無聊的星期三

今日勁眼訓呀又......今日下晝先要返學，但一早就比人嘈醒左，
之後又訓唔返，唯有起身，點知發現自己皮膚好似敏感咁，
原本諗住去睇醫生，但今日返三點半，睇晏晝都唔夠時間，
放學又要去print時間表，所以一定趕唔到返去睇夜診，
唯有暫時唔理佢住啦......之後一直無聊到兩點先換衫出門口
返到去VB堂勁無聊，竟然做D白痴野，阿sir要我地玩個toolbox=.=
悶左兩粒鐘(間中同Saman玩吓)，之後同Saman落堂去左圖書館偷紙上去freebook印時間表
搞掂後就閃人去沙田行左一陣，見到一條牛Levis仔褲50%off，
睇落都幾好睇，好想買！不過諗起今個月已經買左兩條牛仔褲就無買lu，
加上手上又無阿哥果D $50現金劵......
行到八點幾，阿蕾同鱷魚kiri阿凱黎到，陪阿凱去KFC買左一隻雞之後佢就走左
而我地亦返屋企啦，臨走時鱷魚同kiri竟然拜拜都唔講就閃走左=.=
跟住阿蕾約左佢媽食飯，咁我唔洗送佢就自己返左屋企......

P.S.今日好輕鬆呀，搞到我好鬼悶......唉～～好鬼煩呀同佢D關係，總覺得自己似係做緊戲多D，無論如何，希望可以過埋一週年先算啦！