好似好浪漫......

今日係星期六,原本我地都無話要返學做嘢
因為d嘢都做得八八九九了......
但我要返學交grant loan張嘢,
尋晚填先知,佢比錯左我=.="
我要NLS,佢比左SPAA我......
so返去交變左返去換......
而且我重要返去印埋少少單張
返到學都成十一點啦,因為我成十點幾先出門口
then換左張form(好彩無比人鬧=.=)
之後就去free book print嘢,
print完之後就行左過去沙田,
一路行,一路諗吓一陣去邊......
跟住我諗起Saman今日返工,then打比佢,
諗住問佢去邊返,一陣出去接佢放工
點知佢唔聽電話......
then我就去左打機,好耐未試過打果隻足球game打到Sonic team啦,
初初連入兩球,點知最後輸返三球=.="
打左$6,都打左成九個字@@
then就行左一陣沙田,再打比佢,
but佢都係唔聽......跟住我估佢都係去旺角,尖咀果頭返工,
so決定出旺角剪髮先!
出到旺角,今日超勁攰,坐親車都瞓得著,
重要係瞓到無知覺果隻!
所以我都不時叫自己起身......驚坐車過龍@@
到旺角,睇一睇個電話先知佢打過比我,
我打返比佢,問佢0係邊,
佢話佢坐緊公司車出尖咀做嘢,
then又叫我幫佢搵wing wing同阿光,
佢講完之後,我就話一陣晏d剪完髮出去搵佢......
到左髮型屋,好耐無去過呢間了!
以前成日幫襯,but同阿蕾一齊左之後都好少去,
因為多數都會去大埔果間剪,
突然覺得......我完全同阿蕾散了......
係好事,還是壞事呢?無人知......
今日幫我洗頭果個超得!
好鬼舒服,我特登搵個多人時間去剪果然無錯,
佢慢慢同我洗,又按摩我個頭,超舒服呀!
又夠力喎!!!
洗完之後等左三個字左右就可以剪了,
剪果個哥哥仔話我個頭好乾,諗住叫我焗油,
but我話趕時間,下次先......
原本諗住問吓染髮而家幾錢的,
but諗吓諗吓,都係唔染住了......
剪好左之後,我都嚇左一跳,
超短@@有點兒接受唔到......
不過,唔知點解,唔似得以前咁,
一出門口就鬧,我竟然平靜地行出門口,
當無件事......
之後諗住0係旺角搵嘢食,
but四圍都逼爆......諗住去睇戲,d時間又唔啱......
then就坐地鐵落左尖咀,
去到尖咀,先去左M記食嘢,順手填埋份"借錢表",
超易填,唔似得尋晚果份,
唔洗一陣我就填好左啦!
食嘢其間佢打黎,問我0係邊,
叫我一陣去搵佢幫佢做一份問卷,
佢話佢0係大富豪門口......but唔知果度叫咩......
唉=.="果度咪尖東囉......
之後食完嘢我就去搵佢啦!
我坐左0係度一陣,同佢用電話傾談,
佢叫我一陣要扮唔識佢,否則佢會比個superizer鬧佢帶fd去做......
then佢行埋黎,我同佢扮晒嘢咁,
點知佢無啦啦傾電話@@
咁我點扮唔識呀=.="
比著其他人,一早走左啦,重等妳傾完電話先咩=.=
then我就被帶左上車,要試飲一d飲品,
有一隻超難飲!我飲左一啖差d想死,
另外有兩隻都幾好味,一隻就不過不失,
我飲果d嘢,佢係咁問我飲唔飲到果d咩......
"植物完全蛋白質"@@
鬼知咩黎=.="更唔洗問知唔知咩味了......
做完我就落左車,坐返0係公園度,
等左好耐唔見佢走返出黎,
就打比佢,諗住問佢打算幾點放工......
之後呢,佢話六點九左右佢就會走,
then我就四圍行左一陣,去左打機,
果間機舖d足球game好有問題=.="
打完之後行左一陣,就返去等佢,
由六點十五分坐到六點四十五分......
其間聽住歌,0係度瞓......
我實在太攰了......
六點九,打比佢,佢就話走得......
佢出到黎叫我快d走,
因為佢話佢同個superizer講有d重要事要走先......
本身諗住同佢0係尖咀先買shirt衫後先去食嘢,
點知我搵唔返今日見到果間平嘢店@@
最後決定落旺角搵,因為佢話怕比人見到佢......
佢話佢d人會八點收工的!
then同佢去左旺角,
四圍行,最後0係女人街以$85買左一件shirt衫,
再同佢去先達買左一對"男仔"黑皮鞋=.="
跟住就去左食飯啦~~
搵極四圍都無晒位食嘢,
不過好在,我地諗起上次阿毛話$10日本嘢果度,
去睇吓,真係有位喎!!
佢話想食肥牛拉麵,又想食豬扒拉麵,
then佢叫肥牛我叫豬扒,
重叫左一碟炸帶子&兩杯芒果汁,
d炸帶子似魚柳多d=.="
肥牛同豬扒都ok,
而果兩杯芒果汁就......
食完之後就同佢去潮特睇吓d耳環,
佢死都話要戴粗針,
but有design果d耳環一向都全部唔係粗針=.="
之後我話知道嘉樂有一間專賣粗針耳環,帶左佢去,
點知果間嘢已經拾左=.=
then同佢去塔車,去到架車無位,
so要等,點知佢見到人地拎住個"吉田家"chaase cake,
又話要食,then我同佢走去搵果間"吉田家"
點知原來我地行錯方向=.="
不過最後都搵到......
買完之後,我地返去小巴站,佢伸隻手出黎,
先我比返兩袋嘢佢,then我扮晒嘢,
問佢想問我拎咩,就一手捉住佢,問佢係唔係要我比隻手佢...cccc
不過唔夠兩秒又比佢扔開左隻手/.then目送佢上車,今日同平時有d唔同,
佢平時上左車唔會再理我的,可能因為係小巴,
佢不時同我揮手=.="應該係叫我走掛,
but我死都唔走,因為想等佢架車開走先......
最後架車開走左我就去坐火車返屋企......
一路上我係咁瞓,瞓到太和突然醒左,
我第一時間打比佢,睇吓佢有冇安全返到屋企,
一打去,佢話佢已經0係屋企門口(時間啱啱好^^)
之後返到屋企,勁攰!
but我都開左部腦,因為我估佢應該on緊line,
then就同佢chat左一陣,
chat chat吓,我已經瞓著左......

P.S.見到街上面好多人一相一對,
同以前一樣,我又問左自己一個問題,
到底我幾時先可以好似佢地咁呢?
再望一望身邊0既Saman,
我同佢講:街上面好多人一相一對,
手拖住手,妳估,我幾時先可以同妳咁呢?
then佢話:今日天氣真係好啦......(but果陣個天黑晒,已經夜晚了=.=)
最後佢話:如果你係Tina我咪拖你囉~~~

唉~~~~我同Tina都係咁話......如果我地可以二合為一,
或者真係一件好事@@
anyway,今日好開心的,因為可以好似好浪漫咁同佢行左半日街^^

睇到呢篇日記,Tina唔准呷酣,唔准嬲,唔准唔開心架~~

好多日無寫日記@@

今日係星期四......
之前三日,忙到得閒死唔得閒病......
so根本無時間打日記!
之前三日,日日八點返去,夜晚夜一夜先走人,
因為要搞洗班d嘢......
but幾辛苦都好,都要捱住,
過左呢個星期,勝出與否,都會輕鬆返晒架啦!
至少,要打一場永不後悔0既扙啦!

講返尋晚,尋晚走果陣打比阿蕾,
佢話佢同阿奇除緊d 旗海,勁辛苦,
叫埋我去幫手,then我就去左......
之後重送左佢返屋企......
其實,0係佢屋企樓下,我唔係想咁的......
but......都係果句
saman係我想要0既人,而阿蕾暫時都重係我需要0既人......
其實我都知我好自私......
but......唉~~~~算了!
then返屋企,火車上瞓著左,得果四個站都瞓著......
證明我真係超攰!不過好在無坐左返羅湖......
返到屋企食飯,食完on一online就走去瞓啦,
又係無沖涼=.="
睇到佢個日記,先知原來佢今日心情唔靚,
唔怪得一朝早就發我脾氣啦@@!

今朝六點三就起左身,因為之前三日著過0既衫,
我全部都未洗=.="實在太忙+返到屋企已經好攰......
then一次過洗晒d衫佢,
之後就沖涼+換衫返去......
臨走拎埋我至愛0既X-Japan 隻MD,
係咁聽Tears,超正!好鐘意呢一句......
"Memory will never let me cry, and you will never said goodbye."
如果我同佢都係咁就好啦......
之後八點返到去,打比佢,話佢知我幫佢拎埋件衫+vb書,
then就一齊去洗班,第一個要洗0既班係我果班,
入到去,個個都做緊vb,宣傳完之後我地都開始做,
做到九點二十五分,阿基call我話九點半要宣傳,
then我,saman同wing就飛快地去左N508,由於d vb做得果題半,
so我地都好想快d收工,點知個死人DCN阿sir竟然小有地遲到左半粒鐘!!
搞到我地最後返到去,無晒時間做vb,
最後saman做得晒,原本我都得的,但......
打錯左msgbox做inputbox......
阿sir一d都唔比面就扣左我半分......
成班得咁少人做得晒,我小人地咁多時間都做得晒,
佢都唔肯比埋果半分我......唉~~~~好唔開心!
又輸左比Saman>.<
不過佢,衰人\./係咁叫阿sir唔好比分我\./
阿sir又有心玩我喎......頂!
心情唔多靚,之後同個helper玩,佢竟然拎我件衫去抹牆!
真係激到我死呀!點知佢之後重要發返我脾氣!我頂......
之後上bis堂,個marketing plan都做唔晒,
其中一個原因係佢地無啦啦轉返d工作,
我又無啦啦一個人做兩個人份量0既嘢!
本身我就應該做得晒的,因為我落堂果陣都差唔多搞掂晒果二人份量,
but,算了......要成組一齊先交得......成組小0.3分......唉......
then去上DCN,由於星期一唔見左本書,搞到我上堂都無晒心機,
又無嘢可以寫低d note......then我就同saman一齊去左搵周公=.="
放學後,出去搵阿毛,又做庇護工場工人╮(╯o╰)╭
做完之後就同佢一齊走,因為佢話想去睇吓d電話分鐘plan,
同佢一路行,好想同佢傾計,but佢一路都聽住個mp3......
唉~~~~都無咩嘢傾到......
陪佢睇完新世界(其實我比較想佢用新世界的@@,因為咁就可以成明石佢sms^^)
then去睇one2free, 唔知點解佢叫我入去幫佢拎d catalogue,
但佢自己入左去又唔自己拎,不過,是旦啦~~~
睇完之後陪佢落左機舖,其實都唔算係陪佢,
因為我今日都要等屋企人食飯,因為阿爸聽日生日,but聽日阿哥唔得閒,
so早一日慶祝~~~
同佢去左打機,初初我地各自打,我打足球,佢就打格鬥......
之後無啦啦佢又同我一齊打賽車......
我打到身上得返$6.5=.=""""
陪佢打完最後一舖賽車我唔知做咩突然捉住左佢隻手@@
but唔夠兩秒就放開左,
佢問我咩事,我都唔知點答佢......
係潛意識咁做=.=?but我知我應該係想錫佢隻手一啖掛~~~
因為見到佢玩賽車果陣,同之前唔同左......
唔知點講,總之無咁死......同埋......特別可愛......
之後就送佢去坐巴士,
到左巴士站,我係咁望住佢,佢問左我好幾次做咩事,
我都答無嘢......其實,真係無嘢的,只不過我想望多佢幾眼啫嘛......
因為好快佢就會走了......
時間好快咁過去,架巴士亦突然出現左,我一直望住佢上巴士,
其間,佢同我講左兩次bye bye,我真係有d衝動想上車陪佢一齊返屋企,
but唔得......因為要同阿爸祝生日......
唉~~~~一路睇住佢上車,then架車走左,到我睇唔到架車我先捨得走......
之後去火車站搵阿哥佢地,then去食飯,
之後就返屋企,其間同阿毛&基哥傾左系會d嘢,
0係呢度就唔講咩事啦,
anyway,今次選舉即使輸贏我都要做到自己唔後悔!
雖然我某程度上後悔自己一開始做錯左少少嘢......

P.S. 尋晚攬住阿蕾......因為我覺得好攰,好需要佢......
今日我好想攬住saman,因為我好想要佢......
可惜,兩個到最後都係唔理我就走左去......
到底係因為我犯賤,還是咩呢......?
唉~~~~可能呢個就係我自私應得0既結果!

行街日

今日一早起身，
THEN開電腦見到佢ONLINE,
就同佢傾左幾句......
佢尋晚問我借錢，因為今日我地打算出去買西裝，
我都考慮左好耐，到底應唔應該借比佢呢......
最後我決定唔借的，因為我知佢未必會還=.="
而且，我都唔鐘意咁種人～
THEN同佢講左呢樣野，
講真，都真係幾難開口講，BUT之後都係講左，
我覺得自己語氣有點重添......
因為，其實我唔係咁鐘意人問我借錢的......
其間，見到佢同TINA一齊OFFLINE，
突然有Ｄ奇想......唔知佢地會唔會一齊出現呢......
因為佢應該無咁早就要出門口，
九成都係約左人先會咁早......
不過，不理了，到時先算啦～～
之後到十二點半，就準備出發啦！
約左佢地點半0係旺角BODY SHOP等，
不過我遲到......
THEN一齊0係M記傾星期一洗樓果D野......
去到果陣，TINA真係黎左＠＠咁都比我估中～～
不過呢篇日記係之後先打，有人覺得我馬後炮都唔奇，
信不信，由妳～～哈～～
傾完洗樓Ｄ野之後就去左買衫，
之後，果度唔夠貨，ＳＯ要基哥返大補另一間分店拎......
跟住就去左何李活度買西裝，
阿光搞掂左之後有事做走先，
而阿毛佢亦好快搞掂晒，
至於阿ＷＩＮＧ，佢話要再睇吓先
而佢呢，佢選好後，話無錢......
都唔知點解，我又好自然咁拎張EPS出黎比錢......
唉～～～～算吧！又比ANGEL講中左......
跟住就陪阿毛買鞋......
買左三粒鐘，我同基哥無諗住買鞋都買鬼左......
但死人毛就未買到，
一係話Ｄ鞋質料唔好，一係就話個樣唔靚......
真係想打死佢=.="
最後，我地都無等阿毛買鞋就走左，
佢同TINA走，走果陣我都偷偷睇左一眼......
算=.="人地要拍拖......唉~~~~~~
行去火車站果陣，阿媽打黎問我返唔返屋企食飯，
之後我又問佢手術果度點，
先知原來要成三萬蚊......
之後同佢嘈左幾句，因為佢話唔洗我借錢比佢，
佢打算問銀行借......
不過最後我都勸到佢，話借到二萬比佢......
其實，我又邊有咁多錢丫......
THEN計吓計吓，差三四千左右......
唔理啦，問朋友借住先......
之後火車一路上同阿蕾傾左好耐......
話佢知阿媽D野，不過其實大家都諗唔到有咩好對策......
不過，因為同佢傾左成個鐘電話，發現左少少野......
唉~~~~又諗起自己對佢點衰了......
唔理了~~~而家邊有心情理丫......
之後返到屋企，食完飯，
本身諗住睇阿先奴對曼聯，
不過之後太攰，一瞓落床，醒果陣已經兩點鐘......
跟住，涼都唔沖，繼續瞓......
因為聽朝要早起宣傳=.="

P.S. 今日都幾開心0既......
見到TINA，真係無咩特別感覺，
無咩話呷酣之類......
可能因為佢係女仔啦~~哈
不過，我一向都好少呷酣的^^

今日個BB仔，好可愛呀＠＠......
唔知我第日個仔會唔會又係咁0既樣呢......

<<鳥鳴間>> 王維

人閒桂花落　夜靜出山空
月出驚山鳥　時鳴春澗中

呢首詩......唉~~~真係完全能夠形我今年0既重陽節呀......

重陽

今日重陽，放假......
簡直係繁忙過後的無聊......
我寧願日日都好似尋日咁忙......
至少唔洗咁多時間比我"故思亂想"

尋晚瞓得好好,而且意外地,
我夢見佢!醒左之後唔記得同佢夢入面做過d咩啦,
只記得,同佢係咁行,係咁行......
一路上傾過d咩都唔記得啦,
只知道個感覺係好開心......
but......醒左之後,有種好失落0既感覺,
因為......原來只係一個夢......
失落到,我直頭喊左出黎
我開始覺得,自己已經開始崩潰,
真係有d擔心自己遲早有一日會精神分裂......
白痴完之後,起身整理一吓自己,
then沖涼,食左小小嘢,
又是無聊......開電視,有線d節目十年如一日,
跟住去左上網,又是電腦......
之後睇到"nobody know"油麻地broadwey有得睇,
諗住搵人陪我睇,我第一個搵0既,唔係佢,
因為我知佢唔會想我打比佢,而且佢多數都唔會陪我架啦~
我搵左阿蕾,but......佢未起身......
咁又難怪0既,佢為SU D嘢都辛苦左好多日啦!
Then我最後都打左比佢,but佢話家庭敍會,
唔得閒......唉~~~唯有留在家中發臭吧!
之後可能因為太悶,小有地瞓晏覺......
一瞓就瞓左三個鐘,只知道我係開心醒的,
因為,我發夢同佢傾左好耐電話,
夢入面,佢話......佢好掛住我@@
初初起身,我重諗左好耐,
到底我係發夢,定係真架呢?!
之後睇返電話記錄,
唉~~~又一次失望......
又係夢......算了!
then起身搵嘢食,
點知咩都無得食......只有一鑵粟米湯,
唉~~~照殺啦......
食完之後,太悶了,then落左去公園行......
行吓行吓,又行左去商場,
then"拎"左d相紙返屋企,
行吓行吓,都成兩個鐘啦......
返到屋企,見到阿媽,
佢話我知,阿哥結婚之後,
佢會做眼手術,因為佢等唔到政府排期啦!
手術費......二萬四@@
比政府貴差唔多三倍......
不過呢個都唔係問題,
最大問題係......手術失敗的話,
佢就會睇唔到嘢......
天呀!!!!!點解要咁對我呀......
總是一波未平一波又起......
我已經煩夠了......不過殺左我算啦......
之後家姐又黎煩我,話我知阿媽d嘢......
我已經煩夠了......
我無比咩反應家姐,因為我想佢知難而退......
唉~~~我唔想咁架,but,家姐,妳知嘛,
妳只要再煩多我少少,我一定會當場痴線比妳睇......
之後煩到死咁滯,我最後唔理佢,
加上聽朝要一早返學搞埋d嘢,
so我瞓落床,又唔沖涼就瞓左......

又係講故時間
從前,有一個唔還錢0既人,同一個可以睇穿人心0既殺手.
一日,唔還錢0既人借左個殺手錢,結果當然係唔還錢啦......
個殺手決定殺左佢,因為佢認為咁樣對果個唔還錢0既人係最慘0既結果......
但當個殺手要下手果陣,佢停下黎.....
之後重要走埋......

心中的痛,往往比皮膚的痛更慘,更痛......
而那個唔還錢的人,就是我......
很心痛!

呢個故事,要大徹大悟先會明白固中道理......

超疲累的星期四!

今日......唉~~~諗住七點半起身
點知七點九先醒到......加埋瞓左兩粒鐘左右......
勁攰......返到去上VB,遲左半個鐘,諗住死硬......
初初因為攰,完全諗唔到d嘢點做,
but後來慢慢做到,最後竟然夠時間做埋條bouns@@
簡直係unbelievable呀!
而佢,遲左個幾鐘先返到黎=.="
落堂果陣我走去教佢點做最後果題,
佢無做到bouns,but都交得晒三題......
then我地又開始系會工作啦!
落到canteen,見到d helper,佢地話好鐘意我著西裝=.=
又話自己有戀西裝癖......比佢地激死=.=
之後發現我地d嘢比人掉晒去垃圾房!
好激氣,but無計,因為係我地無寫清楚d嘢係有用的......
唯有好好做返好d嘢佢啦!
搞到十二點幾,我叫佢地輪流去買飯,
我問佢食咩,佢就話食炒麵王算,
then我怕佢唔夠飽,而且成日食無益的......
佢啱啱先病好......之後呢,佢話食咖喱飯,
then我就去買比佢食啦......
又是我比錢......可以扮做佢男朋友,
其實感覺真係唔錯呢......
可惜,始終都係扮......
食完嘢之後就去上Bis,
今年第一次上堂瞓......
真係太攰了......上堂平時d嘢都係我lead,
但真係不在狀態,so叫左細維lead d嘢......
最後,竟然比佢出賣左我=.="
個個present都有powerpoint,
但佢竟然無加埋我果段powerpoint入去......
最後我要自己up......激到爆......
then上DCN,點知去開locker果陣先發現......
我d鎖匙唔見左!!!而咁啱我個locker果度有張紙,
寫住"學生事務處,KEY"
初初我以為係有人拾到我條KEY,叫我自己去SAO拎返,
點知去到又話無......最後要剪鎖=.="
搞掂晒D嘢,去上DCN,點知已經差唔多落堂,
加上太攰,D嘢跟本入唔到腦......
唉~~~~下次TEXT九成又要死了!
落堂之後就去整嘢,做到五點半,
一邊叫人去貼POSTER,另一方面,
我,基同毛就去左開HELPER簡介會,
毛死都話要佢做開場白,點知淨係講左幾句嘢就比我講=.="
基哥又無咩準備......最後個會主要都係我LEAD晒......
外務副主席......果然係要對外做事呀=.="
開完個會之後,就即刻開始做嘢啦!
由於得到SU RADIO准許,我地已經開始刪佢地D旗海同上旗海,
隔離莊亦開始做同樣0既嘢......
到左七點,SU果邊點票完左,阿凱佢地支莊WIN左,
我都有D意外,始終客觀睇,佢地勝算係低D......
我知道後即刻去搵阿凱,
因為要問佢地可唔可以刪佢地D旗,亦要順便恭喜佢地!
去到,佢地個個都喊晒口,同阿凱恭喜左幾句,
就去搵阿蕾,佢都喊晒口,BUT我知佢係好開心的!
見到呢個場面,我都為之一振,要加油呀!
THEN繼續工作,有人話我知我隔離莊好勁,
D 旗海掛住成校都係@@
咁我第一時間去睇吓咩情況,點知完全唔見隔離莊D旗海......
再返去問,先知佢以為cpu係我隔離莊=.="
之後我咪叫佢,想讚我地咪直接D囉~~~哈
搞到九點半,就去左搞埋小小旗海就諗住走人......
跟住阿光同Saman一路都搞緊旗海,我去到,阿光話好攰,要休息一陣,
then就淨低我同佢兩個人....
同佢傾左幾句,又係話我鐘意佢果d咁囉,
佢依然係話佢唔會一腳踏兩船的......
but我都好直接話佢知,我會等!
之後我又問佢點解會搞到tina喊,
佢話我知,係因為佢話比tina知,我成日用隻手"鍚"佢=.="
唉~~~我真係好想錫佢的,但我唔可以咁做......
用隻手扮吓錫佢咁,對我自己黎講算係一種安慰吧?!
之後阿光返黎掛埋小小旗海,then就拾嘢走人!
好攰好攰,但我依然堅持行去沙田果邊,
因為我好想同佢一齊行......
阿kit都0係度,佢分明有心搞事=.="
竟然想Saman攬住我隻手=.="雖然我都想......哈~~
最後,佢一個人走......不過今日wing wing 0係度,
so我淨係望返轉頭一吓就無再望,同平時差唔多倒轉黎行好唔同......
一路上,同wing wing傾左d計,都係問吓佢覺得而家讀d嘢點,
系會d嘢做唔做得黎咁啦......之後佢問我覺得我地勝算有幾高......
唉~~~真係講真又唔係,講假又唔係......
最後我都無答佢呢個問題......
返到屋企,即刻食飯,
then上左一陣網......好耐未試過打完一句massage要叭0係度休息啦!
尋晚終於試左!
好攰呀......十二點左右,涼都無沖就瞓左啦......

dayoff=.="

呢個星期真係好忙,日日一有空堂就去整選舉d嘢,
星期三dayoff都要特登返去搞埋d嘢,
呢篇日記,都係星期五重陽放假先得閒打=.=
果日約左Saman十點半返去整嘢,
點知佢十一點半先到=.="
之後重要早走......因為要去拍拖喎=.="
唔理了,唯有做得幾多得幾多!
今日我買左一包朱古力返去,
我一路做一路食,對我黎講,
咁係一種發泄!因為之前唔開心~
後黎我重開始餵佢食添......
佢都食左三舊呀@@
我知佢無咩嘢,but可以餵佢食嘢,
我真係好鬼開心呀......(感覺上好sweet~^^~)
then佢四點幾走左,
我地都繼續做埋d嘢佢,
搞吓搞吓,佢打比阿彩搵我,
話我知佢有排都返唔到屋企,
打唔到電話比d helper,
因為我地打算星期四會搵晒d helper開會,
點知佢話今日實打唔到d電話......
唉~~~我同佢講左好耐,係有少少怪佢架啦!
始終,我係鐘意佢啫,但呢樣係系會0既事,
我唔可以偏幫的......
我覺得拍拖唔係問題,but要搞掂晒自己負責d嘢先囉!
果日搞吓搞吓,十點先走......
0係ive年幾,都係第一次咁夜先走,
如果唔係學校閂門,可能會更夜@@
then返到屋企,飯都未得閒食就要搞埋d poster,
之後係咁搵Saman佢都飛左條線返屋企......
唉~~~總之佢就麻煩啦!
最後佢成點幾先開始打電話......
唉.....我唯有叫佢唔好打啦,唔通等佢搏鬧咩=.="
我都唔忍心佢比人鬧啦......
跟住叫佢星期四先打埋佢......
then兩點先得閒食飯,食完飯又要搵件西裝出黎,
因為星期四見d helper,我,基哥同阿毛打算著西裝,
搞吓搞吓成四點先瞓得......聽朝又要返8:30......
死得啦=.="

自閉的一天......

今日......真係......唉~~~~~
尋晚約左Saman今朝返黎一齊食早餐,
我真係好希望可以同佢食吓早餐架!
佢尋晚話無問題,then我就去左瞓,
因為怕唔知醒會遲到......
but,原來係無用的......
佢今朝,又無黎到......
我食完走果陣先0係圖書館隔離見到佢啱啱返到,
點知佢咩都無講就走左去......
之後0係圖書館後面果度見到阿蕾,
佢......殘左!
之後我估佢邊件係新衫邊件係舊衫,
結果......新我就估舊,舊我就估新......哈~~
同佢傾左一陣就去左上BIS......
今堂學左好多嘢,而過多幾個weeks就要交business plan啦!
死啦,好多嘢都未識寫......
落堂後就同佢去SU搞埋D嘢佢,
之後佢講起,話我激走左D Helper,
我真係唔知咩事囉......
後來一路講一路講,佢淨係叫我反省吓自己喎......
又話我成日鬧人......唉~~我知道我自己好快會崩潰......
咁我咪反省囉,but我真係唔知咩事......
之後佢話我知,係Ryan佢地......
我都知咩事架啦,唉~~啞口食黃蓮,有苦自己知......
之後,12:30pm,我地話左要開會,結果1:00pm先開得成!
後來重要未開晒會D人就走晒去上堂......
唉~~~我今日為左開會,都付出左今年第一次走堂啦......
算!不理了......
之後,佢同wing wing話出去食飯,
又淨返我一個人......
算!反正我習慣了......
then我就做埋未做果D嘢佢,
首先係check埋D time table,
跟住先發現小左兩班,搵唔到,then唔理佢住,
去左圖書館check返有班 time table無寫班,
睇吓到底係邊班,之後check好左,就一個人出沙田......
一路上,諗返起上年初初入黎ive,又係咁......
lunch time總係得我一個人四圍走......
算了,我早就習慣了......
原本諗住出沙田還書+借書的,
但去到沙田,又好不其然地去左打機,
可能因為心情唔好掛......
唱左廿蚊,打吓打吓,睇睇錶都三點了,
then諗住打多舖頭D就走,
點知......都唔知係唔係一個人唔開心,
就會行衰運,部機打到一半無啦啦停電......
激死人......之後個職員問我洗唔洗開返局比我玩,
我都話唔洗,一來無時間,二來,好無mood......
跟住就行返學啦!
返到學,佢都未入堂室......
不過,唔理了!去拎書,拎完返黎阿sir已經講緊書,
而佢,亦已經出現左!
今日教looping, if then else, condition同boolean
全部同vb 6.0一樣,不過其實可以玩到好難,
so唔可以睇小佢!
落左堂之後,我同佢又去左SU搞埋D嘢佢,
佢話我知,Ryan佢地好似啱啱話過檔隔離莊喎......
唉~~~更加唔開心的......
今日阿毛話要早走,then原來好多人都要早走的,
最後淨返我,佢,阿采,wing wing同阿光&阿Nick......
我同佢同阿光去左圖書館整嘢,
過左一陣,wing wing,阿采同阿Nick都話無嘢做就走先,
初初我都唔想比佢地走,but之後心諗,
佢地想走,留都無用啦!So比佢地走先......
到七點幾,我地print好晒D字出黎,
then就開始工作,出到去,見到阿毛@@!
原來佢做完D嘢返返黎幫手做埋D嘢佢,
then,我,佢,阿光同阿毛就坐0係度做埋D嘢佢啦!
見到隔離莊好人齊......
唉~~~~睇返我地就......
明眼人一定睇得出,隔離莊比我地積極,肯做嘢......
我地唯一好佢地少少就係,我地D人大個D,
有好多人都有經驗搞活動咁囉......
之後,Saman同佢阿媽電話度嘈左幾句,
加上我都好唔happy,then我同佢都係咁發泄......
其間,又整斷左條鏈=.=
then叫佢幫我聽日拎去穿返,因為上水無呢D舖頭,
之後搞掂晒D嘢,我同佢又發泄,
今次係踢椅,佢細細力踢,
我就大大力,之後佢講左一句說話,我無晒聲出......
佢話......"傻佬黎架!踢咁大力,飛左去好遠啦!"
"傻佬"......令我又再發夢......
可惜夢始終都係夢......
回到現實,又係傷心的......
同佢一齊行去沙田,又係果條分叉路......
我同平時一樣望返轉頭,佢亦同平時一樣,
無望返轉頭......
之後又係獨個兒行去沙田,then坐火車,
then返到屋企食飯,上網......

P.S.野心可以令一個人好積極,
但亦可以令一個人好禿......
系會工作壓力+佢0既問題......
我真係唔知我幾時會痴線......

今日終於諗通左啦......
全因為聖僧個info......
佢=我想要的
阿蕾=我需要的......
天呀!!!!請令佢地是旦一個成為我想要的+我需要的啦......
anyway,我愛佢......而阿蕾,我知道我係需要佢支持,
但唔係愛我!

疲累的一天

尋晚,成兩點幾先瞓得著......
今朝六點半就要起身,因為要七點半出火車站拎影印!
瞓得果四粒鐘,邊會唔疲累丫......
七點七,出到火車站,見到老細,
原來d影印多到爆@@
最後唯有借左佢部手推車黎用......
今朝原本約左Saman食早餐,
但返到去,都八點十分啦......but佢都未出現,
我都估到佢又係會遲到,then唔同我食早餐架啦......
唔開心的/.之後等阿光黎拎返d影印,之後就去上堂,
老細d影印費未找,今日成日袋住成二千蚊,
真係有d驚驚地......
上CF堂,入左佢無幾耐就見到佢返黎,
佢果然係遲到......
唉~佢都唔係有心同我食早餐的......
或者應該係話,我又唔係佢邊個......
又洗咁對我咁好呢......個心灰晒......
上堂同佢icq,多多廢話,
又係同佢講好掛住佢,好愛佢咁囉......
but,我知無用的!
今日唔夠瞓,加上因為佢0既事,
令到我真係無咩mood......
今日考CF同DCN都好低分......
一來因為前幾日忙,根本無時間溫書,
二來因為無mood,有D亂做成份......
結果CF應該係全班最低分啦!
阿sir比重做我都無做到......無心機的......
DCN更加係不值一提啦......
落左堂,我就即刻去搞埋D嘢佢,
but佢就走鬼左去......臨走果陣見到佢同無名一齊出去,
真係有D眼紅......最後,得返我同wing wing做嘢......
之後連wing wing都走埋......
唉~~~~又係我孤獨一人......
算了!慣了!
到點幾,佢終於捨得返黎,
點知佢做左一陣嘢,基哥黎左,
佢就走左出去,到基哥走埋佢都未返......
打比佢,先知原來佢去左射箭......
又得返我一個人......不過過左一陣,
阿毛佢地成班都落堂,黎左做嘢,
到三點半,佢先走返黎......而阿毛佢地亦要走去上堂......
之後我拾埋d嘢,搞掂晒d過膠,終於可以休息一吓啦!
佢0係度整塊布,我就拎起支結他0係度彈......
可惜支結他d聲唔多靚,一d都唔浪漫......
哈~~~~~或者係我同d歌都一d都唔浪漫啦=.=
之後,基哥又黎左,我都繼續彈,
then講返起以前學結他d嘢,
原來基哥同我都係一樣,因為覺得彈結他型+浪漫先去學,
but我有少少唔同,我係因為阿哥學而帶起我走去學......
到四點半,我同佢一齊走去上key skill,
上到去已經遲左少少,阿sir 0係度講緊如何做廣告,
之後重叫我地整個廣告介紹自己......
佢整左個唔知係咩0既嘢......
而我呢......好簡單,畫左一個小圓型+一個大圓型......
再加一隻上面有個心型0既太空船......
意思係咩?小圓代表地球,大圓代表火星,
火星上面有個火星人,代表d咩唔好問我啦,
明果d人就明,唔明就由佢啦!
落左堂之後,就同佢走返去SU,
繼續工作! 做做吓嘢,佢地播歌仔......
竟然播"一拍兩散"......
分明玩我啦......唉~~~~
之後,無意中見到阿蕾,
佢著衫靚左,好明顯係佢前幾日洗錢發泄買返黎0既衫之一啦!
but,睇得出佢殘左好多......
見到佢,總有d對佢唔住0既感覺......
之後我同阿ming走去搵阿凱果陣,
阿ming問我係唔係同阿蕾散左,
then我話係......重話佢知,我唔怕比人知我地散左,
更唔怕比人知我係因為變心而同佢分手......
亦唔怕比佢知,我鐘意左Saman......
but有好多嘢都未講比ming知,因為好多關乎佢0既......
之後同阿凱傾左一陣,就返返SU,見到佢地準備走人,
then又同佢同阿毛行沙田方向......
分叉路過後,我又慣性地做同一個動作......
可惜每次都係叫人失望......佢半吓都無轉頭望過我......
then又帶住同樣心情,同樣腳步行去火車站......
then坐火車時聽歌,睇書......
唯一有唔同係,今日終於睇晒本書......
聽日又要去借其他書睇了!
返到屋企食飯,then上網......
又係咁樣過左一日......

P.S.為妳做任何事......都好似無用咁......
事實上,唔係好似,係真係完全無用!
其實......我只想妳為我有半點感動,
只要告訴我妳心中有我,
妳要我死,我也可冥目！

沉悶的兩天/.\

今日係星期一......
無錯，而家係18/10，早上十時正！
尋日同前日都無時間打日記，因為實在太忙，
So而家CF堂我先打日記......

星期六，一早起身出左去銀行搞VISA　D嘢，
THEN佢地原本話想返學搞埋Ｄ嘢，
BUT由於學校星期六下午唔開，
So最後決定黎我屋企搞埋佢......
之後呢，佢地原來得四個人黎，
之後我死都要叫埋佢黎，佢初初都話肯，
可惜到最後佢都無黎，因為佢要去拍拖=.="
唔開心的......
不過之後我都同佢傾左陣電話，
唉～～～聽到佢把聲，就知佢又病左好多......
心痛的＋擔心的！
之後佢地黎到，係度係咁打機，
因為佢唔黎，無人搞支旗Ｄ嘢，
小炳又無咁早到，暫時都無嘢做......
跟住佢地打機之外重強姦左我Ｄ漫畫=.="
到三點左右，我同佢收左線，
因為我要去接小炳......
BUT我落到樓又打返比佢，因為真係好掛住佢^^
之後人齊左就係咁一路做嘢，做到夜晚成九點先完......
佢地走晒之後，我又打比佢，先知佢去左佢屋企玩，
九點幾都未走，我已經話佢一定又比阿媽鬧.....
到最後十一點幾，佢一路返屋企我一路同佢傾電話，
又教佢點同阿媽講大話=.="
之後，佢攞我黎過橋，返到屋企0係佢阿媽面前同我講
"唔該晒你教我點返屋企呀，好啦，拜拜"咁......
THEN我收線前重話佢拎我黎過橋=.="
BUT我願意的^^
之後一直過膠......JAM得好緊要,
搞搞吓，學埋佢D嘢，涼都未沖就瞓左，
污漕的=.="

星期日，一早起身整返好部JAM晒0既過膠機，
七點起身，八點先搞返掂......
THEN一路過呀過......到十點三先走去沖涼換衫，
準備返教會！
返到教會，始終都係遲到左=.="
完左崇拜，係咁問人搵返某一節聖經出黎，
因為我成日同人講果句嘢，BUT成日都唔記得個出處=.="
內容大約係話，一個人做嘢係唔會好的，
一定一班人一齊做嘢，先會成功咁上下......
之後就團契，今日淨係分享近況＋聽吓楊生講吓聖經故仔咁，
都幾過癮......之後，到我分享果陣，我話左比佢地知我同阿蕾分左手，
之前我都講過類似就黎分手0既嘢，SO，佢地聽到之後都無咩特別反應......
完左團契之後一齊去左食飯，
原本諗住0係教會過膠，兩部機會快手D，
BUT完左團契之後，教會無晒人，
所以我都被逼走人，唯有返屋企過啦！
食完飯之後，我就快速地返屋企繼續過膠，
部機真係好煩！過完百幾張就JAM一次，
重要次次我都要刪開部機黎整......
真係，一係唔壞，一壞就大大鍋！
八點幾，佢打黎，因為我之前搵過佢，
原本諗住快手過晒佢出去搵佢食飯，
因為我知佢今日要去尖咀返工......
BUT，唔得啦，D嘢都做唔晒......唔開心的>.< 之後呢，佢打黎，同佢傾左幾句， 佢話佢無分鐘，THEN我收左線，繼續工作...... 一路做，一路掛住佢/.到十點幾，佢ONLINE，同佢傾左好耐， 內容，唔講啦～ THEN過膠過到十二點半， 最後由於太攰所以決定唔搞啦！ 聽日返學先再搞埋佢...... 搞吓搞D嘢，成點先瞓得， 但一落床，又瞓唔著=.=" 原因？因為好掛住佢囉...... 之後唔知幾時瞓著左LU， 只記得最後睇鐘果陣係兩點幾...... P.S.有時，見到妳真係好想攬住妳...... 但我唔可以...... 諗到唔可以同妳一齊，真係好唔開心， 直頭想喊>.<
好希望可以逗妳開心，見到妳笑......
因為，我很愛妳^^

做傻仔......

尋晚為左討某人開心,返到屋企都特登走落街去買便利比佢
then見到Angel,同佢傾左幾句,講返成件事佢知,
佢最後個結論係......而家0既我同果陣追佢0既我一樣,
好聽講就係大好人,難聽講句就係傻仔......
不過......算!我肯做傻仔!
then返屋企車埋d嘢佢就瞓左啦......

今日原本返一點半,照道理係可以瞓晏d,
but我尋晚特登車晒d嘢先瞓,係因為我今朝有d嘢想做,
就係幫某人換海報......便利今期送佢鐘意個人張海報嘛!
then我八點半起左身,搞前搞後,九點四出左門口,
初初諗住過尖咀換,點知,意外收鑊!原來佢今日一早去左灣仔見工,
而灣仔又有得換架喎,咁我梗係第一時間話約埋佢一齊返學啦!
之後就向灣仔出發!
到左灣仔,我都好驚d poster會比人換晒,
所以第一時間快步走過去大有商場,去到見到,好在重有好多張!
換完之後call佢,佢話佢無咁早,then我就去左M記食早餐,
食完,十一點三,打比佢,佢話重要等多一個鐘左右,
then我就開始睇書......睇到十一點近十二點咁上下,
我就離開M記四圍行左一陣,到十二點四打比佢,
佢話佢啱啱走得,跟住就約左佢0係M記門口等......
見到佢之後就一齊去坐地鐵返學~~
車上面傾左尋晚我整旗d嘢,又話佢知我今朝係特登出黎幫佢換poster,
可惜佢都係無咩反應,其實......張poster對佢黎講,唔通真係可有可冇?!
唉......灰爆!
之後轉火車,一路見佢係咁"包雲吞",都知佢病入膏肓,
真係有d擔心佢加心痛/.but問親佢,就實係話無事......都唔比人關心佢......
返到學校,又係習慣性搞搞笑笑就一堂......英文堂......
then program堂,今日好開心,可以做晒三條,
但,其實都唔係話真係好開心,總覺得差咁d嘢......
覺得佢硬係未盡力,無咩兢爭......無咩挑戰性!
落左堂,就去左SU幫手,話就話幫手,
但實際上都無咩嘢做過,因為好多嘢都未搞掂!
無無聊聊咁,就到七點,成班一齊閃人!
一路走,阿Nick個死嘢搶左佢張poster走,
佢係咁想搶返返黎......我開始0係度諗,
張嘢係唔係真係可有可冇呢?
唉~~~but始終,個答案只有佢知......
我問佢有冇因為拎到張poster而開心,
佢又話無......唉~~重諗住用張嘢黎逗佢開心,
點知......完全無效~~~真係想喊>.<
走到去分叉位,我再一次做每一次我都做果個動作......
一路係咁望轉頭,but佢始終都係無望過半吓返轉頭,
佢心裡面有冇我,都心中有數啦......連半吓望轉頭都唔值......
跟住行左一陣就返屋企......
返到屋企先知無飯食,then打比佢睇吓佢去到邊,
不過最主要原因係我掛住佢......
同佢傾左一陣佢又過左線......
又係好耐先返過黎果隻......有時,我0係度諗,
佢到底係唔係想考驗一吓我0既奈性呢?
之後佢轉返過黎就係咁話要收線......
唉~~~其實好唔捨得的,but佢唔想同我傾,
咁我唯有收線啦......
之後由於太攰,坐0係度都瞓著左......
瞓到十一點半,有電話嘈醒左我為止!
之後就沖涼+上網......

P.S.我唔係想要d咩回報,
簡單來說,我只想討妳喜歡同令妳開心......
為左呢個目的,我可以做0既都會做~~
即使比人話係傻仔......
我只可以講一句,
為左妳,做傻仔又如何!

《江城子 乙卯正月二十日夜記夢》蘇軾

十年生死兩茫茫。不思量，自難忘。
千里孤墳，無處話淒涼。
縱使相逢應不識，塵滿面，鬢如霜。
夜來幽夢忽還鄉，小軒窗，正梳妝。
相顧無言，惟有淚千行。
料得年年腸斷處，明月夜，短松岡。

買嘢^^

今日dayoff,但又係一早起左身......
起身之後一上網就見到佢,好開心^^
then同佢chat左一陣,睇得出佢無咩事咁啦,
之後再睇吓佢日記,知道佢原來都重有d心事,
之後就同佢傾吓計咁......
真係好好好開心......(我係好易滿足的)
傾左d咩,我就唔方便講啦,
跟住我搵阿毛,順手幫佢問埋今日係唔係要幫手買嘢,
阿毛話係,而我都要去埋,因為我係負責baner的......
原本都唔係好想去,因為始終dayoff唔想出街,
不過既然佢都有份去,就無所謂啦^^
跟住佢叫我拎d redox比佢,我初初以為屋企有,
所以就話ok......點知原來屋企果陣係得果定=.=
不過是旦啦,一陣出去買都ok!
then,三點半我出門口,去百佳買嘢比佢,
先知原來redox都唔係想像中咁平,成$36=.=
是旦啦,係為佢先會咁捨得,其他人的話......
哈哈~~~~睬佢都傻!買完就去坐車,
比錢果陣佢打黎,問我0係邊,我話重0係上水,
先知原來已經三點十一......睇黎我一定遲到啦=.=

then四點七,出到深水埗,遲左五分鐘,佢地已經到齊
跟住一齊行,去到一間文具舖,諗住睇吓有冇我地想買0既嘢,
點知無......但有意外交獲,果度有d勁靚扣針+扣......
我買左兩個扣針+一個扣......而佢本身都想買一個扣,
but佢話佢無錢,so只係買左兩個扣針,
不過我叫佢拎個扣,因為我知佢成日都話想買個靚靚扣,
then咩都係我比晒錢......無所謂,自願的^^
可以扮吓佢男朋友,幫佢比錢......就當係安慰吓自己啦~哈~
跟住係咁0係條街度搵要買0既嘢,最後都搵到,
只係差少少嘢咋^^

之後八點幾,我地0係旺角食十蚊麵,
佢初初話要可樂,跟住我即刻話唔比......
佢今日咳,重食左兩粒珍寶珠再飲左一杯砂冰,
重比佢飲可樂......我於心何忍呢=.=
之後佢就死死氣氣叫左杯豆漿算數,
食完之後就我地去左打機,打返久違0既頭D......
技術生疏左好多,不過算~~都係玩吓啫^^
打完我地就各自返屋企啦
上火車果陣我先記得我D扣針同扣0係佢度無拎返,
不過,其實我係特登的~~呵呵
走果陣我係記得的,只不過我無行返轉頭拎,
因為咁我咪可以承機打比佢囉^^
同佢傾左幾句......差D又問錯問題=.=
好彩兜得返=.="""""
跟住佢話隔離有線,我都知咩事架啦
so我好識做咁收左線......
返到屋企,睇報紙,沖涼,打日記,瞓......

P.S.今日真係好開心......可以同佢傾到計......不過即使唔可以傾計,
可以咁近距離同佢一齊行左咁耐,感覺上好耐未試過啦......
如果呢個係夢,請唔好醒......如果呢個係假象,我好樂意繼續比騙!

掛念......

今日返10:30,但約左影印舖個叔叔9:45火車站等,
拎返d影印,所以要早d起身......
9:45到左火車站,一去到就見到佢,
佢好似已經等左好耐咁,臨走重順口問左佢果度有冇得影彩色,
佢話有,不過價錢要再傾,then我就入左火車站啦!
一路"企"火車,我一路睇住本<分成兩半的子爵>,
唔開心果陣睇書,果然特別有feel,
被分成兩半之後0既子爵果種孤獨感,真係身同感受!
到左火炭,見到同班同學仔,不過又係唔記得佢叫咩名=.=
之後佢話返我知,我而家記得啦,佢叫做"阿智"(應該係呢個"智"掛@@)
D影印好重,好彩見到佢,佢又幫我手拎左一陣,
否則我返到學校一定勁大汗+攰死=.=
then返到去派嘢+上堂,今日全日lecture堂,
最緊要係BIS同VB要專心D,CF的話......CCCCC
上完BIS,知道左下堂要交個BUSINESS PLAN,
但大家都好似知道左就算咁,無其他動作......
星期四就係BIS TUTOR,死火啦=.=
都係唔理咁多啦,自己返去諗定D先^^
完左BIS我地又去左CANTEEN鋤大D,
玩到上堂就去上堂,無無聊聊的,
CF今日教砌機=.=HD 課程呀...SIR!!!!
白白痴痴咁又過左一堂,之後我,RYAN,小山同大維去左CANTEEN食飯,
因為打算食完去打波,BUT我長褲,真係無咩MOOD打=.=
之後去到求其打左幾吓就算,之後睇佢地鬥波,
阿男真係好鬼好笑=.=
打完波齊齊去上堂,上堂之前我又幫佢地買嘢飲
0係阿SIR面前實行當佢無到=.=
今日VB LECTURE我特登座第一行,因為想聽多D
BUT阿SIR好唔識做囉,教返之前D嘢=.=
不過ANYWAY我都學到D之前唔識0既嘢^^
放左學就去左開會,阿MO有嘢做,SO遲左少少先開
今日開會好多之前0既嘢都搞掂晒,
係差少少買嘢啫,SO進度好好^^
今日開會極追,遲左少都係七點左右走得人~~
原本成班話去食飯架,點知行到半路先又話太少人唔去啦=.=
搞到我比阿媽話我玩嘢,啱啱話唔返去食,轉頭又話返=.=
行到咁上下,佢地成班向右走,得返我一個向前行......
我望返轉頭,好想睇吓佢有冇又望返轉頭望吓我......
傻傻的......走到紅綠燈,又係咁睇返轉頭,
好似好想佢追黎搵我咁......係人都知無可能架啦......
就係咁痴痴傻傻行到去沙田火車站......
一路坐火車一路睇書聽歌......
返到屋企食完飯,最後都係忍唔住SEND左個MASSAGE比佢,
其實我只係好想話佢知,我真係好掛住佢......
唉~~~~不講了!最近十分感觸,很眼淺......

游水日

今日返八點半，點知成八點十先返到去=.="
上堂果陣收錢幫佢地印英文notes，
原本呢D嘢唔係我做都算啦，反正我遇左，
最麻煩係收錢幫佢地做嘢竟然重要我去請佢地比錢我=.=
唉～～本身興興地，比佢地收錢果陣煩一煩，
真係燥晒底！連Saman我都鬧埋=.=
落左堂，去上CCNA，今日TEXT CH.2，
但我溫左勁少=.="因為星期五無拎本書返屋企，
無得溫......結果......梗係慘死啦！
得果58%=.=不過今次真係幾難，但竟然都重有兩位同學9X%，
我地班都果然係有虎又有龍......
落左堂，我一個人行過沙田，因為突然好想借書睇，
最後，見返幾年前睇過0既分成兩半的子爵，
諗返起個故事，突然諗到，當日睇果陣重好細個，
但今時今日，而且最近呢個景況，睇返呢本書
我總覺得會令有一返風味......
結果我借左本書返去睇，本書唔係好厚，
我諗我星期三一日DAYOFF都應該睇晒......
借完書就返左屋企，返屋企之前去左影印舖拎嘢，
跟住最後老細話聽朝拎去火車站比我，等我唔洗咁辛苦，
真係多謝晒老細，不枉我幫襯左佢十幾年^^
返到屋企見時間好早，加上唔太開心，所以決定去游水，
通常我唔開心，一係游巴士河，一係跑步+行公園，
一係游水......
決定左之後就拾晒嘢行人～
到左泳池，初初個阿姐唔比我學生價入場架，
因為我未有學生證，不過最後都係比我咁做^^
成個幾月無游過水，對上果次都隔前次左成兩年，
所以都係小心D，先做好熱身，拉晒根先落水......
一游就兩粒半鐘，游左足足70個塘@@，
我都覺得係奇跡......咁耐無游都重可以游咁多個塘！
游完，五點幾就行返屋企，成身攰都死......
返到屋企就上網，沖涼，食完飯上多一陣網就去瞓LU~~

P.S.今日真係好唔開心呀！同某人講左三句嘢都無......
我掛住佢呀，不過我都知佢唔想見到我架啦......唉～～～～
灰爆！

諗法......

啱啱咪話諗返D嘢0既，
首先，就係我第二個女朋友，亦即係Heidi
因為今日係去馬鞍山，如果我無記錯，自從同佢分手之後，
我都應該再無去過啦！所以去到，見返以前同佢一齊去過0既地方，
難免會有D感受......
不過都過左去咁多年，算了～～～

THEN呢，車上面我0係度諗，
點對佢係最好，最好就係唔出聲......
記得以前都有人話過我自大，多嘢講，大聲......
之後成日都比人話我係咁，成日都要我去改......
果時重係好細個，所以改，都係改得好慢，
不過長年累月後，我都改到，而果陣，
同而家我個諗法一樣......
我好少出聲，有時而家D FD講返起果陣0既我，
佢地竟然係用陰森黎形容我......
不過諗返起都係，果陣我唔出聲，
人叫我，我應左人地，人地都可以話唔知，
人地講笑，我竟然可以一次都唔笑......
後來，有人問我，從前鐘意講嘢，大大聲聲果個我去左邊......
至於自大......記得我以前成日比我阿SIR，PKL鬧我呢樣嘢
以前中二中三，我一直係學校田徑隊，重要係400米最快果個，
直至中四，開始有對手出現，但我一直都話自己係最快......
自此，我開始自大！
不過，由於我成日比人話我自大，我開始去改......
直到中五，我校內比人跑過了，我不再自大......
到左中五重讀果年，我田徑成績一落千丈，
開始有人問，從前自大果個我去左邊？
開始有人要求我變返從前自大果個我......
喜歡質疑人......
記得以前D朋友,女朋友，即使唔開心都唔會講出黎，
但係個樣又做到擺明個頭上面寫住"我好唔開心呀"咁
不過走埋去，問親佢地都實係話無事......
有一次，有個一向好好0既朋友，
我見佢好似有事，但問佢，佢又話無嘢......
第二日，佢入左醫院，原因......過度自殘......
如果我唔信佢話無事，繼續問佢，逼佢講出黎，
當日又會唔會有呢個結果呢？
所以我決定以後，見到有人咁樣，即使佢話無嘢，
我都會再問佢......
到左尋日，有人話我知，好憎我咁質疑佢......

算！我習慣改變自己迎合他人，
對我黎講呢D嘢根本唔係一回事，一D都唔難
我自大！
我講嘢大聲！
我鐘意質疑人！
改啦！通通改晒佢......
我有信心可以改晒佢，但當我改晒上面D嘢0既時候，
請唔好有人話同我講......講多D嘢啦，講嘢大聲D得唔得呀，
人地話無事啫，人係鐘意口不對心架啦，自大少少，比D信心自己啦......
否則，我一定會殺左果個人！到時唔好問我點解！

過大禮!

今日一早起身，因為要幫阿哥過大禮，
點知起身搞掂晒D嘢，阿哥先慢慢地起身......
早知瞓多陣啦=.="
THEN我地一齊出門口，拎住好多嘢，
一路行街一路比好多人望住晒，好似遊街咁=.="
跟住我地坐火車去到大學就轉的士去阿哥新屋－－景濤居
去到，我見到佢屋企睇到好大個海@@，好正！
點知我一行出露台先知，下面唔係海，係馬路=.=
我又一次明白點解有時D嘢唔好睇得咁全面，
唔行出去咪可以呃吓自己囉......
過完禮又要趕住出旺角，因為重要回禮比D親戚，
我地坐巴士出旺角，其間我一路聽歌，一路諗......
我應該點對佢呢......最後我得出一個結論，
唔講嘢係最好！之後諗返好多嘢，至於係咩，一陣先再講啦！
出到旺角，Alan已經0係廣華醫院等緊我地，事實上係等家姐=.=
then我地行去酒樓，到左酒樓，佢地已經到晒，野食都黎埋，
我地一坐底就有嘢食^^
見到成年無見0既表哥同表弟，梗係好多計傾啦，
食吓傾吓，走果陣佢地叫我拎嘢返屋企，
又係今朝D遊街用品=.="我死都唔拎，咪話有地方去囉...ccccc
之後幫佢地拎左去火車站我就走左啦！
但又無理由轉個頭就返屋企架......所以我搵家棋，
因為我知佢今日要陪女朋友出去上堂^^
then call左佢話0係深水埗等，到左之後，陪佢送左女朋友去上堂地方之後，
我就同佢去左打機，打頭D，好多年無打了=.="
不過都係我win左Jacky..ccccc
之後佢女朋友落堂，我地就一齊接埋佢就返屋企啦
一路上我話左佢地知我同阿蕾D嘢，早知唔講，
一講阿儀煩到死=.=""""
唉，不過算......之後返到上水，我因為要去影印+check眼，
所以走左......搞掂晒D嘢之後，本身諗住行個圈先返屋企，
but無咩mood，所以都係返屋企算......

苦悶......

今日真係好苦悶......
尋晚溫書果陣，見到Saman online，
點知一叫佢先知果個係tina......
之後我咪同佢吹吓水，一路溫書一路吹......
之後溫完書，同佢chat到四點左右我就去左瞓啦！
到左今朝，我十點鐘比人嘈醒左，then走左去沖涼，
返到黎，tina竟然已經醒左，又見到Saman online，
之後同佢地兩個傾左一陣，同Saman傾左好多嘢......
後來佢off左，我亦走左去睇電視......
無左阿蕾0既日子特別苦悶，日日無嘢做就留0係屋企，
令我特別掛住曹操,Bobby,Jenny,Ricky,etc好多好多去左外國0既朋友，
真係希望快D X'mas，就可以同佢地一齊去玩！
到左下晝，見Saman又online，一叫佢，先知佢發緊癲......
經過好多嘢之後，我都唔知點解佢會咁，只知道，
唔多唔少都係因為我......
我都唔理咁多，不停咁想令佢開心D，可惜佢都唔肯聽我講......
突然覺得自己好無用......
之後佢講左我知，佢唔鐘意我某D嘢......
ok啦，妳講得出，我改到，我梗會改，
反正我已經習慣迎合人多理人迎合我！
唉～～～原本好鬼煩，但聽朝要早起身，因為要同阿哥去過大禮，
點煩都要早瞓......瞓唔著都要瞓著......

企鵝的故事

今日返到學，第一堂10:30，不過都遲到左......
不過都無所謂啦，反正都可以照點名！
Then，去左上CF 0既Lecture堂，又係無聊......
某人比我0既感覺係避開我......唉～～是旦啦，
反正我都遇左！
落左堂，我地去左canteen食lunch，食完我地開始玩起Ｄ變態+好玩0既遊戲，
又係要人講秘密果類遊戲囉，反正我都無咩唔比得人知，
之後佢地問親我都好無引......不過大家都知道左大家好多平時唔會睇得出+唔會講0既秘密，
不過我地話左講完就散，唔會0係出面講，否則......男爛袋，女爛胸@@(好絕=.=)
之後夠鐘上堂，我地入到去又開始講吓笑話，講吓鬼故咁......
跟住咁又一堂lu......死火啦，VB堂無聽書，下堂Lab唔知會唔會唔識做Ｄ嘢呢？！
放左學之後去左開會，內容梗係秘密啦！
今次開會，又係開到比人趕走=.="
之後我特登走左去同佢地一齊行過沙田，因為某人0既關係囉......
之後，佢地走晒去塔車，又淨返我一個人......
之後行左沙田一陣，睇吓D衫，THEN坐火車返屋企
好耐都未試過一個人行街啦，果然係好悶......
不過，睇黎以後都要過呢種生活架啦！
返到屋企，食左一碗飯就返左入房啦，最近都無咩胃口，
日日都係食少少就返入房......唔知會唔會減到肥呢？！

企鵝的故事
聽說，企鵝是一定要與配偶一起才可以生存下去的
而由於要哺蛋，所以企鵝通常會輪流出外找魚吃，
因此，企鵝時常都會看見自己的配偶被海中的大魚吃掉，
但卻不能去救牠......
如果未死的一隻鵝沒有子女，牠便會很快跟著自己的配偶死去，
而，不知是幸運還是不幸，有子女的，就會先養大子女，
才會靜靜的死去......通常這些企鵝都是不會再吃東西，
最後餓死......
所以說，企鵝是一定要與配偶一起才可以生存下去的！

如果有一隻自尋死路，抹殺了自己妻子的企鵝，
那牠的結果又會是如何呢？
或許牠會孤獨一生，又或會被同伴放棄，又或......更多更多......
This is the end of the story.

好日子

今日都算係一個好日子丫......真係值得記念，
今朝一早起身，諗起有人想我帶個太陽眼鏡佢睇，
so，我早少少起身洗con+戴......勁無聊=.=
then匆匆忙忙咁返學，返到去，其實都無咩特別，
坐低後咪比個太陽眼鏡話想睇果個人睇囉，
不過佢都無咩特別反應，只係話我似外星人......
是旦啦，似咩都無咩所謂
上完第一堂，去左locker拎餅食，拎餅果陣同佢都好地地0既，
之後就去左上堂，今日CCNA要TEXT，勁白痴......
無無聊聊又過左一堂！
由於雙週星期一下晝4:30有堂，所以我地有成四粒鐘空堂時間，
之後，我地決定去NEWAY唱K，去到，我都無同佢坐埋一齊，
唱呀唱，我特登走埋去同佢坐+玩，不過都係無無聊聊的......
最後唱完每位$63=.=HAPPY HOUR......果然有Ｄ嘢！
返學校途中，我問佢有冇時間放學陪我去買條衭，
因為IZZUE大減價，但佢一口拒絕左......其實我都知咩事架啦！
不過我都係唔死心，扮晒唔知咩事咁繼續行返學......
上堂果陣，由於我要派書，而Ｄ人又一Ｄ都唔合作，
所以其實我有Ｄ發皮四！不過都算啦，最後都派鬼晒！
上堂其間我SEND個MASSAGE比佢，話佢好唔陪我，
佢比我0既答覆係佢好攰唔想去......
放左學，我同佢一齊去LOCKER，因為我LOCKER無位，
所以我放左本書0係佢度，之後我地就一齊走......
經過一返游說，佢依然唔肯陪我去買衭，而有人又突然CALL佢返去拎嘢，
THEN我就陪佢返去，途中見到無名，我知無名想等埋佢，但我無出聲
返到去學校，我特登走埋佢捉住佢隻手，佢一手就鬆開左我，
哈～原來事實我一早就估到......
佢拎完嘢之後，我陪佢行去巴士站，一路我無咩點出聲，
我曾經試過打破靜局，但無用！其實，講真......
我都唔係好想再拖落去，再者，我自己點諗，我自己好清楚！
最後，我一手拖住佢，當然，呢個係我最後一次，結果，當然係被鬆開啦！
呢個動作，令我諗起兩年前果個女仔，不過我都唔記得佢叫咩名LU，
總之都係話做我女朋友，而我拖佢果陣個反應差唔多啦！
之後見到無名，我就走左啦！

返屋企途中，無咩話開唔開心，只係不斷同自己講......
咁咪幾好，如我所願！
以後要自己一個人啦，好多嘢都只有自己面對......

This is the end of my story......

P.S.或者我真係應該後悔，點解要對唔住一個咁好0既女仔，
但事情都已經發生左，哈哈～～～～我只好一笑置之！
我對得佢唔住，就要負返呢個責任！

如果我對你歡笑，不代表我一定快樂，
如果我對你哭，那我一定要不快樂......

This is the end of the story.

黑色星期日......

今日一早返教會，個牧師講導講得好好，
講有留傳教0既嘢，有一部份令我好有感動！
之後去左團契，今日係講有關天主教是否異端，由師母負責，
個主題真係幾吸引我，我亦從中得知不少有關天主教0既嘢！
完左團契又成班一齊去食嘢，食完就走......
之後去搵阿媽同家姐，Alan都0係度，我地行左一陣，
我就去左拎con，原本聽日先有得拎，不過我驚聽日唔得閒，
咪摶吓睇吓有冇得早D拎囉，點知又比我摶到喎！
拎完我地就一齊返屋企啦！

返到屋企無幾耐，阿蕾咁啱返到屋企，跟住我就同佢講左......
講左分手！原因係我覺得自己對佢唔住......
其實，有D嘢，我知佢知，只不過佢扮唔知......
我還愛她嗎？我自己都唔知，我只知道，
呢一刻，我覺得自己好衰，好賤......一個對我咁好0既女仔，
我竟然可以咁對佢！
但亦因為咁，我完全明白到"一拍兩散"0既情況......
同佢講完之後，佢不停咁喊，我亦無話可說......
我只希望佢可以鬧我，甚至可以打我......
之後佢要食飯，我地就收左線，佢話之後會再打返比我
THEN，我打比"那個人"，佢之前一直都話傾緊電話，話唔得閒，
而今次我打到去，我聽得出佢已經瞓緊......可能傾得太攰吧！
THEN我話左佢知我同阿蕾講左......佢無咩反應......
之後我就收左聲！而我知我一陣都唔會再有心情打日記，
所以而家（八點）打定先！

P.S.其實我知到最後我會一無所有，那個人，可能亦唔會要我吧？！
始終佢亦有她，而我，就好似三國誌一樣......只係一個衰人！
不過可能呢個將會係我最想見到0既結果......
咁樣，我就可以成為最衰0既一個，亦成為最慘0既一個......
相信咁樣先可以恨恨地懲罰我......呢種人！

變來變去......

今日D行程真係變來變去0既一日啦！
原本尋晚約好左Saman一齊出去尖咀掃貨，
因為尖咀間B-Sound(一間專賣名牌鞋同牛仔褲0既舖頭)開倉，
點知我出門口前佢竟然打黎話無錢唔出=.="
真係激死人......咁我之後唯有0係屋企瞓啦zzzzzzz
到左晏晝，肚仔開始餓，所以起左身，見到阿媽佢叫埋我一齊去食嘢，
順手同我去買埋對皮鞋咁話，跟住就同佢去左紅荳子食下午茶，
then同佢行左一陣上水，佢就問我係唔係想出沙田買皮鞋，
我聽到佢咁問就梗係即刻話係啦，跟住就同阿媽出左沙田行，
去到沙田，我第一時間帶阿媽去睇我好想要果隻皮鞋，之後同佢行左一個轉，
最後都係買左果對，都成$600架！唔係小嘢......
之後我由於夜晚約左肥勤去做飯+睇衫，就無同阿媽一齊返上水啦！
但果陣先至係四點九，我約左肥勤8:30=.=
then我就去左鑽石山搵Saman，去到唔夠一陣佢就到左，
佢今日要去拎本VB.NET，佢拎完之後我就屈左佢陪我行荷里活，
行到咁上下，就同佢去左STARBUSK吹水，重請左佢食左個"小你咪肅"
AND飲LATTEL CAFFEE(即係鮮奶咖啡)
之後同佢係咁0係度傾計，講吓我D煩惱佢知，又聽吓其他人是非，
十足十八婆FEEL=.=，THEN傾到成八點八@@
遲晒大到......跟住我就即刻話要走，送左Saman上車後就即刻去坐地鐵，
九點二到左尖咀，肥勤原來未到......點知我拎錢果陣佢就到左啦
由於太耐無去尖咀，我之後都淨係跟住肥勤行，到左B-Sound，
入到去好似無晒嘢咁......點知原來再行過去先至係賣男仔嘢，
好多T呀！但無我想要果件，D鞋真係好平好靚，有XOXO又有Bream-Boy，
可惜無我啱0既，但咁遠出到去，點都要買返小小嘢，所以我最後都買左兩件衫，
買完後就同肥勤去左食嘢，其間又同佢傾吓煩緊果D嘢，又聽吓佢最近點......
最後當然係佢埋單啦！返左工成年都未請我食過飯=.="
不過我應承佢下次我一定請返佢！
之後就同佢一齊返屋企LU~~~

P.S.今日到最後都係同那個人講左，不過都唔算係講左，因為我係SEND MASSAGE同佢講！
從佢反應得知佢其實一早就FEEL到......哈，其實我都一早知佢知架啦！
如果唔係，我又點會話"我點知佢係唔係扮唔知"THEN佢可以話我，"有可能"呢？！
至於佢個答案......係我地有機會囉！其實......大家對大家點，心知肚明啦！
Anyway，我都係依然好心軟......到底係我心軟，還是我不夠愛那個人？ 又還是......我還愛她呢？
做人做事，果然好難兩存其美......愛情，更是！

國慶日

今日係國慶，所以又有假放......唔開心呀>.< 由於有假放，尋晚就同小學班同學去左大佬屋企打麻雀， 見返大家，大家又傾吓自己學校上莊果D嘢，都幾好丫！ 學到唔少野^^ 尋晚輸左少少咁啦，都係十幾蚊上落，唔係好多， 打到五點幾阿冼話太攰所以一齊0係大佬度瞓， 瞓到今朝十一點就同葉生葉太去左飲茶，但大佬就繼續ZZZZZ(果然係睡神=.=) 飲完茶我地就各自歸家，我一返到去就係咁瞓，到六點先瞓醒...... 屋企成日都無人，得返我一個，我有好多時間可以靜靜地諗吓嘢， 整理一吓一直以黎0既煩惱，就0係呢個時候，闊別多年0既果種感覺又再出現...... 突然我覺得好唔開心，直頭喊左出黎......同時我亦諗起<<三國誌>>呢首歌......

到底我係唔係真係咁衰？係我自己以為自己係，還是我自己真係呢？
我咁大個仔都未試過咁......但我咁做係咪真係好似三國誌入面個男仔一樣呢？
但其實......我不是想找下個她......我唔係咁花心，但而家連我自己都覺得自己好乞人憎
我好怕佢會因為分手而傷心，但......我亦無理過佢，如果佢知我心入面有另一個又會係點呢？
今日發左個夢，再加上睇到佢同佢個日記，我知阿蕾FEEL到Ｄ野，而另一個佢......
總覺得我對佢黎講只係朋友，或者應該係話，都幾無聊吓咁，果個BYE字，
令我真係又想再喊，係我鬧情緒，還是我從前0既第六感又再返生呢......
我比較希望係前者......

P.S.有時真係想同佢分手，之後去追佢，而佢又唔接受自己......
我相信，咁樣我會比較開心......

一放假時間多左就亂諗嘢......真係好唔鐘意放假呀>.<