中秋節

今日......呀唔係，係尋日，尋日係中秋節，
夜晚去左玩所以今日先打返日記......
尋日一早返10:30，都唔知係好彩定唔好彩，
0係火車站見到傻仔基，佢一見到我就埋黎叫我，
之後同佢0係火車度吹左一陣水就到火炭啦，
今日成日都係lecturer堂，真係有夠無聊......
上完第一堂我地有一粒鐘時間空堂，跟住就同阿然佢地去左canteen玩"大老二"(cccccc)
我又係大贏家啦(無敵是最寂寞，最是痛苦......kakaka)
跟住去左上白痴FD......跟住我地就去左第一城吉野家食飯，
今日Kiri同果位人兄都0係度，見到我重扮晒野，真係以為我唔知咁XDDD
我同Saman之前因為有少少野搞，所以遲左去，點知我同佢要坐另一張台囉
不過咁都好，因為我同Saman亦因為咁傾左唔少密計，
至於內容當然係D女人嘢啦，哈哈～～
食完之後我地行左一陣第一城，跟住我買左本Monday就返去上堂啦
今日VB都教左唔少嘢，有好多我而家都重係唔係好明，而且食完飯，
釣左一陣魚，miss左一部份嘢，都唔知會唔會影響到我Lab堂做Tutor......
落堂後，我同Saman諗住去freebook send嘢，點知原來中秋無得freebook@@
不過之後我地去左439，點知D機認真唔掂，fopply都load唔到=.="
之後我地都無send到，落到樓下，阿蕾等埋我一齊走，
跟住我地去到火車站見到柏慧@@，真係好鬼死難得呀！
後來佢問我會唔會去燒野食，我都話未知，因為要做節，而且佢果邊又唔係通頂，
一陣如果我去到坐得果半粒鐘就閃人，咁咪好鬼無聊=.=
返到上水約左阿媽買嘢，不過到最後咩都買唔成=.=
去食飯之前我返左屋企send嘢，之後就同屋企人去紅荳子食飯，
今日係咁同阿哥針風相對，都唔知係佢有問題，還是我好鬼唔happy
不過之後我都無理佢，食完飯就去左同阿蕾佢地會合......
今晚決定去阿桐屋企玩通頂......
我地去左買嘢飲之後就等車去佢屋企啦，點知一等就等左半個鐘有多=.="
去到阿桐屋企，原來佢地本身已經有三個人打緊邊爐，
跟住我地就打機，後來成班上晒阿桐房玩(間房好大=.=")，
到最後，我,阿蕾,鱷魚同Fioner(係唔係咁串呢=.=?)打麻雀，
最唔肯打錢果個阿蕾最後竟然係大贏家=.=
之後我地上左去瞓左一陣，十點幾，鱷魚要返工，跟住我地就一齊起身走左lu

P.S.其實，我與她，在他人眼中是如何的呢？而我與她現實又是如何呢？到底我還愛她，還是我是在等候一個人或一件事被我用作藉口來提出分手呢？而那個人，又是否正是我等的那個呢？這一個正是我一直等待的答案......但，凡事都唔可以太急，要慢慢黎......我唔想傷害任何人，包括她同那個人......我亦唔想破壞同那個人0既關係，亦唔想佢為我背付原何罪名！而她，我更唔想傷害，即使分開，亦想永遠都係好朋友......但，都係果句......做人做事係好難兩存其美架>.<

其實今個中秋節，我係唔係真係人月兩圓呢？

養病的星期天/.\

今日原本諗住訓醒返教會，點知一起身係咁狂咳
為左唔好傳染其他人，我最後決定今日唔返教會同唔出街
專心留0係屋企養病......
就因為呢個決定，令我今日勁悶，
起身後睇電視，THEN打機,上網......
到左夜晚，先知原來阿媽返左大陸探絞縷姨媽，今晚無人煮飯食
幸好阿爸返黎煮飯，否則今晚又要餓住訓=.=

今晚又同佢嘈啦，我只不過話佢無情趣......
咁事實上我真係覺得佢無嘛，飯又唔識煮，0係學校又淨係識返學放學
小小學校生活都無......我真係覺得佢好無情趣囉！
點知佢就叫我唔好要佢，去搵第二個......而且佢話佢覺得我想唔要佢......
講真，我真係口啞啞，始終佢都講岩左一部份......
但我唔會因為呢D野唔要佢囉，根本無情趣唔代表我就會唔鐘意
就算我唔要佢，亦唔代表我一定要搵第二個......
唉......我同佢到底會搞成點呢？其實結果如何唔緊要，
最重要係唔好令到大家都唔開心......
Anyway，等過左一週年先算啦，我希望，就算真係要分開，
都留返一個美好回憶比佢！

好似病倒啦>.<

今日由於掉左堂，一早就要8:30返學上VB.NET，
唔知係唔係尋晚凍親，一起身喉嚨好唔舒服，有D痛......
上完VB先10:30，原本諗住去睇早場，點知去到沙田UA，又未開，
之後就去左新機地打機，打完機佢地又去左影貼紙相=.="(又......)
今次我無份影，因為佢地去影果陣我去左廁所，都唔知係好彩定唔好彩啦......
之後，我地去左維苑食飯，D服務真係一般......一係無人理，一係就四五個埋黎招呼我地六個人=.=
食完飯，Angel竟然話要坐巴士返去，但我地重有五個字先夠鐘上堂，行返去一定夠時間
不過最後大家都聽從大小姐意見坐車返去，不過落左車，依然要晒一段路先返到學校=.=
令我覺得坐車好多餘......而且好浪費金錢(天呀！我讀IVE成年都未試過出沙田食一餐飯坐車要成$9架！)
之後返到去上BIS，又要做PRESENT，我地組依然做返成人用品，PRESENT果陣由於大維搵左一D太核突0既相，結果佢果頁POWERPOINT比阿SIR BAND左(KAKAKAKAKAKAKA)
落堂後，再去030上LECTURE，又係勁悶，結果玩左成堂......
4:30放學，由於今日約左開會，所以去左CANTEEN等，竟然比我發現阿KIT佢地有一支齊莊！
而且阿然竟然有份@@！不過，都唔緊要，睇落佢地所有人都無咩經驗，而且年紀偏細，睇落去，我地係勝算高D......不過佢地FD人多過我地，都不容忽視！
Anyway，我地絕對信心十足，無論咩事都難唔到我地0既！
到左五點半，我地開會，開會期間大家都好投入，氣氛都好好，令我好感動！
因為我搵到一班好拍檔一齊搞系會^^
最後我地都成八點先開完會，其實都係匆匆開完，因為canteen閂門，我地被逼完左個會佢
跟住我，Saman,Skin同阿Ming去左西田食飯，食完飯又吹左一陣水，跟住阿蕾打黎，
話佢去食飯，跟住我就去左搵佢......阿蕾佢地食完飯之後，我就同佢一齊坐火車，
但由於我唔係太舒服，所以叫佢坐響大埔落車轉巴士，但佢唔肯，結果佢被逼0係太和坐返車去大埔，但佢最後都唔肯坐巴士，寧願大埔行返屋企......
我都唔明佢點諗，跟本無諗過我擔心佢一個人咁夜行返屋企有危險......
有時，想做一個好男朋友真係唔容易，即使有心，有時亦無力！講真，我同阿蕾重可以行幾耐我都唔知，有時覺得會好耐，但有時又覺得好似就快玩完咁......
可能愛情就係咁似是而非，疑幻疑真架啦......

P.S.有時D嘢，真係唔可以強求，特別係愛情，完了便是完了，無左就係無左......點追，點死纏，其實都係無補於事......

影貼紙相~

今日返十點半，成日都係lecture堂，勁無聊......
十一點半，一心諗住約左阿毛同基哥傾野，點知阿毛竟然無出現，
搞到我好反感+好嬲！十二點半，去左上第二堂，舊書center就0係課室門口，
而好好彩，今日睇檔人係阿蕾，佢見到有人放vb.net就第一時間話我知，
結果我以$120買左一本都算幾新淨0既vb.net，平左成半！
D同學仔見到都即刻問我出面重有冇，睇落真係有D威威地(wakakakakaka)
落左堂同大維,Angel,Saman,Kit,嘉嘉同大維個friend出去食飯，
原本諗住過新城市食架，點知行到中途，佢地話好熱，結果入左大家樂食(同學校canteen有咩分別=.=?係價錢貴左囉>.<)幾經辛苦先諗到食咩好......
之後大維同佢個friend走左，我地五個人就過左新城市影貼紙相啦(四女一男=.=)
最後我地影左三部機，加加埋埋都影左成$130=.=好耐未試過影咁多......
最後我地又塔的士(兩日塔三次=.=)返學......返到去上vb.net lecture，
佢地成班0係度玩十五二十，輸左果個要企起身做一D特定動作，真係好好笑！
而我同嘉嘉就傾密計，其實主要係我講吓我以前D情史咁啦，真係好白痴=.=
之後佢地又講吓自己果Ｄ，情況同尋晚差唔多咁啦！
落堂後同Angel同嘉嘉申請locker同陪佢地一齊去搵locker，
幾經辛苦我地先搵到晒我地Ｄ locker，最後諗住一齊走之際，
竟然比我遇到佢－－微微，之後同佢傾左一陣，知道原來佢今年入左黎讀design，
重叫佢有時間參加吓學校D活動會無咁悶......見返佢我無咩特別感覺，
只覺得有點突然同親切感......令我有少許諗返起以前咁啦！而佢，比起讀中七果陣靚左，
可能因為捱完所以好返好多啦！原本佢想同我一齊坐火車架，不過我想等阿蕾放學，
所以我就出左沙田買野，去沙田買左D記事簿紙，基本上我要買0既野都買晒，
之後又無目的咁行，之後發現真係好無聊就決定行返IVE等佢好過，
講開返IVE，原來德德都同阿凱搞SU喎，希望佢handle到D時間啦！
返IVE途中我又諗起，一陣會見到佢......都唔知係唔係好事......
返到IVE，佢地重未開完會，我就去左CANTEEN買野飲+準備一吓聽日同阿毛佢地開會0既議程，
搞掂之後佢地重未走得，CANTEEN又要閂門，我就入左SU等佢啦！
等吓等吓，出面落大雨，最後到佢地走得果陣，Ｄ雨都無停，咁我地唯有出左SU先算啦......
最後我地CALL唔成的士，唯有用兩把傘慢慢接Ｄ人走，跟住我地去到沙田就各散東西，
而我只有目送佢走人......不過，是旦啦......對一Ｄ無咩可能0既野，還是唔好比太多幻想自己好
之後阿蕾話要過太和同親戚食飯，我就無送佢返去，直接返上水......

P.S.今日好激氣呀！約左人唔出現，連電話都無個，最後我搵返佢先話掉左堂唔記得話返比我知，我真係開始對佢0既誠信,責任感有所保留啦！

苦盡甘來~~

今日要返八點半，尋晚成三點先訓，訓得果四個鐘就起左身，真係想死=.=
第一堂FD堂，要做份無聊野，令我諗起上年0既ITA=.=
之後第二堂教CCNA，基本上我學過晒......所以勁無聊=.=
過左第二堂，十二點半，我同成班同學一齊去唱K，
點知好境不常，竟然落大雨......之後我地都無放棄到去唱K，
我地塔的士落沙田廣場GREEN BOX，一入到去，果然同NEWAY無得比，
D野爛晒咁，好舊=.=之後最主要係得我同Angel 0係度爭咪，一D都唔刺激......
最後逼左細維唱左幾首歌，但阿LU就死都唔肯唱......
四點二十五分我地先肯走，一出門口即坐的士返學，因為四點半有堂上
結果，返到去都係遲左五分鐘左右......呢堂係KEY SKILLS，
勁悶加上飲氣攻心，即使我坐最前都照訓......阿SIR當然係繼續教書無理到我啦
落堂後過去SAO搵阿凱，點知阿凱話有內閣D人唔洗到，激死人=.=
跟住阿毛到左，竟然重話帶多三個朋友加入@@......我勁無奈，
而且即時表態話唔收新人住......由於基哥今日唔得閒，所以最後又無同阿毛開會
之後無無聊聊，同Saman,Wing,Skin,阿Ming五個人吹水，最後決定出新城市，
Saman同Wing相繼走人，之後淨係得返我地三個人，Skin話要等佢個朋友，
之後我地就去左麥記飲野吹水，我地講左好多自己D戀愛史，最好笑都係阿Ming果句......
又講左好多笑話同自己0既人生目標，能夠更深認識Skin同阿Ming都唔錯丫~
原來阿Ming搞笑0既外表亦有成熟0既一面！
之後我地四圍行，去睇衫同鞋，阿Ming話想買Puma果對，價錢$300-$400，
都唔算太貴丫，跟住去睇衫果陣Skin話七一黃金週D野一定會減價有折，
聽到呢一句話之後，又再次撚起我0既購物欲啦！我決定七一黃金週又去買個夠~~
之後Skin話佢個朋友到左沙田我同阿Ming先走人......

P.S.今日都算係苦盡甘來啦~咁眼訓又加上比人激親......好在夜晚可以同Skin同阿Ming吹吓水，都真係叫做好開心架啦

第一次開會

今日十一點幾起身發現屋企無野，之後就打算返學搵阿蕾一齊食lunch，
點知太早出門口，就去上水行左一陣，又睇中左一條牛仔褲呀>.<
但我諗都唔會買住架啦=.="之後返到學校，阿蕾未落堂，我就去左canteen等佢，
之後愈來愈多人，我咪吹佢快D落黎囉，點知佢就發皮四啦......
見到佢之後佢又話趕住返屋企食飯，我都真係嬲嬲地......佢今晚又要去行山，
星期日佢先行完，諗住同佢食餐飯都唔得......女人，有時真係好麻煩！
食完之後去左PRINT今日開會0既議程，跟住就去左上堂啦......
第一堂英文堂，個Miss都幾nice，希望唔好好似四月中咁啦，否則又要同佢死過=.=
跟住上VB.NET，又係勁悶......學埋D識0既野......
落堂後就趕住落CANTEEN啦，因為約好晒大家開第一次會......
開會期間主要都係我lead住先，因為始終大家都未選主席，到後來選左阿毛做主席，
就由佢lead返個會，不過佢又要早走，到最後又係我lead返=.="
開完會後，大約七點半，我地成班一齊走，
行吓行吓得返阿mind，Jeff，Skin,Wing同我五個人......
之後送左Skin去塔車，我就同Jeff兩個男人去左紅豆子食晚飯，
其間傾左好多野，包括一D唔講得0既秘密，亦講左一D有關我地team 0既嘢，
其實我地最大問題都係無一個好似阿凱咁有主席相0既人做主席囉，
阿毛大家都未知佢做唔做得黎，不過睇樣就一定唔夠阿凱好架啦......
不過其實今年都無一個好似阿凱咁0既人，都好正常0既=.=
只可以講，希望阿毛做得好好睇睇啦！如果唔係都唔知點算=.="
不過佢係大家選出黎0既，我對佢有信心，再者佢唔得的話，
我呢個副主席都一定會頂住0既......
吹完水後返到屋企又同Saman篤波，我又輸左兩局，不過之後都贏返一局，
之後阿哥見我同人篤波就過黎搶我部電腦話要篤(好似細個果陣阿哥搶細佬玩具咁=.=")
佢篤吓一局篤吓又一局都唔比返我玩，到我有得玩果陣Saman竟然話去瞓......
勁無奈=.="之後諗住搵阿毛傾吓我地D嘢，點知佢ICQ叫極都唔應人，
之後就去左ZZZZzzzzzzz lu

無聊的星期三

今日勁眼訓呀又......今日下晝先要返學，但一早就比人嘈醒左，
之後又訓唔返，唯有起身，點知發現自己皮膚好似敏感咁，
原本諗住去睇醫生，但今日返三點半，睇晏晝都唔夠時間，
放學又要去print時間表，所以一定趕唔到返去睇夜診，
唯有暫時唔理佢住啦......之後一直無聊到兩點先換衫出門口
返到去VB堂勁無聊，竟然做D白痴野，阿sir要我地玩個toolbox=.=
悶左兩粒鐘(間中同Saman玩吓)，之後同Saman落堂去左圖書館偷紙上去freebook印時間表
搞掂後就閃人去沙田行左一陣，見到一條牛Levis仔褲50%off，
睇落都幾好睇，好想買！不過諗起今個月已經買左兩條牛仔褲就無買lu，
加上手上又無阿哥果D $50現金劵......
行到八點幾，阿蕾同鱷魚kiri阿凱黎到，陪阿凱去KFC買左一隻雞之後佢就走左
而我地亦返屋企啦，臨走時鱷魚同kiri竟然拜拜都唔講就閃走左=.=
跟住阿蕾約左佢媽食飯，咁我唔洗送佢就自己返左屋企......

P.S.今日好輕鬆呀，搞到我好鬼悶......唉～～好鬼煩呀同佢D關係，總覺得自己似係做緊戲多D，無論如何，希望可以過埋一週年先算啦！

第一日正式上堂

尋晚由於四圍搵搞CP系會0既人，所以勁夜訓，
搞到連日記都無打到！而今朝七點幾就比人嘈醒左，
天呀！我訓得果五粒鐘咋......之後約左阿蕾返學校食早餐，
雖然學校CANTEEN裝修過，但Ｄ野食依然咁難食！
之後就去上堂啦，第一堂勁悶，個阿sir係咁hard sell ive有D咩好，
跟住咩都無教就落左堂啦！跟住去到CANTEEN講返系會D野，重認識左同班0既阿Lu
跟住WING WING突然好主動咁叫我遇埋佢搞，跟住我試左佢幾試，
見佢都好堅決，所以決定比佢參加！之後我地又去上堂(又係ITA果類悶堂=.=")
上完堂我地成班去左小巴黎食野(芬芬都黎左呀)，
食完之後0係門口突然有人擒向羊羊，
原來又係尋日個麻煩人(無打日記，呢度不便作詳解=.=）
之後我見羊羊好驚佢，當佢問我地去邊果陣我都好識做咁話我地返學校
而岩岩由學校出黎0既佢就當然無跟黎啦！跟住我話羊羊怕又要維護佢，
點知就比羊羊話我鬧佢=.="
之後行左一陣沙田，去左探阿樂，跟住就真係返學校啦！
返學校途中佢地竟然走去買六合彩(7千2百萬獎金=.=")
而我地就每人夾＄１啦......
之後返到學校上堂(VB阿SIR教=.=")，跟住兩位新女同學係咁話佢點唔好點唔好
之後我今日做左一件好偉大0既事，尋日我被選為班代表，而今日我就為班上同學謀到福利啦！
我成功為佢地爭取到掉堂呀！佢地拍晒手掌，我勁開心，而且有少少自豪(哈......)
之後阿SIR講書我就一路釣石斑，最後放學返屋企
返到屋企休息左一陣又開始我搵人工作，最後成功搵左KENNY同英英
離目標只差2-3人，希望快Ｄ正式完成搵人工作開始開會啦！

P.S.今日比阿Fa話我太認真，而我又覺得自己好似煩到佢咁......之後同佢講左sorry，唉～～我呢D壞習慣，一有野做就會痴線......正一純正工作狂=.="
（同佢關係無咩野，但我心入面重係有D野......唉～～一個字------煩！！！

全日同教會有關！

今日一朝早訓醒就返教會，今日師母講道比平時有啲悶，
所以我都半睡半醒咁聽......跟住之後同柏慧，阿Kan，Frankie，Shirley去左食飯，
食飯其間我地講明唔准用中文講野，淨係可以用英文，
跟住由外國返黎0既Frankie同阿Kan當然係講得好好啦
而柏慧就......哈哈哈～～
而我地內容都係不斷圍繞有關亞洲人英文差0既問題，最後得到結論係台灣人最屎
但無講到邊度最好
跟住我就過左大埔搵阿蕾陪我剪髮......最後剪左個......唉～～～唔好提！
跟住諗住去搵返粒綠幽靈，不過最後搵唔到，又順手去睇鑽石比阿哥做結婚禮物
但結果都係空手而回，因為我諗住買耳環，但點知阿嫂係無耳洞架=.="
跟住去左阿蕾屋企搵隻生日熊，拎完就趕住走返上水，因為約左打波！

七點十分去到，遲左少少，但原來重有好多人未到(唔怪得無人吹我啦=.=")
跟住七點半左右開始打，打全場都無咩點打，之後打半場反而係咁打
最後重玩射罰球，炒粉要做掌上壓......
就係咁玩呀玩，十點半先走人，原本諗住同柏慧佢地去食飯，
點知打比佢，佢話佢地已經食完走佬......(重叫阿媽唔洗煮飯添=.=)
跟住唯有返屋企搵野食，結果......係咩都無
唯有等聽朝先算啦！

P.S今日又做錯事啦！愈對佢好，就愈內疚......好似愈黎愈呃得佢多咁......但除左我講左出黎啦，否則我都要盡一個男朋友責任－－比最好0既佢！

第一日打日記^^

好野!今日係我第一日喺呢度打日記呀^^
今日原本諗住去剪髮，點知阿媽無比到錢我去剪喎......
之後等阿媽返黎，諗住叫佢還住D錢比我先，就因為咁，
同佢嘈起黎......到最後佢照舊唔還錢比我，而我亦照舊無錢洗－.－
跟住晚夜約左柏慧佢地夾band，
今日夾band大家都無準備到歌，都只係求其夾吓D歌就算......
完左之後，我地約好左傾D野，點知阿聰無啦啦話走先，搞到柏慧勁唔開心
跟住我，阿倩，家棋，柏慧同Shirley去左和利搵野食，一跟食住野一路傾
首先講左以後要輪流約人練習，唔再淨係得柏慧一個人約，
之後就開始講返柏慧同家棋之間0既問題......
不過最後大家嘈左一輪都無結果，唯有不歡而散啦
跟住我同家棋一齊走，同佢傾左幾句，都算明白佢點諗
之後佢去練排球我就返屋企食飯......

唉～點算呢？點同阿蕾講好呢......直接話唔再鐘意佢？
定再等吓遲D先講好......我好怕hurt到佢，因為始終我同佢都開心過丫
而且都一齊左成年啦......最大問題係，我又唔係完全唔鐘意佢喎＞．＜
有冇人教吓我點做呀......

不過我覺得係同去左O'Camp好有關係......