第一日打日記^^

好野!今日係我第一日喺呢度打日記呀^^
今日原本諗住去剪髮，點知阿媽無比到錢我去剪喎......
之後等阿媽返黎，諗住叫佢還住D錢比我先，就因為咁，
同佢嘈起黎......到最後佢照舊唔還錢比我，而我亦照舊無錢洗－.－
跟住晚夜約左柏慧佢地夾band，
今日夾band大家都無準備到歌，都只係求其夾吓D歌就算......
完左之後，我地約好左傾D野，點知阿聰無啦啦話走先，搞到柏慧勁唔開心
跟住我，阿倩，家棋，柏慧同Shirley去左和利搵野食，一跟食住野一路傾
首先講左以後要輪流約人練習，唔再淨係得柏慧一個人約，
之後就開始講返柏慧同家棋之間0既問題......
不過最後大家嘈左一輪都無結果，唯有不歡而散啦
跟住我同家棋一齊走，同佢傾左幾句，都算明白佢點諗
之後佢去練排球我就返屋企食飯......

唉～點算呢？點同阿蕾講好呢......直接話唔再鐘意佢？
定再等吓遲D先講好......我好怕hurt到佢，因為始終我同佢都開心過丫
而且都一齊左成年啦......最大問題係，我又唔係完全唔鐘意佢喎＞．＜
有冇人教吓我點做呀......

不過我覺得係同去左O'Camp好有關係......