啦...
食完之後,去咗睇衫,結果買咗件格仔Shirt衫,
哈,呢期好多人著呢!
之後就返屋企,D/L咗幾首好鐘意0既舊歌,
then又再睇佢d舊日記......
五點左右,換咗件格仔衫,
then就出街行......
無咩目的地的,只係想買個口琴
突然好想學吓玩口琴呢......
but上水無,then就走咗去坐火車...
又是無目的地,
不過到太和時,就落咗車
出閘之後,四圍行......
又做返以前d白痴嘢...四圍去搵人,
當然,亦係無目的地搵啦...
行返以前成日送阿蕾返屋企行果條路,
好希望可以遇見佢...
結果,當然係無啦!
之後,去咗吉之島,終於都比我買到口琴了...
then就行商場,實際上,係行一d佢有機會會行0既地方...
最後,行到去佢樓下...坐咗一陣,諗返起以前d嘢,
行去公園,記得自己點追佢...
又諗起第一次同佢接吻......
又記得上年31/12,
我送佢返屋企,then喺佢樓下公園,
我瞓喺佢大脾上面,要佢陪我等頭班巴士...
更加諗起我對佢0既承諾...
記得有一次,佢喺公園無啦啦喊,
叫我唔好玩佢,唔好掉低佢...
當時我應承佢,佢唔掉低我先,我唔會掉低佢...
結果,唉......點解我當日會忘記呢一個咁重要0既承諾呢!
坐喺果個位,為著自己背叛呢一個承諾,
我好內疚......終於,還是喊咗出黎......
同佢分手咁耐,第一次咁忍唔到喊,
竟然當街喊......
之後,行返出太和,又係諗住睇吓會唔會遇見佢,
記得以前,我唔識行原路返太和的,
但今日,出奇地識行...哈~~
出到太和....又想行返返去佢樓下,
因為想行果條路,
but我知我一行果條路,一定會喊到收唔到聲的...
果條路,就係我第一次拖佢,同佢一齊行果條路......
一年多前0既事了,行過呢條路,
好多感慨,喊出黎,我早就遇咗...
但估唔到,一年前0既晚上,我同佢講過d咩,
我竟然突然間好清楚地記返起晒......
記得佢叫我唔好衝紅燈,
記得佢話要同我慢慢發展,要打慢拍......
又記得,佢叫我唔好呃佢......
愈諗得起多,就喊得愈勁......
有人行過都收唔到聲果隻...
真係好少有呢!
之後,行到佢樓下,走到佢樓下間幼稚園,
見到張豬貼紙,記得每一次行過,
我都會喺呢個位拉停佢,
錫吓佢,又叫佢睇吓隻豬仔,
先會比佢走返上樓的......
唉......以前同佢一齊,實在太開心了......
根本,就無辦法忘記......
行到九點三左右,
阿媽吹我返屋企食飯,
突然覺得好唔捨得走,但始終係要走......
好想打比佢,話佢知我喺佢樓下,
好想求佢落黎見吓我...
但最後我都無咁做,因為我知佢已經好唔想聽到我把聲,
好唔想見到我......說穿了,根本就好憎我......
坐巴士返大埔,上火車,
坐到太和,我又落咗車......
喺度等,唔知自己等咩......
其實自己都明知佢唔會出現的...
但好想見到佢,因此就繼續等......
直到走咗五班車之後,第六班車到時我先肯上車走......
坐車時,望一望錶,都已經差唔多十點了...
見到今日已經11號......
重有3日又係14號了...而重有4日,就係佢生日......
我真係好想可以好似上年咁同佢一齊過佢0既生日...
唉......可惜無可能......

有冇人可以話我知,點先可以令佢再對我有信心,
再對我重新有返愛0既感覺呢......
要我付出d咩,我都肯的......
我知道每個剛失戀0既人都會好似我咁的,
只不過我係比較嚴重果隻.....
遲遲未能復原......
但我亦知道,我咁大個仔,所認識0既女仔入面,
最可以做到我老婆,對我最好0既女朋友之中,
佢係唯一一個......
我好多女仔朋友,但佢地亦唔係我認為好0既女朋友或結婚對象...
但佢,真係有呢d條件呢......
所以我愛佢......

P.S.最近,晚晚三四點都瞓唔著...
晚晚都拎阿爸d白蘭地黎飲......
睇黎遲d要買一支新0既返黎偷龍轉鳯了......
而且,睇黎我好快都要換肝了......
哈~~~

回望...

不經不覺,同阿蕾分咗手兩個月多了...
呢兩個月,真係經歷咗好多嘢
同Saman一齊過,then好快又分手...
同阿蕾分手咗,掙扎好耐,終於有敢氣去追返佢,
but被佢拒絕了......

還記得,同佢一齊咗成年,
講"分手"兩個字,只係講過兩次......
第一次係為咗好少事,目的,只係想佢重視我......
第二次因為我覺得大家感情有點冷淡......希望分開一吓會對大家好d,
結果,分開咗一個星期又一齊返
反而,最後一次,大家都無講呢兩個字......
只係佢喺日記度打咗出黎...

呢幾日,試著去晒從前同阿蕾去過0既地方,
回想發生過0既事...
出奇地,我無喊到!
返去初初追佢0既公園,正式同佢一齊0既火車站,
第一次錫佢0既公園......
好多好多地方......
講真,我無後悔過當日追Saman,
但我後悔我同阿蕾講分手...
黎到今日,又返黎話好愛佢,
哈......我真係好賤!

從前女朋友移情別戀,可以完全當無件事,
但我唔得......我自己移情別戀,
我反而很內疚....
亦因為自己咁樣,搞到自己今時今日咁...
看來,比起佢地,我道行還未夠......

最近計劃緊做一樣嘢,
如果成功的話,大家都會開心,
只有我會唔開心...

我唔鐘意界手,因為我怕痛...
但我鐘意傷害自己...
我傷害0既方法,係要人地傷害我個心...
有d嘢我明知係咁,都重要去做...
只要可以傷心,我真係無咩所謂...
我要為自己做錯0既事懺悔,
唯一方法,就係要真正體會到甚麼是"痛苦"
這一刻,我痛苦,但還未夠...
再讓我慘一點吧!
無晒朋友,以前女朋友唔肯再比機會我...
還未夠...
還......需要更多!

哈......又做了傻事

尋晚,終於都問咗佢,
結果,我估中了......
佢鐘意果個,果然就係我估果個......
同佢講咗好耐,
結果佢亦係以一句"唔理你了"作結,
但其實,妳有真正理過我嗎?

尋晚結果瞓唔著,今朝六點左右,
坐喺電腦面前瞓著咗,
醒果陣先發現自己坐喺度瞓著咗,
睇一睇個鐘,原來已經十點了......
第一堂都就上完了......
真係有d衝動唔返去......
but今日要present,so被逼還是回去了,
我唔想連累其他組員呢!
返到佢,又係搞d present嘢,之後去食飯......
突然覺得身邊好多個人都好似佢...
令我諗起"分身術"...
可能我真係太攰了......
一點半,因為要收ASP.NET D錢,
所以上咗去同阿sir一齊睇人present-,-"
有d覺得比人歧視,
因為第一次睇d同學assignment present,
覺得有d同學真係present得好好,
有好多嘢值得自己學習!
搞掂晒d嘢之後就去上DCN,
今日明明無咩點瞓,但出奇地有聽書...
到四點半就出去搵阿毛,
咁啱BC同阿彩又here,
無幾耐之後,阿彩同阿毛各自有嘢做走開咗,
then我又同BC玩=.="
跟住又叫佢陪我入canteen食tea...
同佢傾咗一陣計,阿彩又回來了~~
跟住就去開會了
今日開會奇快,因為真係無咩特別嘢要傾
開完會之後,就叫晒d X'mas Ball會幫手0既人留低傾埋d嘢佢
大約八點左右所有人就一齊走......
走果陣比阿Nick帶我地遊咗一陣花園=.=
之後同阿彩BC去咗食M記......
其實我無食的,但阿彩...真係嚇鬼.....
一粒鐘之內食咗一支軟雪糕,一杯朱古力新地同一個麥旋風@@
之後佢地就陪我去睇牛仔褲,
其間......突然發現阿蕾佢地成班喺我地前面....
阿彩問咗我一句,去唔去同佢打聲招呼呀?
我只係答佢,無咁0既必要......
then就由佢地走開了!
今日都唔知算唔算收獲,終於都買咗條牛仔褲,
又係簽卡......$550,哈......
跟住就接埋佢地個fd放工,一齊去坐火車了......
坐火車期間,阿彩話想食糖水=.="(又食......)
到大埔時,佢叫我不如一齊去食...
then我好似諗都無諗就落咗車......
之後一齊行上去新達,發現無嘢食的=.="
then我就話不如去太和......跟住就去咗坐K17......
唉......又令我諗起以前d嘢......
等車果陣,阿彩問我幾時會喊,佢好想睇吓我喊果樣,
又話我喊佢會笑的-.-"
then我就話,等我諗起d唔開心0既嘢,咪會喊囉......
之後去咗rainbow食糖水......
諗返起對上果次去食,係坐出面......果陣同佢成班fd一齊食......
哈......光陰不再......
一路食一路諗......BC不停問我做咩咁呆...
我都唔知點答佢呢!
食完之後,阿彩同佢個fd就返屋企,
我就送BC返屋企,but最大原因唔係送佢吧!
係因為,佢住富亨......
送佢返到屋企,11點55分......
then我就一個人四圍走......
其實我好想見到佢返屋企的,
but我諗其實無咩可能吧!佢應該早就返咗屋企了......
之後,坐喺個公園度,
果一個位......還記得我初初想追佢時,扮晒嘢話想同佢傾計,送佢返屋企......
結果,我追到佢了......
但現在,哈......就好似一場夢......
12點15分,無車返去了,then我慢慢行去的士站,
試著等埋尾班巴士返黎富亨,睇吓會唔會有佢0既跡影...
結果,當然係無吧!
之後就坐的士去大埔火車站......
去到火車站,我坐喺月台,經過咗三班車,
我先肯上去,因為我好想可以等到佢......
坐車,返到屋企......
唉......後悔,後悔,+後悔......
又諗起自己做錯0既嘢......
返到屋企,又覺得好精神呢...
睇黎今晚,又要失眠了...
日日係咁樣,到底我幾時會死呢?

P.S.愛一個人很易,但忘記愛人卻很難......
我唔想再做負心0既人了......
我明知有d人係暗地裏鐘意我的,
但......我真係唔知自己可唔可以做一個好0既男朋友,
最重要係,我心裏面,還有著阿蕾......
她,太巨大了......巨大得除了她以外,
我也很難騰出空位放置其他人!

今日好想喊......

尋晚整另一樣嘢整咗我兩個幾鐘,
其實都唔算多,
一路整,就一路諗起阿蕾......
結果,整完又瞓唔著......
我整d咩?哈......到時咪知囉,
暫時唔講得住......
結果又飲阿爸d白蘭地,
then一落床就瞓著了......

今日dayoff,but要返去開會......

一早call Angel黎我屋企教我整d嘢,

結果搞咗好耐,好在最後都叫做識整......

then返去開會......

前幾日feel到果d嘢,一直喺個腦入面係咁轉......

到底佢鐘意咗果個......係唔係果個人呢......

返到去開會,遲到了......

阿毛唔舒服又要喺度瞓......

結果放break果陣比我鬧咗佢一餐......

同時......見到一樣嘢,一個畫面......

我真係差d喊咗出黎......

之後繼續開會,我都一直無心機,

發呆......

我唔敢再咁多嘢講,因為我怕,

我開口0既同時,我d眼淚會失控......

then開完會,見到佢做緊嘢,

企喺佢身後面,真係有衝動攬實佢......

但我無咁做......

同時見到某某人未走......

我有預感,佢地今晚會一齊食飯......

或者係我太多心吧......

愈黎愈覺得,阿蕾鐘意果個,真係佢...

最後,都係走了......因為趕住返去繼續整果樣嘢,

走果陣,同阿Nick一齊行,

其實我唔係咁想的,因為同佢一齊行,

就要同佢傾計......

但一開口,我就開喊......

人地話精神病患者會鐘意妄想,

咁我一係有精神病,一係我就真係估中咗......

最後同阿Nick分道揚標,

我真係好想即時搵個公園入去坐喺度喊......

but D公園都好多人......

去到沙田火車站,又係果一卡......

算了......還是上了車,

歸心似箭......因為我趕住返屋企喊......

否則就要當眾喊出黎......

一路上,胡思亂想......

返到屋企,就好似開水喉咁......

唉......

then就繼續整果樣嘢,

過咗一陣,就食飯,

今日打邊爐......又令我諗起同佢一齊0既日子...

打過好多次邊攎......

一路食,又一路想喊......

食完飯,返入房,

打比佢,一來想問佢生日想要d咩,

二來,最主要,係睇吓我預感係唔係準確......

結果,問佢生日想要d咩就話無咩想要,

而我0既預感......全中呢......

佢地今晚真係一齊食飯......

哈......我開始諗,我整果d嘢......

為咩......還有呢個需要嗎......?

雖然話係生日禮物,

但我0既原意唔單止咁吧!

但呢一刻,還有用嗎......?

我真係有衝動打爛晒佢地......

我已經唔敢想像聽日會發生咩事...

更唔敢想像15號,佢重會唔會係單身......

更不用說心入面諗0既係邊個吧......

P.S.原本滿心歡喜地去整果d嘢比佢...

但我都唔知最後會唔會由我一手造佢地出黎,

亦由我一手破壞晒佢地......

始終佢入面只有佢吧...

而我,我所造出黎0既嘢,還會有地位嗎......?

或許命運就係咁,

當初個天要我做錯,

今日個天更要我死......

我唯一可以講0既係,

我受唔住魔鬼0既誘惑,犯下了罪

唯一等待我0既,由始至終都只係懲罰......

即使我一心悔改,

但,又有誰肯比機會我呢?

結果還是,一個都無......

真可笑......

辛苦的一個星期終於過去了......
日記又要變週記=.="
今個星期雖然有好多日假,
but都係好鬼忙......

星期一,返去上堂,搞來搞去,
最後都無搞到個BIS project......
而某某人更令我嘔血,
竟然又唔做嘢......頂......
不過好彩,DCN有67%

星期二,畢業禮,
我無簽到話去,
反正FD畢業,有咩好慶祝呢?!
結果留在家中,做個BIS project
重有喺屋企拾掂間房佢......
重係好亂呢\./
到四點幾,幫阿媽去佢教堂砌櫃,
then就出去幫Bobby買嘢,
先買咗個DVD-Writter,
then又去咗買果部超薄PS2......
跟住呢,就去咗賣咗部舊電話佢,
放到$580!!!真係估唔到呢!!!!
then去先達睇吓d水貨機咩價錢,
其實一早睇中咗部Pantech G800,
百老匯$2580有免息分期,重送藍芽耳筒!
而先達,$1980,無藍芽耳筒送,重要無保養......
經過一返考慮之後,
都係去咗百老匯買......$215一個月,ok啦算係
買完之後就返屋企了......

星期三,好晏先起身,之後同阿媽一齊去食嘢,
之後就返學開會了......
開會前諗住去交LNS份嘢,
去到先知原來要親身去長沙灣交=.="
唉......要星期六先得閒出去......
之後都唔理咁多,去開會.
開會無咩嘢傾,
但都開咗兩粒鐘=.="
簡直係拖長黎開......
開完會之後,就去咗新機地打機,
打完,一個人渾渾噩噩行咗一陣,
then就返屋企了...
返到屋企,食完飯就做埋份BIS,
重要諗吓點present......
加上又失眠......
四點先瞓......唉,聽日要返8:30呢......

星期四果然真係唔知醒......
八點半先起身,then趕住返學,
but今日present,要著suit=.="
又未盪......
唯有快快手搞掂佢,九點出門口......
返到去,九點七......
大家都好似未瞓醒咁,
個VB project,阿曾同學咩都做好晒了......
其實咁唔係話唔好,but咩都做晒,
不如自己一個一組算啦=.="
我對佢0既評論只有幾句......
佢係一個勁人,做program好叻,
但同佢溝通,睇得出,佢欠缺與人合作能力=.="
我果組......唉~~~一個勁人,但唔識同人合作,
一個有缺憾......其實呢位同學真係無咩嘢,
係溝通對我黎講有點難度......
最大問題果個,係BIS唔做嘢果個=.="
佢簡直連尹同學都不如......
而我,一來忙,二來優軟寡斷......三來無諗頭=.="
唉~~~今次真係九死一生......
落堂之後,同佢地傾BIS D嘢,
好辛苦的,嚴重唔夠瞓......
最後,同BC佢地玩咗一陣,
then出去新翼果頭傾,
搞埋個power point佢,
then同佢地練一次,
又分享咗小小present心得比佢地......
教佢地寫貓紙,present要望住阿sir......
而我就記咗d嘢喺部Ipad度......
就去咗present啦......
一路上,好緊張......手都震埋,
到我果陣,細偉又搞錯個power point....
勁狼狽......結果,我差一part先講完......
唉~~~灰爆......
present完等咗一陣就去上堂,
放學去代表會,無聊的......
之後同基哥同阿毛傾系會嘢,
傾到發火......but最後都傾掂數......
返到屋企,同袁子佢地chat,
佢地講咗d嘢我知呢......
but我feel唔到,而且覺得可信性一般啫=.="
不過如果係真,我反而唔想......
因為我而家,一定唔會比到其他人快樂的!

今日,12:30返去開會,
主要講X'mas D嘢,
分晒工,史無前例地快手開完會......
上英文堂,發夢......諗起以前d嘢......
VB堂,又無目的地做project......
一來因為七八成比人做晒,無咩可以再做,
二來大家溝通唔黎......
一個唔識講嘢,一個唔肯講嘢,一個講嘢有困難......
我就黎痴線了......
真係好想問阿sir可唔可以一個人一組=.="
放學,趕住去麗豪,
因為落訂d錢喺晒我度......
去到大家坐喺度等緊人,
人齊就去睇吓份計劃書,
then我又碌卡了=.="
一碌碌$5000......當儲分啦,哈~~~
因為我驚D錢我會有用,so碌卡,遲d找卡數先還吧!
銀行突然有二萬幾蚊now^^
but好快會無晒=.="15號要幫阿媽手術果度找住數先呢......
搞掂晒就去咗新城市打機,
then又一個人行......
之後見到666終於出了,
就去咗M記食住嘢咁睇,
睇完食完就歸家了......

P.S. 人有你無,人地拎出黎用,就係扮嘢......
D嘢買返黎唔用,買黎做咩=.=?
如果果件嘢唔係咁貴,我拎出黎,
重會唔會有人話我扮晒嘢呢?
說穿了,咪又係妒忌=.="

某某人,千祈唔好真係鐘意咗我呀......
我唔想破壞他人幸福......
因為我一定比唔到快樂妳的......

聖誕節就到啦......
連續兩年都有女朋友陪,
可惜,我相信今年唔會有了......
唉......真係唔想咁快聖誕呢......
我諗31號晚一定會有人約我的,
but我多數都會話唔得閒唔去的了,
因為我知我一定會諗起d傷心事......

往日的開心事,
到了現在,卻變成了傷心事......

人,就是這樣無奈!

很蟬嗎?

兩個相愛的人,
曾經走在一起,
然後分開,
即使依然愛著對方,
卻因為自己心裏的執念,
堅持不再走在一起......

同時,亦曾因為心裏的執念,
堅持走在一起......

愛情,就是這樣一回事......

生命中不能承受的輕,
不在於一件事,一件物,
而是在於一句說話,一個想法......
在那充滿絕望的意識型態之下,
又有誰可以快樂?
又有誰可以承受?

我在想,那個人,一定是神吧!