養病的星期天/.\

今日原本諗住訓醒返教會，點知一起身係咁狂咳
為左唔好傳染其他人，我最後決定今日唔返教會同唔出街
專心留0係屋企養病......
就因為呢個決定，令我今日勁悶，
起身後睇電視，THEN打機,上網......
到左夜晚，先知原來阿媽返左大陸探絞縷姨媽，今晚無人煮飯食
幸好阿爸返黎煮飯，否則今晚又要餓住訓=.=

今晚又同佢嘈啦，我只不過話佢無情趣......
咁事實上我真係覺得佢無嘛，飯又唔識煮，0係學校又淨係識返學放學
小小學校生活都無......我真係覺得佢好無情趣囉！
點知佢就叫我唔好要佢，去搵第二個......而且佢話佢覺得我想唔要佢......
講真，我真係口啞啞，始終佢都講岩左一部份......
但我唔會因為呢D野唔要佢囉，根本無情趣唔代表我就會唔鐘意
就算我唔要佢，亦唔代表我一定要搵第二個......
唉......我同佢到底會搞成點呢？其實結果如何唔緊要，
最重要係唔好令到大家都唔開心......
Anyway，等過左一週年先算啦，我希望，就算真係要分開，
都留返一個美好回憶比佢！