罪人......

今日,真係好唔開心呀......
即使尋日買咗部PocketPC都好,
今日真係好唔開心......

點解會咁架......
點解D人可以咁?

我因為鐘意第二個同阿蕾分手,比人話我衰,
我算!
我做咗Saman第三者,比人話我衰,
我算!
我走返轉頭想追返阿蕾,比人話我衰,
我都算!
咁......有咩我可以唔算?

點解我同佢講分手,會比人話我衰,
另一個佢同我講分手,我亦要比人話我衰?

我飛咗阿蕾,佢憎我
我比Saman飛,佢又憎我......

係因為我乞人憎?還是有人無理取鬧?

我飛阿蕾,佢同我講,我要負責任,
我比Saman飛,咁邊個又要負責任?
有邊個可以向我負責任?

我飛阿蕾,比人當正罪人,
係因為我鐘意第二個?
還是因為我飛咗佢?

我追Saman,又比人當正罪人,
係因為我做第三者?
還是因為我比佢飛咗呀?

點解咩嘢都係我?
有冇人可以出黎講吓道理?

打電話比阿蕾,第二個人聽,
竟然可以比人叫我過主!
ok......fine......

我諗我就黎會有精神病......
一直都無將心情講出黎......

都唔明點解,
今日咁好彩撞到Joyce,
好耐無見佢,同佢傾咗幾句近況,
我最後都忍唔住同佢講咗呢件事......
講真,同佢唔算熟,講黎都無用,
但,我真係唔明......我個傾訴對象竟然會係Joyce......

唉......算了......我早就比人當正千古罪人,
講咩,都無用......

從來只會有人記得秦始皇係暴君,
但又有幾多人會記念佢修建長城0既功績呢?

P.S.今日有預感,佢好快會比人搶走......
一諗到呢度,即使坐緊火車,我都忍唔住喊咗出黎......
不過,佢都已經唔再屬於我啦,又邊算係搶走呢......

壓力......

最近個人都係好唔開心......
都唔明,點解D人睇嘢做嘢可以咁表面,
咁唔負責任......
某人話我搞咗系會之後個人cool咗,
好似成日都唔睬人咁,扮高鬥......
救命呀......喺人面前話唔like我果個係你,
而家我知你唔like我,我唔主動走去同你講嘢,
你又話我扮cool,咁你想我點?
又有人話我成日打電話搵唔到佢就打去第二個人度搵佢,
又話咩搵唔到就係搵唔到,打比第二個都係搵唔到佢......
唉......不如先諗清楚呢句說話有冇問題先啦!
我唔係為咗系會D嘢,又會唔會搵人搵得咁急呢......
妳都唔係第一個我咁搵0既人,
但點解偏偏得妳一個有咁0既反應呢?
如果我係一個妳鐘意0既人,妳會唔會咁呢?
相反黎講,會唔會係因為我係一個妳好憎0既人,
所以妳先咁講呢?
即使有D無理取鬧都要夾硬比個罪名我
又有冇諗過,比得個電話號碼人,
同E-mail個原理一樣,個E-mail如果十年都唔check一次,
妳比我托咩......個電話,成日都搵唔到人,比我托咩......
再者,搞得系會,做系會嘢就係責任......
唉,算了!我做慣醜人......唯一無奈0既,係妳竟然可以咁無理囉!
有人話我好自私,自己鐘意就鐘意......
做錯嘢係要負出代價等等......點解要將罪名推晒喺我身上呢?
所有嘢,特別係愛情呢家嘢,唔係應該相向架咩?
如果感情出現問題,一定唔會係因為單方出現問題囉......
如果我係做錯嘢,我會負代價,但唔代表我錯晒囉!
而我,道咗歉啦,妳唔原諒,問妳想點,又話無咩想點......
我只係想補救,唔想搞成而家咁......
點解又要當正我係搞破壞呢......

邊個話我扮cool,
邊個話我煩住佢,
邊個話我自私,
自己知自己事啦......

唉......雖然我係好鐘意忙,因為忙可以無咁多時間亂諗嘢,
But呢個moment,我好想可以靜一靜......
但環境唔容許我咁做......
煩惱+功課+系會工作+屋企問題......
已經唔知第幾晚夜瞓,瞓落床,重要瞓唔著......
瞓得著,又會無啦啦半夜醒咗......就好似而家咁......

今日搵返Iris......照計,我應該好憎佢,
始終佢以前咁對我......but我同佢竟然異常好傾!
佢都話我抵死,佢果陣咁賤格,我就對佢死心塌地,
人地對我咁好0既,反而走去滾......

最近發夢都夢見佢......
平時見到佢,佢喺我心目中,已經變得只可遠觀,
已經唔再好似以前咁可以同佢咁開心了......
真係好想所有嘢都可以由頭黎過,
咁我就唔會講果一番話......
咁我就唔會搞到今日咁......
呢d,算唔算叫做後悔呢?或者係吧......

現在,是凌晨四點正......

日記變週記了......

今個星期,真係好鬼忙!

星期六,接大陸d親戚&同佢地遊香港=.="
我表姐勁靚女@@無見幾年,個樣勁似王菲!!
如果佢唔係我表姐,我真係食咗佢都有份=.=""
呢一晚,同阿蕾傾咗陣電話......其實都唔係一陣,
都成個幾鐘......結果傾到喊......喊得好勁......
喊到瞓著咗都唔知......

星期日,阿哥結婚,好開心,同時亦好唔開心......
開心,因為阿哥結婚,唔開心,因為阿哥要離開我了......
本身已經好少關心我0既人,連阿哥都走埋,
唉......睇黎要真真正正做個浪子了......
呢一晚,去飲,結果阿哥阿爸都比人隊冧咗,
要我頂酒......唉~~~想醉的,因為唔開心......
但結果飲咗成支威士忌都醉唔成......
我有冇咁好酒量呀大佬......
最後坐的士返上水......

星期一,返學,本身唔知醒,諗住走第一堂,
點知第一堂cancel咗,so唔洗走堂......
之後返去DCN,做test,個人暈暈的,
可能因為尋晚飲得太勁......
結果個成績真係強差人意......
算了,意料中事......
then要去開會,我都係開會前半個鐘先知=.=
結果個會得四個人開......過份的......
要搞個broad,唉......搞到好鬼麻煩,
之後去咗睇X'mas ball場地,麗豪有得平比我地,
yeah^^,睇完場就返去做broad,
夜晚搞到七八點,都搞唔到d咩出黎,
勁失敗......

星期二,勁麻煩,要搞埋個broad佢,
點知竟然會有人唔做嘢又走咗去......
勁覺得系會紀律問題無法改善......
結果,個broad又係咩都好似無做過咁......
返屋企果陣,借咗個同學仔個搏頭黎瞓,
好鬼舒服@@
可能......因為我真係太攰了......結果去咗羅湖都唔知......
又或者......係佢可以比我一種暫時代替住佢0既感覺吧......

星期三,今日要返去開會,
but約咗人早d返去保護某人食lunch=.=
因為某人比變態同學煩住......
不過最後,個變態同學都無出現,
點知我反而變咗變態同學=.="
then就去影相,因為整broad有用,
之後就去開會了,開會傾晒X'mas ball d內容,
but個會實在拖得太長了......
結果,原本諗住開完會去搞埋個broad,
但竟然全部人都已經走鬼晒,
而027又已經鎖咗門,
結果個broad係咩都無郁過的......
今日阿媽做手術,so早d返屋企陪佢食飯,
返到屋企,阿媽好似無咩事喎,
希望佢盡快好返晒啦!

星期四,今朝一早就返去上VB,
落堂後,傾咗Business Plan d嘢,
分晒工,星期一大家會拎晒返去再傾,
都唔明,點解某某人可以做份project可以完全當無件事的?!
之後,就去幫手搞埋個broad d嘢,
今日係deadline了,so好趕,
點知d相未影晒,竟然有人唔返去影囉......
勁無奈......
結果好彩都搞得掂,
but個broad呢......唉......最後搞到十點半都未做晒......
要聽朝一早返去搞埋佢......
聽日係open day呢......

P.S.最近,覺得自己做嘢無心,又無力......
唉......甚至有諗過放棄系會......

更連讀書......我都開始好求其......

其實,呢一切都因為一個人......
成日有人話:人無話無咗邊個唔得架
但我真係......無咗妳,會唔得囉......
妳,明白嗎?

......

當人走到一個邊界條的時候，
便會以興奮的心情去迎接新事物，
同時，
以悲傷的心情回望過去......
節錄自哲古華拉<旅行日記>

浪人通常獨自上路
外人看來很有型,但事實卻很孤獨
但普遍浪人都已經習慣了
即使未習慣,還是被逼去習慣

興奮，是因為有新東西
悲傷，是因為過去做得不好

-------------------------------------------
It takes only a minute to get a crush on someone, an hour to like someone, and a day to love someone, but it takes a life time to forget someone.........
Love begins with a smile, grows with a kiss and ends with a tear.
The greatest pain that comes from love, is loving someone you can never have..

<他一個人> 陳弈迅

慶幸每夜　那樣疲勞
再沒渴望　得到擁抱
那一晚他　如此跟我講

要是愛欲　徹夜難忘
半夜散步 通宵洗熨
記得那一晚他　如此跟我講
然後我　看到了　他眼光
然後我　那安慰　沒法講

＃他看戲　也一個人看
他放假　也一個人放
他叫我　記得有時間　對你好一些
他跳舞　也一個人跳
他說笑　也一個人笑
他叫我　這刻如能被愛　別太輕率分開

快樂宴會　分組跳舞
最後也是　剛好單數
那單數的　如此跟我講

怕被冷落　怕被遺忘
但最後卻是　白走這一趟
那一晚他　說的笑話　使我很不安
明白我　這一世　差點會怎過
然後我　太需要　共你講

他看戲　也一個人看
他放假　也一個人放
他叫我　記得有時間　對你好一些
他跳舞　也一個人跳
他說笑　也一個人笑
他叫我　這刻如能被愛　別太輕率分開

我怕遇見的以後　我怕面對的過去
那晚上猶如附身於　這個他

他看戲　也一個人看
他放假　也一個人放
他叫我　記得有時間　對你好一些
他跳舞　也一個人跳
他說笑　也一個人笑
他說我　有一個人愛我　無論有多苦　也比不上他

他看戲　也一個人看
他放假　也一個人放
他叫我　永不要忘記　對你好一些
他喝醉　也一個回家
他怕冷　也一個人怕
他叫我　要將你留低
相戀再苦　孤單更可怕
他跳舞　也一個人跳
他說笑　我不太敢笑
不要說　我想你也明了
為何在那晚　我抱著你哭了

又做咗傻仔......

今日,我做咗一件好白痴0既事......

今朝一早返學,上VB堂,
唉......最近,比Saman 0既事搞到我好攰......
跟本無心機寫VB,自己都覺得自己寫得好差,
又無時間溫書......唉......差勁!
結果,上堂做Array D嘢,做唔晒......
算了,無辦法......自己無用!

落堂之後,去咗canteen食早餐,
見到BC佢地,同佢地傾咗一陣計,
個BC又無啦啦發皮四=.="
then同佢玩咗一陣,又比咗我以前女朋友d相佢地睇,
果然,公認Heidi係我咁多個女朋友之中最靚0既一個......
不過佢地都估唔到,當年佢只係12歲@@!(而我果陣係16歲=.=)
Then到十二點半,就去咗210C,因為今日係我地就職禮0既大日子!
就職禮一切都好順利,過咗今日,我地就正式成為今年CP系系會啦!
but當務之急,我地有一樣嘢要傾......就係重選主席......
then我地約咗放學傾呢個問題......
之後返上去上BIS,阿sir都唔知係唔係氹我開心,
佢話成個41306,呢科黎講我暫時頭三名喎@@!
好開心!!!!希望阿sir唔係氹我開心啦=.="
落堂之後,又去DCN當ZZZZZ=.="
今日講colition,CCNA之中我諗我最熟係呢項=.="
落堂之後,去canteen等佢地開會,點知又比我見到BC,
佢睇黎,重未嬲完=.="but我都唔知佢嬲咩,
無啦啦嬲......其實我feel到d嘢,but未經證實,
唔講出黎了=.="
等呀等,又瞓咗一陣,終於大家都到齊開會了!
出奇地,阿毛竟然自己lead會,
佢睇落係幾激動,but已經係我想像之外咁鎮定了......
最後,佢講咗好多佢0既心聲,聽完之後,
其實我已經知道個結果......
因為我feel到有人已經比佢感動了~~~
至於係邊個......問吓我,我可能會爆您知的~~~哈
but由於阿彩唔喺度,so最後都無投到票......
留待聽日開會先投......
then我地就散會閃人了......
跟住我,阿毛,基哥,wing同Saman就去咗聯席會議,
傾有關聯系活動,而當務之急係christmas ball......
其間,大家都爭持激烈,anyway,最後都傾唔到d咩,
好多嘢都只係留待下次開會再傾......
then我地出去就刪咗我地個璧布,
跟住就閃人了......一路上,我同阿毛係咁講d兄弟嘢,
佢竟然鼓勵佢細佬賭波......真係唔要得\"/
then佢去坐89,
而佢......又無去到......
一路上,好想同佢傾計,but我怕......
我唔夠膽......我好怕......再比佢話我煩......
一路行,一路行......我好似就佢腳步咁,
行得好慢......而佢,亦好似知道一樣,
一直跟住我行......
去到要分開0既地方,我好想同佢講再見,
but回望時,佢已經背住咗我,向前走了......
我企咗喺個商場中間......望住佢個背影,
不期然,我跟住佢行......行到電動樓梯,
我呆了......心入面問自己,
落去?定唔落去?
結果,我還是心軟了......跟咗落去......
落到去,我走去佢身邊,企咗喺度無出聲......
過咗一陣,我再望住佢,佢問我做咩......
我咩都無講,攬住咗佢......
好似小朋友要媽媽抱一樣......
而佢,就好似我媽咁,問我做咩,踏我搏頭幾吓......
我臨放開手時,錫咗佢一啖......
then我就走了......
僅僅數十秒......我到底做咗d咩?
我自己都唔知道......我亦無再加以思索......
返到上去,我突然醒一醒,靈機一足,
走咗去買cake......買咗佢最鐘意0既芝士蛋糕......
then send咗個massage比佢,叫佢等我......
因為我怕佢走咗,個cake會變得無意思......
為怕佢唔知有massage,我又係咁打電話比佢,
等佢會睇吓個電話......
結果,我返返落去車站,佢重喺度......
太好了......then比咗個cake佢,
佢問我做咩......我都唔知點答佢好......
只係問返佢一句,妳唔鐘意呀?
then佢話唔係......同時,車要開了......
我同佢,又要分開了......睇住佢上車,
有衝動想跟埋上去,或是拉住佢唔比佢走......
但我兩樣嘢都無做到......
唯一有做0既,就係同佢揮手......
今次我無再呆等佢架車開,但我不斷望轉頭,
佢上到上層見到我,又再同我揮手講再見......
直到佢坐低咗,無再望我,我就走了......

返屋企途中,我問自己......
我啱啱咁做,係有用,還是無用?
我話過唔再煩住佢......但我啱啱做咗d咩?
我愛佢......但我之前唔理佢......
我到底是否依然忠於自己?
還是我係自己毀滅?
返到屋企,食完飯......
返入房,又係一個人0既空間......
盡是空虛無助......
到最後,我還是一個人......

P.S.愛一個人,是快樂的
但當愛一個人,而不懂如何去愛她時,
愛一個人,卻是痛苦的......

可怕的,不是沒有人愛,
而是連自己都不懂怎去愛人......

愛情......

柏拉圖有一天問老師蘇格拉底:"甚麼是愛情？"
蘇格拉底叫他到麥田走一次
要不回頭地走
在途中要摘一棵最大最好的麥穗
但只可以摘一次
柏拉圖覺得很容易
充滿信心地出去
誰知過了半天他仍沒有回去
最後，
他垂頭喪氣出現在老師跟前訴說空手而回的原因：
"很難得看見一株看似不錯的，
卻不知是不是最好。
因為只可以摘一株，
只好放棄再看看有沒有更好的，
到發現已經走到盡頭時，
才驚覺手上一棵麥穗也沒有......"
這時，蘇格拉底告訴他：
"那就是愛情"

人就係咁......

今日......星期二......
十點半上BIS,但遲咗幾分鐘,
少有地,佢已經返到黎,
but唔理了,話咗唔理就唔理......
上堂果陣,後面d人都真係幾煩吓,係咁傾計,
講真,呢幾日心情都唔係好,真係好想屌尻佢地!
but算了,屌完咪又係咁......
落堂,得返自己一個人,then去拎咗個沙麵王,
打算落canteen食,點知見到丹尼臣佢地去freebook,
then我諗吓諗吓,去埋都好,反正我想print notes,
then跟住佢地去,點知入到去先知,
d機係要自己帶HD架囉=.="
唯有照原定計劃去canteen食嘢了-.-"
落到去,本身諗住自己一個人搵個位坐完食完就閃,
點知見到阿lu佢地果邊有位,就走埋去一齊坐,
其實都唔知算唔算一齊坐=.="
我一路都無咩同佢地講嘢,
事實上,我都唔係好想講嘢......
其間,食咗個炒麵王,then就整理吓個file,d嘢好鬼亂=.="
之後就入電話(終於有心情入了=.=")
時間過得好快,入入吓電話,阿lu叫我去上堂了=.="
上CF堂,今日miss黎上堂,教得......一般啦=.="
覺得佢好似無備課......成日要睇返d notes先講到......
後面d同學仔又係咁喺度嘈,miss有個唔錯0既地方,
佢識得叫人收聲,一有人嘈佢就唔教書,
有次重指住個同學問佢要唔要咪傾......
Good!I like it!我最怕就係上lecture有人嘈,
一來阻住要瞓的人kakaka,二來又嘈住要聽書的人......
而我,應該係兩者都有吧!!@@
落堂,去咗canteen食飯,食咗個三餸飯(好大洗=.=)
then重買咗個雀矃......
食完之後同阿dee過圖書館,
因為我要print notes,上面d死人機,
print一張要成個字......太慢了
so我寧願$0.3張,快快手print咗佢,
print咗幾個字,已經print好咗三課notesX2
跟住就上去放d notes入locker,
then就放一份入佢locker......
搞掂晒之後就去羽毛球場搵返佢地,
死人Tommy叫極佢都唔比我打=.="
睇佢地打咗一陣就去上堂,
今堂頭半堂講份project d嘢,
下半堂先教書......
OMG!好多嘢都唔識呀......要返去溫書了......
今堂d氣氛都ok好,無咩人嘈......good!
落堂之後,就要去就職禮briefing,
搞吓搞吓,七點幾先完,then去咗canteen傾我地系d衣著問題......
天呀!點解會有人唔肯買衫的......
點睇,入得ive都梗會有一套架啦......
唉,算了......最後我決定叫晒d人聽日出旺角買,then喺旺角搵地方開會......
走果陣,我打算去沙田果陣,點知佢地無啦啦成班走晒去打波......
得返我同佢兩個......
同平時唔同了,為咗唔再煩住佢,我半句嘢都無同佢講......
平時同佢講多兩句,又話我煩......
then一路上傾電話,約咗Polly出旺角食飯^^
好耐無見了~~~
傾完電話,就聽MP3,佢唔嗌我,我都費事煩佢......
奇怪的是佢今日無去塔89,跟喺我後面去新城市果邊......
我本身係諗住去新城市買少少嘢的,
but因為約咗Polly,打算出旺角先再買......
佢一直同我一齊行,到好運之後,唔知係唔係我行得快,唔見咗佢了......
我終於......都係恨心地咁做......
之後去到新城市,做咗樣好白痴0既嘢,
我走上去二樓,望住佢平時會走落去坐299果條電梯,
諗住睇吓佢幾時會到......點知等咗好耐都唔見佢......
then望一望個電話,無時間了......
最後就走咗......
出到旺角,見到Polly,佢都無咩點變到,
都係咁上下樣......
then同佢去咗間茶餐廳食飯,
食飯其間,講吓佢而家條仔d嘢,
我又講吓我最近點樣,又講吓同阿蕾d事,
又講吓同Saman d事,無事不談......
之後又講返起我果陣特登整到佢冧我,溝我......
哈~~~都過咗咁耐,so大家講返起都無咩顧忌......
最近好想做返以前d嘢,
我同佢講,我好驚自己會變返以前咁......
最近好想落吧蒲返晚,又好想煲煙,
甚至......好想好似以前咁,求其搵個女朋友玩吓算......
Polly聽到之後,話我知第五街有一間$100任飲任食@@
抵到爛呀!!!!!!!!!
but佢話佢今晚要走第二轉,so唔陪得我落,下次先......
至於煙,今晚食了......同佢一齊總共食咗五支......
做人,間中瘋狂一返,都算係好事黎0既......
今晚呢餐我請,因為聽晚應該重有機會同佢食飯,
聽日佢請返我咪得囉,哈~~~
反正我同佢講咗一個好有趣0既道理,
有女朋友0既男仔,會無咁有錢,
但無女朋友0既男仔呢,就會特別有錢......
而女仔呢,有冇男朋友,都會係咁無錢=.="
因為,女人錢,真係特別易呃=.="
食完飯,同佢去廟街買嘢,then佢個fd到,
三個人走咗去Paris coffee飲嘢,
佢個fd,都ok得架,哈~~
but唔係我鐘意果類=.="
最後,呢餐又係我比,話晒第一次識人,
人地又係女仔,重要都算係靚女,
請人飲嘢,算係禮貌啫~~反正又唔算貴,三個人加埋$55
其實,都唔一定係要溝人的,當留個好印象比人都唔錯丫~~
then佢地兩位女仕就"護送"我去火車站坐火車啦~~哈~~
坐火車其間,打比Ivy,好耐無見佢了,
so決定去粉嶺搵佢吹水,
同Ivy又係傾返同Polly傾果d話題,
其間又食多支煙......即係今日總共食咗六支......
咁講真,兩個都係好耐無見,so好多話題都係講近況架啦~
其間,佢條仔打黎,話佢咁夜落街唔話聲佢知,
哈~~~~佢同佢條仔,話咁快就三年了......
but我同佢都話......原來得三年架咋,
總覺得過咗好耐,有d六七年feel......
then計吓計吓,我同佢都識咗成五年多啦......
一點左右,佢就返屋企,送埋佢上樓上,
then就坐的士返屋企,
其間打比阿茵,(又是其中一個多年前比我玩過0既人=.=)
佢做緊功課......but我收得唔清,
搞到佢話佢唔得閒我都聽唔到,
佢開始有d燥=.="then我就話遲d再搵佢......
佢把聲......好耐無聽過了,好聽咗好多@@
個樣又靚咗好多~~~~
我都同佢講,如果當年知佢會好似今時今日咁靚女,
我諗我唔係玩佢,會真係同佢一齊@@
哈~~~~~~而家想約佢食飯,都好鬼難,
一係佢唔得閒,一係我唔得閒......
定還是,佢唔想再見到我呢@@?
呢一點,就真係得佢知了~~
返到屋企,諗咗一陣嘢......
今日癲過了......係時候要變返正常人......
首先當然係唔可以再食煙啦=.="
but我都重係諗緊,今年年尾前,我點都要落一次吧!!ccccc
之後開電腦,icq見到佢同Tina都未瞓......
同Tina講咗幾句,唔記得講咩了,
主要都係佢問我做咩咁夜返屋企,
出去同d fd玩咩咁......
then睇吓佢地兩個個日記......
無幾耐就去瞓了......

P.S.我都唔明D人......
對佢好,佢要咩我比到都比佢,
果陣時呢,佢可以話你煩,話你係死人......
同佢講幾句嘢又可以話你煩住佢!
好啦好啦!如妳所願,妳要咩都唔理妳了,
唔同妳咁多嘢講了,只談公事,不談私事,
then,結果呢?!
竟然又可以比人話我反轉豬肚就係屎!
妳想我點?
一早話咗,人係主觀的,先入為主的!
妳覺得我衰,我做咩都係衰架啦!
係妳自己話我煩,我先唔煩妳咋!
妳估我好受咩?
妳自己都唔去體諒人,點解又要人一定要體諒妳喎!
呢個世界無免費午餐的!!!!!!!!!!!!!

孤單的星期六

尋晚,同佢一齊print BIS啲notes,
then一齊走......一路上,同佢無咩兩句,
其間我打比基哥,傾返阿毛果度......
收線後,諗住同佢打開話題,
but最後失敗了......
結果大家一路上都無講嘢,
送佢去到89個站度,等佢上車,
阿fa突然出現......算了,反正我講咩做咩都煩到佢......

今朝一早起身,陪媽去食早餐,
食完就返屋企......
之後0係度睇報紙,一睇到成個鐘......
十點左右,開左部電腦,
佢同Tina都online中,
同佢地兩個say左個hi,
之後淨係同Tina chat......
知道佢地三個月了,就恭喜Tina一番......
之後......便是痛苦的開始......

晏少少,Saman off左line,
我知佢去搵Tina,但見Tina無off,
就問佢點解,佢就話我知,原來今日Saman去佢屋企,
then無理佢一陣,
比返一段私人空間自己......
諗咗好多嘢......係諗通咗,還是諗埋咗一邊呢......?
諗返起同佢一齊咗一日,突然又諗起Apple......
最後作咗一篇文比Tina睇,
話咗比佢知一啲佢唔知0既嘢,
其實無咩目的的,只係覺得有啲嘢,佢有權知道......
今日一直個心都好痛......
個人好唔開心......
久違了的情緒病又來探望我了......
諗返起Saman講過佢好憎我,
唔鐘意我某D嘢......
我開始問自己,我有改到嗎?
改好了嗎?真的是我的問題嗎?
我對她......算好嗎?夠好嗎......
問咗自己好多好多問題,但無一個有答案......
而我只記得,我對佢好,對佢差,
佢都只會比一個結論我......
煩人,死David......
算了,我是賤,我是衰......
我做任何好事都是假的......
我對她有多好也是途然的......
最後,我做咗一個決定,
我．放．棄．了！
之後,整天在家發呆,
發悶了便去睡......
一睡下床,久違了的眼淚也來探望我......
今天突然遇見返好多舊朋友......
我一直哭,喊到攰就自然地瞓著咗......
瞓醒咗就再喊過......如是者,就過咗一個下晝......
之後,我落街買波蘿包食,
見到個炸吞拿魚包,令我諗起阿蕾......
從前成日都同佢去果度買包食,
但今日,只淨下我一個去買......
哈......自作自受......應有此報!
跟住去左機舖打機......
今日打機有如送錢......
亂咁打,係咁入錢......
是我心亂如麻,還是我技術生疏了?
唉~~~~~算了......
打完機,一出門口見到一對情侶,
好恩愛......每次單身時,見到呢d情景,
我都會問一個問題:我幾時先可以咁呢......?
結果今次我比自己個答案同平時有啲唔同,
我個答案係......哈......有果陣唔去捉緊,
到而家無先黎問......
算了......
之後行返屋企,屋企依然一個人都無,
好像要迎合今天的我一樣,
返到屋企,又是發呆......
到八點,阿媽返黎整飯,
九點,阿爸返到黎就一齊食飯,
今日無胃口,用啲湯撈飯食完就返入房,
入房玩咗一陣icq,
見到阿蕾,突然問咗佢一個問題,
"妳還愛我嗎?"
佢個答案係"唔愛"......
哈......真的完結了......
這樣也好......至少我再無機會傷害她......
Then好無mood,打算早啲瞓,
但......瞓唔著,就起身打咗呢一篇日記......

P.S.要愛一個人容易,
要忘記一個人卻很難......

如果呢個世上,我唔係有爸爸媽媽,哥哥姐姐,
呢一啲會為我哭,為我傷心的人,
我諗,我真係會毫不猶疑地去死......

<<一拍兩散>> 容祖兒

專一至今　竟會敢　避過你的吻
伏在你身　說找到　更喜愛的人
我也居然變心　不禁要承認我
像往日我恨透的罪人

當初的我　為了你　為瞞著好友
日夜怪你　愛不夠　還驚你風流
然後到我內疚　任旁人來認購
恨你沒有問情由便放我走

誰都會散　怎知一拍便會散
怪我自己作反　明明我不應再揀
忠貞怎可以貪　給拋棄亦已很慣
不慣去承認自私　移情別愛太奸
遲早都散　散得清脆未算慘
我卻要忠變奸　斗膽一腳踏兩船　想上岸時又晏
無面目再解釋　自廢了承諾是否太搗蛋

當初枉我未拍拖　曾這樣講過
外遇那些女主角　遲早惹出禍
誰料那個是我　又能如何恨我
沒法面對自我其實最痛楚

誰都會散　怎知一拍便會散
怪我自己作反　明明我不應再揀
忠貞怎可以貪　給拋棄亦已很慣
不慣去承認自私　移情別愛太奸
遲早都散　散得清脆未算慘
我卻要忠變奸　斗膽一腳踏兩船　想上岸時又晏
無面目再解釋　自廢了承諾是否太搗蛋

何苦再自命悽慘　你當我搗蛋
誓要去與他邂逅仍然從不怕被人話濫
從未做過玩家　但我卻誠實認真去玩
真心相愛　未見得為了他英俊
換掉角色　也許你　你都會包容
我到今天至懂　為情而淪落了
在背後確實有些苦衷　不可不信

cp系會第一次開會

今日一早返去上堂,
vb只係需要做兩條,
點知......都唔知點解,做得果一題@@
唉......之前搞系會d嘢,無晒時間溫書,
搞到生疏晒,加上要做我最唔熟0既looping,
睇嘢又係時候要溫書了!
之後呢,十二點半阿毛約左開會,
點知結果個個都遲,連佢自己都遲=.="
傾得果少少嘢,加上又亂喎,
but我一早預左,已經話左放學再開過!
因為我地要寫份財政預算比SU!
點半之後,上BIS,今日又係要我地寫財政預算@@
OMG......天呀!!!!!!要做兩份財政預算=.="
之後上DCN,成堂都唔明佢UP咩......
加上無左本書......唉~~~~~~
到四點半,今日係屬會收人0既日子,
見到佢去箭藝果邊同無名玩,
我都費事走埋去了,THEN去左同聖僧吹水,
最後入埋會......=.="
見到佢同無名玩,無名又對佢做一D嘢,
有時我平時都會做,
係我敏感還是真係咁?佢無拒絕人,但拒絕我咁做,
係因為佢同無名識得耐?還是因為做果個係我?
唉~~~算了!我小器!
五點半,去SU開會,今日我lead會,
阿毛無黎到,so無講到果個問題......
一路開會係咁傾個財政預算,
問返大家d價錢問題咁,最後掉晒比財政打份嘢出黎,
又同大家傾吓選舉時有d咩做得唔好要改善,
then就散會了!
今日得我同佢行沙田方向,
初初我話約左星期三開會,佢一定要到,因為傾重要嘢,
點知佢竟然話唔黎,因為如果星期三唔見Tina,
就會無時間見佢,無時間見佢,佢就會開始習慣唔搵佢,
唔搵佢最後就會同佢散......
聽到之後,我都唔知做咩會咁興,
0係度同佢嘈左幾句,又鬧佢......
我係因為嬲佢咁唔成熟?還是為Tina不值?
我自己都唔知......
最後,行到89個站前面,我同佢坐左0係度,
佢喊左出黎......最後,我足足比左包半紙巾佢......
佢一路喊,我一路比紙巾佢,
又借個摶頭比佢......
期間SU打黎話我唔記得還鎖匙@@
then我話聽日先還......
佢收左聲,話佢好耐未喊過,
我心諗,我又何嘗唔係呢......
有時我想喊,先發覺已經欲哭無淚......
有時可以喊了,卻又發現,原來身邊無人可以比我喊......
佢喊完之後,佢變返一個小朋友,
要我陪佢去食蛋糕,then我地就行左去新城市,
最後我買左個好多cream 0既蛋糕比佢食......
佢食蛋糕個樣,依然係咁cute,
可惜,我連錫佢一啖0既資格都無,
就係咁,睇住佢食完個蛋糕......
then就同佢去坐299......
去到,架車好快就開,佢今日走上上層度坐,
佢上到上層時,同我揮多一次手then就坐底無理我了......
開車之前,我不停走左走右,好想佢會見到我,
成個傻佬咁......最後,佢都無見到我一眼,架車就開走左啦......
then我就返屋企,一路上聽歌,
諗返起佢喊,我個心一直在痛......
我都好想喊,但......回望身邊,又有邊個可以借個摶頭比我喊?
以前有一個好好0既女朋友可以比我喊......
but而家,咩都無,哈......自作自受......
返到屋企,打比佢,睇吓佢係唔係安全返到屋企,
結果,佢原來已經返到屋企了......
then我就食飯,瞓覺......
又是無沖涼就瞓......

P.S.我是個大衰人,死David......
即使我做得幾好,對妳做過d咩,妳都唔會記得......
因為,我只係一個煩人,死David......

即使我以為自己待妳夠好,
但原來還未算夠......
即使我以為自己會討妳喜悅,
但原來半點也沒有......
即使我以為自己是關心妳,
但原來是換來討厭......
即使......如何......
但我始終是煩人......衰人......死David......

最近好想死......
個人無晒目標,無晒力量......
好down,日日都好想喊,但又喊唔出......
我好驚,自己幾時會做返當日為Iris做果樣嘢......
我諗,我可能真係遲早會咁做......
自殺,對我黎講唔通係遲早問題......

投票日!

今日係我地CP系投票日大日子,
做左咁耐嘢,終於都黎到呢一日啦!
我地決定左無輪輸贏都要出去慶祝一返,
因為大家忙左咁耐,都好辛苦了~~

今朝一早就返到黎,點知阿毛遲到=.="
不過八點半我地都出左去門口開始宣傳,
真係好開心,真係有helper肯一早返黎幫手,
雖然唔算好多人,但人手係足夠的!
今日上午有CF同DCN,
重要兩堂都有Test,但我,Saman同Wing都係上去做完就閃人
因為非常時期嘛,所以搞到兩份test都考得唔好,
CF得4X%,DCN就得5X%......不理了!下次努力D補返啦!
之後我地諗住四圍等落堂0既人,拉佢地去投票,
點知兩次都遲左一步,D人走晒=.=
之後到點幾,我saman同wing先可以去食飯......
食完之後又出去CANTEEN條走廊嗌口號,
全程由我去帶住叫,可能因為我吧聲夠大掛-,-"
嗌到五點半,我地兩支莊都好攰,
BUT我地大家講,最後啦,捱埋佢!
THEN我地兩支莊都輪流嗌口號,
聲勢浩大!
到六點,票站閂門,我同阿毛同基哥都主動走去同佢地握手,
大家咁耐都辛苦啦!終於都終結了!
THEN我,基哥同阿毛就去左代表會,
我初初見CP得兩個候選人,
SO我又走出去搞吓GAP,
當然我輸左啦~~~哈!
一個係上年CP系副主席,一個係上年SU常務......
ANYWAY,係一個唔錯0既經驗^^
之後個會拖住黎開,好鬼無聊,
搞到七點半先完,下面D人都好唔奈煩......
到七點九,開始點票,
好緊張,我地兩支莊來來去去都係平手或多一兩票,
到中段,隔離莊突然多我地成十票......
太緊張了!我頂唔順,走左出去透一透氣......
出左去一陣,我同阿lu傾左兩句,
就話:唔得,我係副主席黎,要返入去唔可以0係度!
THEN就走返入去,形勢開始好轉,D票再次平手,
之後,都有拉据,到最後,連繼十幾二十票都係我地,
THEN我知我地勝算好高,好緊張!
FINALLY,我地WIN左,
我同阿毛同基哥第一時間攬埋一齊!
我都真係喊左幾秒的,BUT只係幾秒~~哈
THEN我走埋去攬住Saman,
唔係代表d咩,只係想同佢攬一攬,慶祝win左......
之後我拉左Saman出去講左d嘢......
"上年CP系會選舉日,係10月14日,
亦係我同阿蕾一齊0既日子......
唔知今年CP系選舉日,我可唔可以亦同我鐘意0既人一齊呢......"
佢個答案,當然係"NO"啦......算了!遇左~~
之後我地拉左阿毛去con,
then就影大合照,同隔離莊一齊影的,
始終比賽第二,友誼第一嘛^^
搞掂晒d嘢之後大家就一齊出尖咀食巴西燒烤!
一路上,佢地話要飲酒,我就同Saman講,
我好易醉架,之後可能會酒後吐真言,哈哈~~~
but佢知我以前出黎玩開,成日落巴,
so唔信我會醉~~~
去到之後,大家都唔係好識路=.="
but最後都搵到......
去到要等位,咁啱又知有個helper生日,
so我同基哥就去左買生日禮物比佢,
but成個尖咀九點幾成個死城咁=.="
好彩我地最後搵到一間舖頭正想收工,
我地就叫佢唔好住,要買嘢!
咁我地就買左支香水比佢,
之後就返去啦!一路上見到有間性用品商店,
我同基哥就話,早知去果度買禮物啦,哈哈~~~
返到去,我地已經可以入去坐了!
我,阿光,nick同基都叫左啤酒,
阿毛叫紅酒,其他女仔就叫汽水,
steven就扮晒嘢話飲水算,哈~~~
一坐低,我同基哥就隊左一大杯,
其他人杯杯吓話頂唔順=.="
but空肚飲,我都有d ring,之後知不妙,
就即刻出去拎嘢食頂返住先!(飲慣酒知點解架啦cccc)
係咁食,食到咁上下,兩個"應該"係巴西人0既歌手,
黎到,我地話有人生日,叫佢地唱生日歌!
then就送埋份禮物比佢!
之後佢地再唱一首歌就走左,唱果陣我地全部人拍住手和佢地,
勁正!重要係我至愛0既舊英文歌之一!
食到咁上下,我地又開始飲酒,Saman飲完一杯,
塊面紅到......哈~~~笑死我!
而阿光,阿nick同基哥相繼失守,入左廁所,
阿毛就扮晒無事話入廁所襯熱鬧,哈~~~~
but佢行入去果陣,都行唔到直線......
佢地出返黎就閃人啦!
埋單每位107,因為我地請d helper食!
我比埋佢果份,總共214=.="
之後就一齊走啦!
阿毛一路上成個醉酒佬咁亂up廿四,
又衝出馬路行......唔死算佢好彩=.="
最後,我地各自歸家,
早知我就唔去尖東坐火車啦,貴成$3=.="
又要得我一個人......
一路火車上我係咁瞓,
返到屋企都成十二點幾一點啦!
聽日重要返去謝票,
打個電話睇吓佢安全返到屋企未,
點知佢細佬聽,話佢已經瞓左,
then我打比阿蕾同佢傾左幾句,
之後佢話有嘢要傾,晏d再打比我,
等吓等吓,太眼瞓,又無沖涼就瞓左了......

P.S.如果每一日都可以好似投完票果陣咁攬住妳,
妳話......幾好呢?!