Lonely Christmas 陳弈迅

誰又騎著那鹿車飛過 忘掉投下那禮物給我
凝視那燈飾 只有今晚最光最亮 卻照亮我的寂寞

誰又能善心親一親我 由唇上來驗證我幸福過
頭上那飄雪 想要棲息我肩膊上 到最後也別去麼

Merry, Merry Christmas
Lonely, Lonely Christmas
人浪中想真心告白 但妳只想聽聽笑話
Lonely, Lonely Christmas
Merry, Merry Christmas
明日燈飾必須拆下 換到歡呼聲不過一剎

誰又能善心親一親我 由唇上來驗證我幸福過
頭上那飄雪 想要棲息我肩膊上 到最後也別去麼

Merry, Merry Christmas
Lonely, Lonely Christmas
人浪中想真心告白 但妳只想聽聽笑話
Lonely, Lonely Christmas
Merry, Merry Christmas　
明日燈飾必須拆下 換到歡呼聲不過一剎

明晨遇到 亦記不到和誰在醉酒中偷偷擁抱
仍然在傻笑 但妳哪知道我想哭
和誰撞到 亦怕生保 寧願在醉酒中辛苦嘔吐
仍然在頭痛 合唱的詩歌聽不到

Merry, Merry Christmas
Lonely, Lonely Christmas
人浪中想真心告白 但妳只想聽聽笑話
Lonely, Lonely Christmas
Merry, Merry Christmas
明日燈飾必須拆下 換到歡呼聲不過一剎

Merry, Merry Christmas
Lonely, Lonely Christmas
人浪中想真心告白 但妳只想聽聽笑話
Lonely, Lonely Christmas
Merry, Merry Christmas
明日燈飾必須拆下 換到歡呼聲不過一剎

換到歡呼聲不過一剎

感受

要鬧0既尋日已經鬧完，
今日講吓自己感受......

同妳一齊差唔多兩年，
呢兩年好快開心，
我好愛妳......

由初初只係要妳黎代替阿蕾，
到一年前全心全意咁愛上妳，
我愛妳，係因為妳愛我！
係因為我感受到妳真心愛我，
有時人好簡單，
一生人都只係追尋一個愛自己o既人，
以前，我真係覺得果個人就係妳！

而家呢？
自從妳做全銷到我反對妳而妳無做開始，
呢一切都開始變了！
我開始無左妳係我老婆o既感覺，
無左認定妳就係真命天子果種信心......

信心係由妳比我，
亦係由妳令找失去......

妳一直唔明點解我會唔鐘意妳夜返，
我唔鐘意唔係因為妳o既工作，
唔係因為怕妳危險，
而係妳根本無打算要對我交代啲咩......
妳無諗過我擔心妳係同第二個男仔一齊唔知做咩，
妳根本無打算過點去令我對妳有信心......

妳成日話我出面有第二個，
咁妳呢？難道我無咁諗嗎？
妳永遠只會話我好多女性朋友或同事，
那妳呢？咪又係成日話有人追妳......

記得有一次同妳去街，
有人打黎係我叫妳聽人地電話架！
結果妳同電話入面果個人講"我唔得閒呀,係咁啦！"
就收左人地線......
妳根本唔知我果刻諗咩，
我果刻第一個反應係"平時妳就係咁收我線......難道電話入面果個係第二個男仔......"

到最近拎妳電話黎睇，
妳初初唔肯，衝入廁所後出黎又比，
妳只會令我覺得妳係入廁所刪除一啲唔見得光o既嘢......
否則，點解唔一開始就比我睇，要到出黎先肯？

兩個人一齊係要互相信任，
好多野妳都對我講大話，
要我點信妳？
之前問Esther有冇介紹妳工作，佢話無
到之前妳話佢事後先記得，到今日我再問佢，佢都話無，
妳要我點信妳？

我一直追妳還錢，
妳以為因為咩原因呀？
唔係因為啲錢呀，
係因為我覺得妳有第二個，
既然咁本事，做咩要用我錢，
有本事就問佢拎唔好要我啲錢呀......

妳話無第二個男人，
妳要我信妳，但證據呢？

我而家心情可以好易明白的，
心死......
每次分手我都主動追返妳係因為我未心死，
但今次唔同，我個心死左啦！
我愛妳係無用架！
愛係要付出，
妳口口聲聲話我唔就妳時間唔陪妳，
咁妳呢？
我每個星期二三四日都得閒，
妳就日日都唔得閒......
我除左話妳有第二個所以唔得閒應酬我，
重有咩原因我可以覺得？
要妳心證據我，唔一定要實質物件呀！
係信心呀！係信心呀！

以前我好愛妳，
而家心死最簡單個原因係妳已經變左，
我愛妳，係源自我感受到妳對我o既愛，
如果無左呢一點，
大慨我同妳都係時間玩完，
而家我同妳就係處於呢一個情況......
點去改變呢個情況，
就要靠妳自己諗辦法，
我唔係唔比妳返工，
但為何我返工無妳果個情況但妳就有？

唔聽電話不特止，返工返到可以無啦啦話返屋企結果成晚無返，
話兩點返工，但每次都會無啦啦變左四點，
話十點放工，但唔知點解每次都變左十二點後，
話返到屋企打比我，但唔知點解十二點話返到樓下，
可以三四點先打返比我，跟住話啱啱沖埋涼，之後眼瞓瞓著左，
妳叫我點信妳？
妳自己以前有口話我架！
沖涼前，入門口打比我唔得架咩？
妳以前入屋企門口鞋都未除就會打比我架，
但妳而家唔係唔會咁做，係無咁做呀！
妳叫我點信妳返左屋企而唔係同第二個去街？

我希望妳會自己反諗吓呢個係我問題還是妳問題......
若然妳係唔鐘意我或有第二個，
我寧願妳誠實話我知，
如果真係無，我希望妳可以用行動證明，而唔係口口聲聲話無，
若果要我自己發現，
唔好話情侶，朋友我同妳呢一世都唔會再可以做！

爆了...

我忍唔住了...爆了！
今次係第二次......

所有人都叫我唔好要妳，
同事亦笑我太心軟......

講真，妳話妳比機會我，
我無嗎？
我話過唔准妳去人地度過夜，
係妳自己要逼我架咋！
本身已經無安全感可言，
更無拍拖感覺，
係妳要將關係推到最惡化架咋！

妳要講咩都好，
錢，袋同電話我通通都要返晒！
妳話我同妳計，我就計到足，
唔係我想放棄妳，
係妳要令我徹底死心呀！

係死心呀！
我唔再要妳啦！

妳話妳出面無第二個，
話得我一個，
妳叫我點信妳呀，
話妳個朋友係有精神病屈妳，
妳自己又表現到咁，
妳叫我信妳定信佢好呀？
過夜呀，係過夜呀！

去人地度過夜，過到要呃我話就返屋企，
轉過個電話都熄埋，
我只會覺得妳同人上床架咋！

唔好話我唱妳呀！
係妳hurt我到極點架！
我忍左妳好多野架啦，
呢次我忍唔住啦！我受夠啦，真係受夠啦！

人地話男人變心返轉頭有得救，
但女人變心返轉頭都無用架啦！
返我只係要黎"zip”時間架咋！

分手係我同妳唯一解決方法，
妳認為係我飛妳，隨便妳！
妳成日話我扮可憐去溝女，
妳呢？今次妳可以話妳比人飛好慘去溝仔啦！

請妳搞清楚呀！
我飛妳唔係因為我唔愛妳，
全部都係妳自己一手造成架！

學生被誘高息借錢傳銷

【明報專訊】「壹仟堂」公司近日以類似雙軌式傳銷方式吸引年輕人包括成年大專生加入做「beauty agent（美容代理）」，指參加者可藉招攬他人加入傳銷以賺取豐厚佣金。但本報偵查發現，要做代理須先付逾4萬元買美容代用券，有專業教育學院（IVE）學生因無錢，更遭人游說向財務公司借錢，致欠下年利率逾30厘的高息貸款，未賺傳銷佣金前已經先背上一身債。

「壹仟堂」經營方式引起消委會及IVE關注，IVE早前曾電郵提醒學生小心求職陷阱。警方亦曾派員了解壹仟堂經營手法。事件揭出現時本港法例對雙軌式傳銷手法的監管有限，有立法會議員促請當局修例保障參加者。

近日有讀者投訴，指有專業教育學院學生為了成為傳銷公司壹仟堂的美容代理以賺取佣金，花了4萬多元購買一間名叫「一纖堂」公司的美容代用券。學生並沒有錢，但他在壹仟堂職員游說下，到區內兩間財務公司邦民及安信合共借了4.5萬元以參加傳銷，年息率逾30厘。

年息逾30厘 須家人代還

因該學生其後無力按月歸還欠款（每月逾2500元），要由家人代還。另有讀者指出，據悉有不止一名仍在學的成年大專生，同樣為了參加壹仟堂傳銷而欠債。

壹仟堂位於尖沙嘴寶勒巷，記者日前以大學畢業生身分，相約壹仟堂一美容代理見面了解傳銷詳情，對方自稱亦是IVE學生。他先帶記者到與壹仟堂相距僅數分鐘腳程的「一纖堂」美容院參觀業務，然後才與記者步行往壹仟堂。

壹仟堂分兩單位，記者等候時見到大約5名求職者輪候，有職員向求職者解釋工作，記者並聽到「信用卡、EPS」等涉付款方法字眼，記者所見，部分懷疑壹仟堂代理均穿行政套裝，衣著光鮮。

其後，一名自稱僅18歲的資深陳姓男職員出現及向記者講解，他的卡片正面寫「一纖堂」beauty agent，背後則印有壹仟堂名稱及地址。

陳姓職員在白紙上繪圖解釋壹仟堂雙向制傳銷計劃，他指出，新傳銷代理加入前要先付4.25萬元購買等額一纖堂美容代用券，代用券可贈予他人以招客。

若記者能自行招攬（或靠公司安排）兩名朋友（B君及C君）各付4.25萬元加入成為自己左、右兩邊下線代理，即可獲大概6000、7000元佣金﹔另外若下線代理（B或C君）日後找到另外兩名新人加入做下線代理，作為上層代理的記者亦可再獲佣金。

按此計劃，傳銷代理會以每層人數大約增一倍的方式，擴展成金字塔。但陳氏強調公司限制了上層代理所賺佣金的上限，每人最多收入約9萬多元，故傳銷計劃不會「爆煲」，亦絕非違法的層壓式推銷。

職員游說︰倘無法支付 可分24期

陳氏指出，若記者無法支付4萬多元入會，可選擇最長分24期付款，但未有提及貸款機構及利息。他前後講解逾2小時，但當記者最後拒絕加入及要求離開時，陳氏即撕所有手稿及繪圖。

一纖堂﹕代用券怎賣無法控制

至截稿前壹仟堂暫未回覆。「一纖堂」則強調它與壹仟堂並無關連。對於壹仟堂涉游說傳銷代理借錢買一纖堂代用券，一纖堂承認與壹仟堂有合作，但它指對於其他公司怎樣去賣一纖堂代用券，一纖堂並不清楚，亦無法控制。

明報記者

http://jump.mingpao.com/cfm/PrintFriendly.cfm?file=20060907\news\gca1.xml

獨自過活

好辛苦......
真係好辛苦！
原來一個人係咁辛苦......

呢兩日返工都不其然自己同自己講野，
同事問我做咩自言自語，我自己都唔知......
又不停嘆氣......唉......

重打算比返晒d野佢，
但結果所有野都放返去原位，
當然，我知佢好灰......

我並唔係想令妳灰，
但要我掉晒佢地我真係唔捨得，
要我對住佢地，又只會令我掛住妳......

日子真係好難過......

上天對我真係好，
知我辛苦，聽日比我放一日假！

當有人知我失戀，
我先發現原來身邊都有唔少女仔傾傾地慕我的......
哈！可惜我對佢地無感覺！
阿珊知道後，好開心咁望實我笑......
阿怡知道後，竟然話佢太開心啦......
Connie知道左，我見（覺得）佢陰陰咀笑......
佢地三個都係好女仔，又靚女，
不過可惜我心入面重淨係只有我隻豬......
可惜丫，我只會為佢帶黎痛苦，還是遠離佢好了！

眼看得見唔係全部，睇唔到唔代表係無，呢個就係真相0既定義
對唔住呀豬，請妳原諒我啦，我愛妳呀袁子老婆！
但願一切快點過去，
事情快點解決！
我愛妳！

完結

睇返個日記，真係好耐無打過了
對上果一次係年幾前19/10/05，
我記得呢個日記係因為我要同阿蕾分手而寫，
而今日我再打返呢個日記，
亦係為左呢個原因......

但主角變左，今次係袁子

經過左太多次傷痛了，
大慨我對失戀已經無咩感覺......

記得曾經睇過一段新聞，
有個媽媽，佢個女突然去世，佢好傷心，
但佢話以後都會當個女喺度
"日頭唔見個女就當佢返左學，夜晚唔見個女就當佢瞓左......"
佢係樂觀，還是太可憐？

當我以為自己會搵到一個終身伴侶果陣，
竟然先發現原來自己離果一步重差好遠......
滿以為快到終點，我一早已經用盡力跑，
但跑過終點停下來果陣，先有人話你知重有一個圈未跑......
結果我無力再跑埋果個圈，返更衣室放棄比賽算了......

人真係無話邊個無左邊個唔得，
但如果自己摰愛突然離開唔再喺身邊，
人又能唔能夠好似平時咁生活呢？

苦我受過，真係唔想再受，
阿蕾果次我已經受夠，
無奈人生總是無常，當男人以為自己專一，
女人就會跟你一世果陣，
先發現，原來呢個只係男人未見女人發難前0既一般想法，
亦即係天真......

幸福同相愛，
唔係我好愛佢就可以有，
最重要係佢都好愛我，
聖經入面有句說話
"憎恨引起爭端;愛能掩蓋一切過錯"[箴言10:12]
唔知有幾多人明點解，
但更加唔知，有幾多人明咩係愛

我唔明，你唔明，妳唔明，他唔明，她亦唔明......

有人話小朋友十八歲前通常係拍散拖年紀，
難道說我重好後生？

我喺公園等左妳一個鐘，
妳無黎過搵我，
我好清楚妳愛我有幾多，
或許我係大男人，我係惡，
但係到而家，妳重可以同我講，
妳愛我，比我愛妳更深嗎？

<思覺失調> 劉浩龍

仍好嗎 仲會每天失眠到天光嗎
大頭蝦 沒帶門匙也許很勞氣吧
仍關心妳願每天問
最後也明白角色時已不相襯
還由他去代我為妳緊
問太多 根本不會講
束縛不來 如人馬座
亦因愛妳令妳不安 才離開不再講
願明天 能不再為妳痴纏
明白改不變 妳亦離開很遠
就算花光心機守每一個諾言
最後誰又會可憐
極危險 連思覺像也失調
無辦法接受現實 自製假想能延續故事
妳的聲線還仍言猶在耳 已分不清楚我位置

問太多 根本不會講
束縛不來 如人馬座
亦因愛妳令妳不安 才離開不再講
願明天 能不再為妳痴纏
明白改不變 妳亦離開很遠
就算花光心機守每一個諾言 最後誰又會可憐
極危險 連思覺像也失調
還是我太犯賤 或是我太介意 太過膚淺
百篇短訊留言徒然又試 始終得不到妳在意
留低即使很多的透支
如今已做錯 記下只有缺點
太心痛是我的一手包辦令妳心變酸
彌補如何還是太遲
若然妳 如果有日說婚期
我這生福氣 也用來祝福妳
仍收起曾同渡過每一齣戲飛
而這票尾 還應否捨棄

P.S.置頂,直至忘記她......
因為這首歌,完全是我的心聲......

25/1以為對佢0既思念會慢慢咁減少,
但現在卻一天比一天增加......

25/4睇返上面句話先發現原來3個月前,
有著今日一樣擁有的感覺......
時日無多了，一定要喺五月九日前完成某件事......

20/8睇黎，呢一首歌還是要繼續置頂了......

終結

同阿蕾分咗手一年我都無打日記，
今日卻打起日記來......

我同袁子分手了...
或許是意料之內，又或許是意料之外......

如果有人問我分手原因，
或許係安全感吧！
佢比唔到我，我亦比唔到佢......

分手，大家都有責任，
但無論如何，
都真係唔想再傷害佢，
亦唔想自己再比佢傷害......

人總係唔懂得從痛苦中學習的，
阿蕾係咁，袁子亦係咁，
兩個我都係咁......
唯一唔同，我同袁子分手，
唔係因為我對唔住佢......

一切都已成定局......
我又再一次親手將一個好愛我0既人趕走了...
大慨，往後我對愛情呢一樣野都係咁的了，
最愛我同我最愛0既人呢一刻都唔喺我身邊，
不過...算啦！
寂寂寞寞，孤孤單單0既生活，或許先至啱我......

阿蕾，我永遠都咁愛妳的！
袁子，我愛妳，因為妳很愛我！

一切已成過去，
"愛情，是需要上路的......"----素黑

阿牛 陳弈迅

不能回頭多年前 早明言不能回頭
可幸在 是我這一頭蠻牛
幾年來無法侍候 才和我分手
成婚之前一刻才講到
難得你來通報才知道
往日共你追憶永遠是好
怎能預計似這般難共你同揩共老
你話只需肯做
差一剎與我拾回舊好

不甘心尤其這新婚 就像玩犧牲
想過搶新娘 我差點講真

歷史一刻早已將舊伴侶轉送別人
我說 別傷心 仍能恰當大方去做人
約定日後你若和他雙婚
拿來用你尚有餘的惻隱
憐憫我此生的不幸
不緊要 約到明年來生

不甘心 人人不開心
尤其這新婚 失去我身份
不甘心
明明不開心 就是不甘心
不過我肯等 等一生都等

這都好自小想拿到的全得到
如今我求不到才知道
我命運裡雖則當你是寶
天涯上有更多的好

情人仍然未抱
要這麼的慘酷
她不要我再拾回舊好

不甘心 人人不開心
尤其這新婚 失去我身份
不甘心
明明不開心 就是不甘心
不過我肯等 等一生都等

一頭蠻牛 闖情場竟成為一頭蠻牛
慘淡在是我知不能回頭
欺騙我難約定未來回頭
我是牛 我是牛

告一段落...

今日終於都將一直想比返佢但又唔捨得比返佢0既野歸還比佢了...
重連埋一封信...

相信佢好快就會刪晒果兩個心心的了，
誰會理會甚麼心機不心機，
除了我之外，
在所有人眼中，
那些都只係錢，
誰會在乎它們的由來，
誰會在乎它們的意義呢？！

大慨我同佢呢一生呢一世都唔會再有人生的交叉點的了！

人說，一個人失去咗人生意義，
就等同於失去咗一切，
亦好像失去咗一個人生一樣，
我在想，我現在大慨已經草草了結了自己的一個人生了......

初初我以為我咩都忍到Iris，
Then我呢一生最愛果個應該就會係佢，
但原來，我一生中最愛果個，
始終都會係阿蕾......

袁子今日問我點解唔試吓出盡力咁去追返阿蕾，
在於一個女朋友身份0既人而言，
佢咁問我，真係好怪......
但佢咁問得我，正因為佢知我真係好愛阿蕾，
最愛果個亦係阿蕾......
而我個答案係，因為我知道我無可能追得返佢......
因為佢應該係好恨我的，
果時對佢咁好，但都竟然背叛果一段感情......

佢問我，覺得佢係唔係好傻，
竟然會鐘意一個唔愛自己0既男人......
講真，我答佢"係"，
因為我呢一個男人，
唔單止係唔好，更係唔值得有女人為我付出咁多野......
因為，我心入面就只有阿蕾......

今晚，同袁子去海旁飲醉酒了，
正因為咁，同佢講出咗好多心聲，
亦因為咁，令我想起好多往事......
平日好飲得0既我，
今日卻被三支酒搞掂咗......
人說，酒入愁腸愁更愁......
或許是真的吧！

袁子走了之後，
我Send咗兩個massage比阿蕾，
真係鼓起勇氣去問佢，
如果我真係好想追返佢，
我有資格或機會嗎？
之後佢一直無覆返我massage......
大慨我又再一次被佢拒絕了吧！
Then send咗一個massage向佢道歉，
或許我係阻住佢瞓，或是騷擾到佢了......

一個沒有回覆的短訊，
大慨已經係一個最好的回覆了......

人的一生真係好短暫，
一個人生原來可以因為一殺那做錯決定而徹底被毀了......

我愛妳，阿蕾......
大慨呢一樣野永遠都只會係埋喺我心中心處0既心聲而不會再被世人所提及...